கவிதை அந்தாதி.

வழிப்போக்கன் · 18/02/2010

First topic message reminder :

அன்பின் நண்பர்களே!
இங்கு கவிதை ஒன்று தருகின்றேன் பின்னர் அதன் முடிவுச் சொல்லில் இருந்து அடுத்து வருபவர் தொடங்க வேண்டும், இப்படி அடுத்து வருபவர் பதியும் கவிதையின் முடிவுச் சொல்லில் இருந்து பதிவுகள் தொடர்ந்து கொண்டு போகும்...
எல்லோரும் பங்குகொண்டு கவிதையைத் தொடருவோம்.

உதாரணம்

சிந்தை கலங்காமல் செய்யும் செயல்யாவும்
உந்தன் வினையாம் சிறந்து - மனதை
மகிழ்வாக்கி மாயோனின் தாள்பணிந்து போற்று
எதிலுமே இன்பமே ஊற்று..!

இங்கு நான் தொடர்வது ஊற்று அல்லது இன்பமே ஊற்று எனும் சொல்லாக இருக்கவேண்டும்....

இன்பமே ஊற்று நம் ஈகரை
வாசலில் வந்ததும் பொங்கிடும்
மகிழ்வதும் தங்கிடும் என்றுமே..!

அடுத்தவர் “என்றுமே” எனும் சொல்லுடனோ அல்லது “தங்கிடும் என்றுமே” என ஆரம்பிக்கலாம்... இப்படி இறுதிச் சொல்லில் இருந்து தொடர்ந்து கவி நீண்டு செல்லும் ....

என்ன ஆயத்தமாகி விட்டீர்களா...? கவிதை அந்தாதி. - Page 20 733974

ஹாசிம் · ஹாசிம் Tue Jun 29, 2010 1:20 pm

இல்லையா என்று
எதைக்கேட்டாலும்
நீ இல்லாத போது
யாருக்கு தரமுடியும்
என்னால்?

வழிப்போக்கன் · 18/02/2010

என்னால் ஆவதென்ன
எல்லாம் அவனருள்தான்
முன்னால் வந்திங்கு
முகங்காட்டி மறைந்தாலும்
பின்னால் ஆவதெல்லாம்
எவரிங்கு அறிவாரோ..?

தன்னால் ஆகும் வினை
தவிர்த்திடவும் கூடுமெனில்
முன்னார் சொன்னதெல்லாம்
மூடுகதை யாகிடுமே..??

என்னார் இனி யாரென்று
எவரிங்கு கூறிடுவர்
தன்னார் எவரென்று தரணியிலே
தெரியாது வாழும் வரை...!!

**V.Annasamy** · **V.Annasamy** Thu Jul 01, 2010 9:27 am

வரையறை கூறாதி ருக்கும் வரை;
வரைந்த ஓவியம் கலையும் வரை;
வரையென உயர்ந்து நிற்கும் வரை;
வரையில் வரைமுறை நிறையுமோ?

ஹாசிம் · ஹாசிம் Thu Jul 01, 2010 9:39 am

நிறைவு கண்டுவிட்டால்
நிம்மதியும் கிடைக்கும்
நிதானம் தவறினால்
நிம்மதியாவதில்லை

**V.Annasamy** · **V.Annasamy** Fri Jul 02, 2010 9:40 am

நிம்மதியா வதில்லை.
நினைத்தது கிடைக்கும் வரை
நினைத்த வண்ணம் கிடைக்கும் வரை
நினத்தது அனைத்தும் கிடைக்கும் வரை..

சரண்யா · சரண்யா Sat Jul 03, 2010 8:31 am

அனைத்தும் கிடைக்கும் வரை
மனம் மாறாமல் இருக்குமா
இன்று தேவைப்படும் ஒன்று
தேவையில்லாமல் மற்றொன்று
என மாறும் மனம் ஏனோ....

**V.Annasamy** · **V.Annasamy** Sat Jul 03, 2010 9:29 am

மனம் ஏனோ ஒன்றிவிட மறுக்கிறது.
வானமே எல்லை யென நானும்
கற்பனை செய்திட முயன்றும் சொற்கள்
சொற்பமாய் போய் நின்றதே !!

ஹாசிம் · ஹாசிம் Sat Jul 03, 2010 9:56 am

மனம் ஏனோ...மாற நினைக்கிறது
கடிவாளம் காணததால் ஆடுகிறது
ஆடும்வரை ஆடவிட்டு
தொடர முடியா நிலைகண்டு
துரதிஷ்டம் அடைவதேனோ....

kalaimoon70 · kalaimoon70 Sat Jul 03, 2010 11:22 am

அடைவதேனோ, எங்கள் மனம் இத்தனை சந்தோசம்.
ஈகரை பூங்காவில் நுழைந்துவிட்டால் எங்கள் உள்ளம்.
வைகறை என்று,எங்கள் வளர்பிறை என்று சொல்லும்,
சொல்லும் போதும் எழுதும் போதும்,சிலிர்க்கும்,மெய்மறக்கும்!

ஹாசிம் · ஹாசிம் Sat Jul 03, 2010 12:08 pm

மெய்மறக்கும் நிலைக்கு
வித்திட்ட ஈகரையில்
மெய்யான உறவுகளுடன்
மெய்ச்சிலிர்க்கும் என்னாளும்

Sponsored content · Sponsored content

கவிதை அந்தாதி.

கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

Re: கவிதை அந்தாதி.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக