துணை நடிகையின் துணிகரம்: மனைவி, குழந்தைகள் கண் எதிரில் சென்னை சுங்க அதிகாரி வெட்டிக்கொலை

சென்னை ஆதம்பாக்கம் திருவள்ளூவர் நகரை சேர்ந்தவர் சாம்சன் (43). இவரது மனைவி டெய்சி. இவர்கள் இருவரும் சென்னை விமான நிலையத்தில் சுங்க அதிகாரிகளாக பணிபுரிந்து வந்தனர். இவர்களுக்கு எரிக்சன் (8), ரைபின்சன் (6) ஆகிய 2 மகன்கள் உள்ளனர்.

நேற்று ஞாயிற்றுக்கிழமை என்பதால் சாம்சன் தனது மனைவி, மகன்களுடன் காரில் வெளியே சென்றார். இரவு 11 மணியளவில் அவர்கள் வீடு திரும்பினார்கள்.

சாம்சன் காரில் இருந்து இறங்கி வீட்டு கேட்டை திறக்க சென்றார். அவரது மனைவி, மகன்கள் காரில் இருந்தனர். அப்போது 8 பேர் கொண்ட கும்பல் அங்கு அரிவாள், கத்தி உள்ளிட்ட பயங்கர ஆயுதங்களுடன் வந்தது.

4 பேர், காரில் இருந்து யாருமே கீழே இறங்காதபடி ஆயுதங்களுடன் சூழ்ந்து கொண்டனர். மற்ற 4 பேரும் சாம்சனை சுற்றி வளைத்து சரமாரியாக வெட்டினார்கள். இதில் அவரது கழுத்து, மார்பு, இடுப்பு பகுதிகளில் பலத்த வெட்டு விழுந்தது. அவர் ரத்த வெள்ளத்தில் கீழே மயங்கி விழுந்தார்.

இதைப்பார்த்து அவரது மனைவி மற்றும் குழந்தைகள் கத்தி கூச்சல் போட்டு கதறினார்கள். இதைப்பார்த்து அக்கம் பக்கத்தினர் வீட்டை விட்டு வெளியே வந்தனர். அவர்களை சாம்சனின் மனைவி உதவிக்கு அழைத்தார். ஆனால் அவர்கள் யாரும் உதவிக்கு வரவில்லை. பயந்து நடுங்கிய படியே வேடிக்கை பார்த்துக் கொண்டிருந்தனர்.

இதற்கிடையே ரத்த வெள்ளத்தில் மயங்கி விழுந்த சாம்சன் துடிதுடித்து சம்பவ இடத்திலேயே இறந்தார். அவர் இறந்ததை உறுதி செய்த கும்பல் அங்கிருந்து தப்பி ஓடிவிட்டது.

இதுகுறித்து டெய்சி போலீசுக்கு தகவல் தெரிவித்தார். பரங்கிமலை துணை கமிஷனர் வரதராஜு, மீனம்பாக்கம் உதவி கமிஷனர் குப்புசாமி, மடிப்பாக்கம் உதவி கமிஷனர் சங்கரபாண்டியன், ஆதம்பாக்கம் இன்ஸ்பெக்டர் பழனிவேல் மற்றும் போலீசார் சம்பவ இடத்துக்கு விரைந்து சென்றனர்.

பிணத்தை கைப்பற்றி குரோம்பேட்டை அரசு ஆஸ்பத்திரிக்கு அனுப்பி வைத்தனர்.

கொலை தொடர்பாக சாம்சனின் மனைவி டெய்சியிடம் போலீசார் விசாரணை நடத்தினார்கள். அப்போது கொலைக்கான திடுக்கிடும் தகவல் தெரியவந்தது.

சாம்சனின் வீட்டு எதிரே பவ்லினா (47) என்ற பெண் வசித்து வருகிறார். இவர் பல படங்களில் துணை நடிகையாக நடித்துள்ளார். முன்பு சாராயம் மற்றும் கஞ்சா விற்கும் தொழிலிலும் ஈடுபட்டு வந்தார்.

துணை நடிகை பவ்லினா தனது வீட்டு அருகே நாகாத்தம்மன் கோவில் கட்டியுள்ளார். அந்த கோவிலுக்கு ஆடி மாத்தில் விழா நடத்த அந்த பகுதியில் உள்ளவர்களிடம் பவ்லினா வசூல் செய்வார். அவரிடம் சாம்சன் வருடந்தோறும் திருவிழா நடந்த ரூ.5 ஆயிரம் கொடுப்பது வழக்கம்.

கடந்த 2 வருடமாக சாம்சன் பணம் கொடுக்கவில்லை. பவ்லினா கேட்டுப்பார்த்தும் அவர் பணம் கொடுக்க மறுத்து விட்டார். இதனால் சாம்சனை வீட்டு அருகே பார்க்கும் போதெல்லாம் பவ்லினா மோசமாக திட்டுவது வழக்கம். சாம்சனும் பதிலுக்கு திட்டுவார். இதனால் அவர்களிடையே அடிக்கடி தகராறு ஏற்பட்டு வந்தது.

கடந்த 2 மாதத்துக்கு முன்பு சாம்சன்-பவ்லினா இடையே தகராறு முற்றியது. ஆத்திரம் அடைந்த பவ்லினா, சாம்சனுக்கு கொலை மிரட்டல் விடுத்தார்.

இதையடுத்து நேற்று இரவு கூலிப்படையை ஏவி பவ்லினா சாம்சனை தீர்த்துக்கட்டியது தெரியவந்தது. கொலை நடந்தபோது பவ்லினாவும், கூலிப்படை கும்பலுடன் நின்று கொண்டிருந்தார். பின்னர் அவர் வீட்டை பூட்டிவிட்டு தப்பி விட்டார்.

இந்த கொலை தொடர்பாக ஆதம்பாக்கம் போலீசார் வழக்குப்பதிவு செய்து தப்பி ஓடிய துணை நடிகை பவ்லினாவையும், கூலிப்படை கும்பலையும் தேடி வருகிறார்கள்.

தப்பி ஓடிய துணை நடிகை பவ்லினாவையும், கூலிப்படை கும்பலையும் தேடி
வருகிறார்கள்.

Tamilzhan wrote:
சாம்சனின் வீட்டு எதிரே பவ்லினா (47) என்ற பெண் வசித்து வருகிறார். இவர் பல படங்களில் துணை நடிகையாக நடித்துள்ளார். முன்பு சாராயம் மற்றும் கஞ்சா விற்கும் தொழிலிலும் ஈடுபட்டு வந்தார்.

துணை நடிகை பவ்லினா தனது வீட்டு அருகே நாகாத்தம்மன் கோவில் கட்டியுள்ளார். அந்த கோவிலுக்கு ஆடி மாத்தில் விழா நடத்த அந்த பகுதியில் உள்ளவர்களிடம் பவ்லினா வசூல் செய்வார். அவரிடம் சாம்சன் வருடந்தோறும் திருவிழா நடந்த ரூ.5 ஆயிரம் கொடுப்பது வழக்கம்.

பவ்லினா, நாகாத்தம்மன் கோவில் கட்டியுள்ளார் , என்னமோ இடிக்குதே

ராஜா wrote:

Tamilzhan wrote:
சாம்சனின் வீட்டு எதிரே பவ்லினா (47) என்ற பெண் வசித்து வருகிறார். இவர் பல படங்களில் துணை நடிகையாக நடித்துள்ளார். முன்பு சாராயம் மற்றும் கஞ்சா விற்கும் தொழிலிலும் ஈடுபட்டு வந்தார்.

துணை நடிகை பவ்லினா தனது வீட்டு அருகே நாகாத்தம்மன் கோவில் கட்டியுள்ளார். அந்த கோவிலுக்கு ஆடி மாத்தில் விழா நடத்த அந்த பகுதியில் உள்ளவர்களிடம் பவ்லினா வசூல் செய்வார். அவரிடம் சாம்சன் வருடந்தோறும் திருவிழா நடந்த ரூ.5 ஆயிரம் கொடுப்பது வழக்கம்.

பவ்லினா, நாகாத்தம்மன் கோவில் கட்டியுள்ளார் , என்னமோ இடிக்குதே

துணை நடிகைன்னு படிச்சீங்கள்ள, அதனாலதான் இடிக்கிற மாதிரி இருக்கும்!