ஒரு பெண்ணுக்கு மூன்று குழந்தைகள் ........

கேள்வி : ஒரு பெண்ணுக்கு மூன்று குழந்தைகள் அறுவை சிகிட்சையில் பிறந்துள்ளன. இப்போது அந்த பெண்ணின் ஆரோக்யத்தை கருத்தில் கொண்டு நிரந்தர கருத்தடை செய்யலாமா..? பல அறுவை சிகிட்சை செய்வது பெண்களுக்குத் தொல்லைக் கொடுக்குமா..? கருத்தடைக்கு பிறகு பெண்களின் ஆரோக்யத்தில் பாதிப்பு ஏற்படுமா..?
எதெற்கெடுத்தாலும் அறுவை சிகிட்டை என்ற காலமாகிவிட்டது. மருத்துவர்களின் பொருப்பின்மையும், பணம் பண்ண வேண்டும் என்ற பேராசையுமே அறுவை சிகிட்சை என்ற மருத்துவ நோயை வேகமாக வளர்த்துக் கொண்டிருக்கின்றது என்று மனித உரிமையாளர்களின் குரல் ஓங்கி ஒலித்துக் கொண்டிருந்தாலும் இந்த நோய் என்னவோ குறைந்தபாடில்லை.

பொதுவாக கர்ப்பப்பையில் எத்தகைய கோளாரும் இல்லாமலிருக்கும் போது அவற்றை நீக்குவது ஹராம். இனியும் குழந்தை உருவாகினால் அறுவை சிகிட்சையின் மூலமே பெற்றெடுக்க வேண்டி வரும் அதை பெண்ணால் - மனைவியால் - தாங்க முடியாது என்று கணவன் நினைத்தால் அல்லது மனைவி அத்தகைய நிலையை உணர்ந்தால் அல்லது மருத்துவர் அவ்வாறு கூறினால் அப்போது கூட பாதுகாப்பான முறையில் நடந்து கொள்ள முடியும். நிரோத், காப்பர்டி போன்ற கருத்தடை சாதனங்கள் இன்றைக்கு பரவலாக உபயோகத்திற்கு வந்து விட்டன. டாக்டரின் ஆலோசனைப்படி அவற்றை பயன்படுத்தலாம். மனைவியின் கர்ப்பப்பையை நீக்கி விட வேண்டும் என்கிற அவசியமில்லை.
அல்லது கர்ப்பப்பையை முழுவதும் நீக்காமல் 8 முதல் 14 செ.மீ இருக்கும் கருவரைக் குழாயின் இடையில் இரண்டு செ.மீ வெட்டி எடுப்பதன் மூலம் - விந்தணுவை கரு முட்டையுடன் சேராமல் தடுப்பதன் மூலம் - குழந்தை பிறப்பை தள்ளிப் போடலாம். மீண்டும் குழந்தை தேவை எனும் நிலை வந்தால் வெட்டிய பகுதியை இணைத்து கருவை உருவாக்கிக் கொள்ளலாம். (ஆதாரம்: மகப்பேறு மருத்துவர் எஸ். ஞான சௌந்தரியின் மருத்துவ பதில்கள்)
நோய் தாக்காமல் நல்ல நிலையில் இருக்கும் கருப்பை பெண்களின் ஆரோக்யத்தை பல வழிகளில் தீர்மானிக்கிறது. கருப்பை நீக்கப்பட்டால் பெண்கள் ஆரோக்யமாக இருப்பார்கள் என்று எந்த மருத்துவமும் சொல்லவில்லை. மாறாக அதன் கெடுதியையே மருத்துவம் அறிவிக்கிறது. கருப்பையுடன் சேர்த்து சினைப்பையும் அகற்றப்படும் போது அவை சுரக்கும் இயக்கு நீர்கள் திடீரென்று தடைப்பட்டு விடுவதால் படபடப்பு, மூச்சு திணரல், உடம்பில் அதிகமான சூடு, ஓயாத தலைவலி, தூக்கமின்மை, முட்டுவலி போன்றவை ஏற்படும். இந்த வியாதிகளை போக்க அடுத்தக் கட்ட சிகிட்சைக்கு தயாராக வேண்டும். அந்த சிகிட்சையில் வேறுவித பின் விளைவுகள் ஏற்படும் வாய்ப்புள்ளது. எல்லாவற்றையும் நாம் பரிசீலிக்க வேண்டும். கருவரை சார்ந்த நோய்கள் (கட்டி, புற்று நோய் போன்றவை) வந்து அது பெண்ணை இடையூறு படுத்தினால் மட்டுமே - தகுந்த மருத்துவரின் ஆலோசனைப்படி - கருப்பையை நீக்கலாம். நிர்ப்பந்தம் என்ற பொதுவான அடிப்படையில் இஸ்லாம் இதை அனுமதித்து விடும்.

பகிர்வுக்கு நன்றி மாமு