மரபுப் பா பயிலரங்கம்

தமிழநம்பி · தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

கலைவேந்தன் · கலைவேந்தன் Wed Oct 13, 2010 12:18 pm

செந்தமி ழதனின் செம்மை செப்பிட
எந்தன் வலிமை ஆமோ எந்தமிழ்
முழங்கிட முயலும் தமிழ நம்பியின்
கழக மோங்கிட ஈகரை வாழ்த்துமே...!

**V.Annasamy** · **V.Annasamy** Wed Oct 13, 2010 12:34 pm

வாழ்த்த வந்த வாழ்த்தும் வாழ்த்துமே.
ஆழ்சொல் தமிழும் ஆங்கே அமருமே,
தமிழை நம்பிடும் தனையன் புகழோடு.
உமிசேர் நெல்மணி உறவாய் நாங்களுமே.

**kirikasan** · **kirikasan** Thu Oct 14, 2010 12:10 am

ஐயா,
ஒன்றுதான் எழுதினேன்.

சிறுவய தெழில்சேர் சித்திரக் கனவாம் - எண்ணிடவே
உறுசுகம் நினைவெழ உளமதில் மகிழ்வே எண்ணிடவே
பெறுமுயர் வயதினில் பெருகும் ஏக்கம் எண்ணிடவே

அன்புடன்
கிரிகாசன்

தமிழநம்பி · தமிழநம்பி Thu Oct 14, 2010 8:14 am

கலை wrote:செந்தமி ழதனின் செம்மை செப்பிட
எந்தன் வலிமை ஆமோ எந்தமிழ்
முழங்கிட முயலும் தமிழ நம்பியின்
கழக மோங்கிட ஈகரை வாழ்த்துமே...!

நன்றி கலை ஐயா.

தமிழநம்பி · தமிழநம்பி Thu Oct 14, 2010 8:15 am

V.Annasamy wrote:வாழ்த்த வந்த வாழ்த்தும் வாழ்த்துமே.
ஆழ்சொல் தமிழும் ஆங்கே அமருமே,
தமிழை நம்பிடும் தனையன் புகழோடு.
உமிசேர் நெல்மணி உறவாய் நாங்களுமே.

நன்றி அண்ணா!

தமிழநம்பி · தமிழநம்பி Thu Oct 14, 2010 8:18 am

சிறுவய தெழில்சேர் சித்திரக் கனவாம் - எண்ணிடவே
உறுசுகம் நினைவெழ உளமதில் மகிழ்வே - எண்ணிடவே
பெறுமுயர் அகவையில் பெருகும் ஏக்கம் – எண்ணிடவே!

சரியாக எழுதியிருக்கின்றீர்கள் கிரி.
தொடர்ந்து எழுதுக.

**V.Annasamy** · **V.Annasamy** Thu Oct 14, 2010 9:41 am

தமிழநம்பி wrote:
V.Annasamy wrote:வாழ்த்த வந்த வாழ்த்தும் வாழ்த்துமே.
ஆழ்சொல் தமிழும் ஆங்கே அமருமே,
தமிழை நம்பிடும் தனையன் புகழோடு.
உமிசேர் நெல்மணி உறவாய் நாங்களுமே.
நன்றி அண்ணா!

நன்றி ஐயா

யாதுமானவள் · யாதுமானவள் Thu Oct 28, 2010 10:56 pm

வணக்கம் அய்யா! தங்கள் நலன் காக்க!

வாழ்த்து!

மண்ணின் மகிமை நினைவில் கொண்டு - வாழ்க!
விண்ணில் உள்ளோர் விரும்பி வாழ்த்த - வாழ்க!
கண்ணின் மணியாய் கருத்தொடு ஒத்து - வாழ்க

இரக்க குணத்தொடு இன்முகம் கொண்டு - வாழ்க!
இயல்பாய் வாழ்க்கையில் இரண்டற கலந்து - வாழ்க!
எல்லா வளமும் என்றும் பெற்று -வாழ்க!

அன்புடன்
யாதுமானவள்

தமிழநம்பி · தமிழநம்பி Wed Nov 03, 2010 7:48 am

அன்பார்ந்த உள்ளங்களே, என் கணிப்பொறி பழுதுற்றதாலும் சில பணியழுத்தங்களின் காரணமாகவும் பயிலரங்கம் வர இயலாதிருந்தேன். பொறுத்தாற்றுக. இடையிடையே இவ்வாறான தடங்கல்கள் இருந்தாலும் பயிலரங்கு தொடர்ந்து நடக்கும். அடுத்து நாம் வெண்பா எழுதப் பயில இருக்கின்றோம். காலத்தாழ்த்தம் பற்றிக் கருத்தில் கொள்ளாது பயிலரங்க அன்பர்கள் தொடர்ந்து வரும்படிக் கேட்டுக்கொள்கின்றேன். நன்றி.

தமிழநம்பி · தமிழநம்பி Wed Nov 03, 2010 8:09 am

யாதுமானவர்க்கு,
உங்கள் பாடல் நன்று.
சிறு திருத்தங்களுடன்...
மண்ணின் பீடுறை மதிப்பினை நினைந்தே - வாழ்க!
விண்ணில் உள்ளவர் விரும்பி வாழ்த்த - வாழ்க!
கண்ணினின் மணியெனக் கருத்தாய் ஒத்து - வாழ்க

இரக்கப் பண்பும் இன்முகம் விளங்க - வாழ்க!
இயல்பாய் வாழ்க்கையில் இரண்டறக் கலந்து - வாழ்க!
நலவளம் பலவும் என்றும் பெற்று -வாழ்க!

திருத்தங்கள் எதற்கு என்ற ஐயமிருப்பின் தயங்காது கேளுங்கள்.
தொடர்ந்து எழுதுக.

Sponsored content · Sponsored content

மரபுப் பா பயிலரங்கம்

மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக