டாஸ்மார்க்கின் அடுத்த சாதனை (வேதனை)

சரவணன் · சரவணன் Mon 15 Mar 2010 - 15:42

காரைக்கால்:காரைக்காலில்
மது வாங்கித் தர மறுத்ததால் கல்லூரி உடற்கல்வி ஆசிரியர் பார் எதிரே
குத்திக் கொலை செய்யப்பட்டார்.காரைக்கால் அடுத்த பொறையாறு மார்க்கெட்
வீதியை சேர்ந்த ஆரோக்கியசாமிசுந்தர் (30), காரைக்காலில் உள்ள தனியார்
கல்லூரியில் உடற்கல்வி ஆசிரியராக பணியாற்றி வந்தார். இவர், நேற்று மாலை
பாரதியார் சாலையில் உள்ள எல்லோரா ஒயின்சில் மது குடித்துக்
கொண்டிருந்தார்.

அப்போது மொபைல்
போனில், தன் உறவினருடன் சத்தமாக பேசினார்.எதிரே மது குடித்துக்
கொண்டிருந்த காரைக்கால் டோபி காலனியை சேர்ந்த ஆரோக்கியராஜ் (35), ஏன்
சத்தமாக பேசுகிறாய் என கேட்டு ஆரோக்கியசாமிசுந்தரிடம் தகராறு செய்தார்.
பின், தனக்கும் மது வாங்கித் தருமாறு மிரட்டி உள்ளார்.
ஆரோக்கியசாமிசுந்தர் மறுத்ததால் இருவருக்கும் தகராறு ஏற்பட்டது.பாருக்கு
வெளியே வந்த ஆரோக்கியசாமிசுந்தரை, ஆரோக்கியராஜ் வழிமறித்து தாக்கி
உள்ளார்.

மேலும், மதுபாட்டில்கள்
அடுக்கி வைத்திருந்த கண்ணாடிப் பெட்டியை ஆரோக்கியராஜ் உடைத்து அதிலிருந்த
கண்ணாடி துண்டால் ஆரோக்கியசாமிசுந்தரின் மார்பில் குத்தினார்.
படுகாயமடைந்த ஆரோக்கியசாமிசுந்தரை பார் ஊழியர்கள் மற்றும் பொது மக்கள்
காரைக்கால் அரசு மருத்துவமனைக்கு கொண்டு செல்லும் வழியில் அவர்
உயிரிழந்தார். ஆரோக்கியராஜை பொதுமக்கள் பிடித்து போலீசில் ஒப்படைத்தனர்.
டவுன் போலீசார் விசாரிக்கின்றனர்.

டாஸ்மார்க்கின் அடுத்த சாதனை (வேதனை) 56667

டாஸ்மார்க்கின் அடுத்த சாதனை (வேதனை) 56667

அசோகன் · அசோகன் Mon 15 Mar 2010 - 15:49

திருமணமான 3வது நாளில் வரதட்சணை கேசு (498A) : கலெக்டரிடம் பள்ளி மாணவி புகார்
தினமலர்: ஜனவரி 19,2010
ராமநாதபுரம் : ராமநாதபுரம் அருகே வரதட்சணை கொடுமையால் திருமணம் முடிந்து மூன்று நாட்களில், தாய்வீட்டிற்கு வந்த பிளஸ் 2 மாணவி, கணவர் மற்றும் அவரது குடும்பத்தினர் மீது கலெக்டரிடம் புகார் கொடுத்தார்.

ராமநாதபுரம் கருவப்பிள்ளைக்கார தெருவை சேர்ந்த ஆறுமுகம் மகள் அனிதா (18). இங்குள்ள நகராட்சி பெண்கள் மேல்நிலை பள்ளியில் பிளஸ் 2 படித்து வந்தார். இவருக்கும், மண்டபம் கேம்ப் மணிகூண்டு பகுதியை சேர்ந்த மற்றொரு ஆறுமுகம் மகன் சரவணன் என்பவருக்கும் 2009ம் ஆண்டு நவ., 29ம் தேதி திருமணம் நடந்தது.

திருமணத்தின் போது, 11 சவரன் நகை , 50 ஆயிரம் ரூபாய் மதிப்புள்ள பொருட்கள் வரதட்சணையாக கொடுக்கப்பட்டது. சரவணன், ரேஷன் கடை விற்பனையாளராக உள்ளார். திருமணம் நடந்த மூன்று நாட்களிலே அனிதா, தனது பெற்றோர் வீட்டுக்கு வந்துவிட்டார். பெற்றோர் விசாரித்ததில், சரவணன் மற்றும் அவரது தாயார் கஸ்தூரி, அண்ணன் மனைவி முனீஸ்வரி ஆகியோர் மேலும், 20 சவரன் நகை மற்றும் டூவீலர் வாங்கி வரக்கூறி கொடுமைப்படுத்தியதாக தெரிவித்தார்.

இது தொடர்பாக அனிதா, ராமநாதபுரம் மகளிர் போலீசில் புகார் செய்தார். புகார் மீது சரியான நடவடிக்கை இல்லாததால், ராமநாதபுரத்தில் நேற்று நடந்த குறைதீர் கூட்டத்தில், தன்னை கொடுமை செய்த கணவர் மற்றும் அவரது குடும்பத்தினர் மீது நடவடிக்கை எடுக்கக்கோரி, கலெக்டர் ஹரிஹரனிடம் மனு கொடுத்தார். இம்மனு, பிரதீப்குமார் எஸ்.பி.,க்கு பரிந்துரைக்கப்பட்டது. அதன்படி, மகளிர் போலீசார், விசாரித்து வருகின்றனர்.

அனிதா கூறியதாவது:

எனது அக்காவை பெண் பார்க்க வந்தவர்கள், படித்து கொண்டிருந்த என்னை திருமணம் செய்வதாக கூறியதால், பெற்றோர் திருமணம் நடத்தி வைத்தனர். ஆனால், திருமணம் முடிந்த மறுநாளே, எனது கணவர் சரவணன் குடிபோதையில் என்னை துன்புறுத்தினார். உன்னை பிடிக்கவில்லை. உனது அக்காவைத்தான் திருமணம் செய்ய இருந்தேன். நான் கேட்கிறபடி கூடுதல் வரதட்சணை வாங்கி வராவிட்டால், உன்னை கொலை செய்து, வேறு திருமணம் செய்து கொள்வேன் எனக் கூறி அடித்தார். இவ்வாறு அனிதா கூறினார்.
=========================================