மரபுப் பா பயிலரங்கம்

தமிழநம்பி · தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

வழிப்போக்கன் · 18/02/2010

தமிழநம்பி wrote:
வழிப்போக்கன் wrote:

எண்ணிடும் போதில் இனிக்கும் தமிழே
கண்ணின் மணியாய்க் கண்டேன் உனையே!

மிகச்சிறப்பு.

மனமார்ந்த பாராட்டு.

தொடர்ந்து படித்து எழுதுங்கள். மற்றவர்களையும் எழுத ஊக்கம் கொடுங்கள்.

ஈகரைத் தமிழ் உள்ளங்களே!
எளிதாக மரபுப்பாடல் எழுத வருக!
அரிய வாய்ப்பைப் பயன்படுத்திக் கொள்க என அழைக்கிறேன்.

நன்றி ஐயா நிட்சயமாக மற்றவரையும் ஊக்கப் படுத்துவேன், ஈகரைக்கு நீங்கள் கிடைத்தது அரிய பொக்கிஷம் மேலும் தொடருங்கள் கற்றிட ஆவலாக உள்ளேன்

**சிவா** · **சிவா** Wed May 12, 2010 10:30 am

எழுத வேண்டும் எனத் தோன்றுகிறது, ஆனால் எழுத முடியவில்லையே ஐயா! சரி, கையை நீட்டி அடியை வாங்கிக் கொள்கிறேன்! (மெதுவாக அடிக்கவும்)

Spoiler:

srinihasan · srinihasan Wed May 12, 2010 10:33 am

சிவா wrote:எழுத வேண்டும் எனத் தோன்றுகிறது, ஆனால் எழுத முடியவில்லையே ஐயா! சரி, கையை நீட்டி அடியை வாங்கிக் கொள்கிறேன்! (மெதுவாக அடிக்கவும்)

Spoiler:

அண்ணா இப்படி செய்தால் விட்டு விட மாட்டார்கள்...
கையில் புத்திரேகை நல்லாதானே இருக்கு முயற்சி பண்ணுங்க கண்டிப்பா வரும்... (ஆனா வராது மரபுப் பா பயிலரங்கம் - Page 10 514396

)

தமிழநம்பி · தமிழநம்பி Wed May 12, 2010 12:35 pm

சிவா wrote:எழுத வேண்டும் எனத் தோன்றுகிறது, ஆனால் எழுத முடியவில்லையே ஐயா! சரி, கையை நீட்டி அடியை வாங்கிக் கொள்கிறேன்! (மெதுவாக அடிக்கவும்)

[spoiler][
/spoiler]

அடிக்கின்ற ஆசிரியன் அல்லன்.

ஏதாவது நான்கு சொல்லை - சீரை - எழுதினால்...
அதைப் பாட்டாக்கி
நீட்டுகிற கையிலே பாட்டைத் தருபவன்!

நன்றி சிவா.

நந்திதா மற்றும் நண்பர்களைக் காணோமே!

குறைந்தது பத்துப் பேராவது எனக்கு ஊக்கமளிக்கப் பாட்டெழுத வாருங்கள் என அழைக்கிறேன்.
பிழையாகிவிடும், தவறாகிவிடும் என்றெல்லாம் எண்ணித் தயங்க வேண்டா!
முதலில் பிழையாக எழுதுகிறவர்களே திருத்தமாக எழுதுகிறவர்களாகிறார்கள்!
பெரும் பாவலர்களும் பிழையாக எழுதியவர்களே!

தயங்காமல் எழுத அன்புள்ளங்களை அழைக்கிறேன்.
எதை எழுதினாலும் அது பாட்டாக வரும் என்று நம்புங்கள்.
அன்புடன்,
த.ந.

தமிழநம்பி · தமிழநம்பி Fri May 14, 2010 10:01 pm

அடுத்த வகைப் பாடலை நான்கைந்து நாட்கள் இடைவெளிக்குப் பின் எழுதப் பயில்வோம்.

**சிவா** · **சிவா** Fri May 14, 2010 10:12 pm

தமிழநம்பி wrote:அடுத்த வகைப் பாடலை நான்கைந்து நாட்கள் இடைவெளிக்குப் பின் எழுதப் பயில்வோம்.

நன்றி ஐயா!!! மரபுப் பா பயிலரங்கம் - Page 10 678642

தமிழநம்பி · தமிழநம்பி Tue May 25, 2010 8:11 am

அடுத்து, நாம் எழுதும் பாட்டு வெண்தாழிசை

1. இது ஒரு மூன்றடிப்பாடல்.
முதல் இரண்டு அடிகளும் நான்குசீர் அடிகள்.
மூன்றாம் அடி மூன்று சீர் அடி.

2. மூன்றடிகளும் ஒரே எதுகை பெற்று வரவேண்டும்.

3. கடைசிச் சீர் ஓரசைச் சீராக நாள், மலர், காசு, பிறப்பு என்ற வாய்பாட்டில் வரவேண்டும்.

4. கடைசிச்சீர் தவிர மற்ற சீர்கள் ஈரசைச்சீர்கள்.

(அசை பற்றிப் பயிலரங்கின் 2ஆம் பகுதியிலும், அசைபிரித்தல் பற்றி 3ஆம் பகுதியிலும் சீர் பற்றி 4ஆம் பகுதியிலும், ஓரசைச்சீர் பற்றி 6ஆம் பகுதியிலும் விளக்கியுள்ளதை மறுபடியும் ஒருமுறை படித்துக் கொண்டால் எழுதல் எளிது)

எடுத்துக்காட்டுப் பாடல்:

கண்ட கண்ட உணவை உண்டால்
கொண்ட உடலில் நோய்கள் தாக்க
மண்டும் துன்பம் மிகும். - புதுவைப் பாவலர் அரங்க.நடராசன்.

இன்னொன்று :

தன்னின் நலமும் தானுறு குடும்ப
இன்னலந் தமையுமே எண்ணி இயங்குவார்
என்னினத் தலைவரா? ஏய்ப்பு!

அன்பார்ந்த தமிழ்நெஞ்சங்களே, தயக்கமின்றி எழுதுங்கள் பிழை இருப்பின் திருத்திக் கொள்ளலாம். உங்கள் எண்ணங்களைப் பாட்டாக்கி மகிழுங்கள்!
எழுத்த் தொடங்குங்கள்!

தமிழநம்பி · தமிழநம்பி Fri May 28, 2010 4:53 pm

எந்த வகையில் எடுத்துக் கூறியும்
சொந்த மாக எழுது தற்கே
இந்தத் தயக்கம் எதற்கு?

இதுவும் வெண்தாழிசைப் பாட்டே.
பெயரைப் பற்றிக் கவலைப்பட வேண்டா.
மேலே உள்ளதைப்போல் மூன்று வரி எழுதுங்கள்.
தானே பாட்டு அமையும்.

முத்தியாலு மாதேஷ் · 05/02/2010

வழிப்போக்கன் · 18/02/2010

மிக அருமையான பாடம் ஐயா மிக்க நன்றிகள் எனது முயற்சி

மண்ணில் உயிர்கள் மரிக்கவே யெண்ணி
பண்ணியே வைத்திடும் ஆயுதம் பாராய்
மனிதம் தொலைந்த உலகு!

(ஆயுதத் தொழிசாலைத் திரி பார்த்ததால் மனதில் எழுந்த தாக்கத்தில் உருவானது)

Sponsored content · Sponsored content

மரபுப் பா பயிலரங்கம்

மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக