பிரபாகரனின் மகன் சார்லஸ் அந்தோணி, பா.நடேசன், புலித்தேவன் மரணம் ????- உடல்கள் மீட்பு: ராணுவம்

இளவரசன் · இளவரசன் Mon May 18, 2009 11:02 am

கொழும்பு: கரையமுள்ளிவாய்க்கால் பகுதியில் இன்று காலை விடுதலைப் புலிகள் இயக்கத் தலைவர் பிரபாகரனின் மகன்
சார்லஸ் அந்தோணியின் உடல் கண்டுபிடிக்கப்பட்டுள்ளதாக ராணுவம் கூறியுள்ளது.

அதேபோல விடுதலைப் புலிகள் இயக்கத்தின் அரசியல் பிரிவு தலைவர் பா.நடேசன், அமைதி செயலக தலைவர் புலித்தேவன் ஆகியோரும் இறந்து விட்டதாக ராணுவம் தெரிவித்துள்ளது.

நேற்றுதான் பிரபாகரனின் உடல் மீட்கப்பட்டதாக ராணுவம் கூறியது. ஆனால் நேற்று மாலை பிரபாகரனை இன்னும் நெருங்கவே
இல்லை என்று அது கூறியது.

இந்த நிலையில் இன்று காலை சார்லஸ் அந்தோணியின் உடலை மீட்டுள்ளதாக ராணுவத்தின் சிறப்புப் பிரிவு வீரர்கள் தெரிவித்துள்ளதாக ராணுவ தலைமையகம் தெரிவித்துள்ளது.

இன்று காலை கரையமுள்ளிவாய்க்கால் பகுதியிலிருந்து விடுதலைப் புலிகள் சார்லஸ் அந்தோணியை தப்ப வைக்க முயன்றாகவும், அது தோல்வியில் முடிந்ததாகவும் ராணுவம் கூறுகிறது.

அதன் பின்னர் அப்பகுதியிலிருந்து சார்லஸ் அந்தோணியின் உடலை ராணுவத்தின் சிறப்புப் பிரிவு வீரர்கள் மீட்டுள்ளதாகவும் தகவல்கள் கூறுகின்றன.

இந்த செய்தியும் எந்த அளவுக்கு உண்மை என்பது தெரியவில்லை.

சார்லஸ் அந்தோணி, பிரபாகரனின் மூத்த மகன் ஆவார். புலிகள் இயக்கத்தின் தகவல் தொழில்நுட்பப் பிரிவுக்குத் தலைமை தாங்கி வந்தார். விமானப்படைப் பிரிவான வான் புலிகள் பிரிவை உருவாக்கி அதை செயல்படுத்தி வந்தவர் சார்லஸ்தான்.

நடேசன், புலித்தேவனும் மரணம்..

அதேபோல அரசியல் பிரிவு தலைவர் பா.நடேசன் மற்றும் அமைதி செயலக தலைவர் புலித்தேவன் ஆகியோரது உடல்களும் கண்டுபிடிக்கப்பட்டுள்ளதாக ராணுவம் கூறுகிறது.

இலங்கை காவல்துறையில் காவலராக முன்பு பணியாற்றியவர் நடேசன். சுப. தமிழ்ச்செல்வன் மறைவுக்குப் பின்னர் நடேசன் அரசியல் பிரிவு தலைவராக நியமிக்கப்பட்டார் என்பது குறிப்பிடத்தக்கது.

அதேபோல, விடுதலைப் புலிகள் இயக்கத்தின் மூத்த தலைவர்களில் ஒருவரான ரமேஷ் என்பவரது உடலும் கண்டுபிடிக்கப்பட்டுள்ளதாகவும், அடையாளம் காணப்பட்டுள்ளதாகவும் ராணுவம் கூறியுள்ளது.

சார்லஸ் அந்தோணி உள்ளிட்ட நான்கு பேரின் உடல்களும் இன்று காலையில் கண்டுபிடிக்கப்பட்டதாக இலங்கை ராணுவ இணையதளம் செய்தி வெளியிட்டுள்ளது.

From :That's Tamil

பிரபாகரனின் மகன் சார்லஸ் அந்தோணி, பா.நடேசன், புலித்தேவன் மரணம் ????- உடல்கள் மீட்பு: ராணுவம்

பிரபாகரனின் மகன் சார்லஸ் அந்தோணி, பா.நடேசன், புலித்தேவன் மரணம் ????- உடல்கள் மீட்பு: ராணுவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக