ஆணை விட பெண் புத்திசாலி

kalaimoon70 · kalaimoon70 Thu Feb 25, 2010 12:49 am

ஆணை விட பெண் புத்திசாலி

பதிவு செய்த நாள்
2/25/2010 12:13:56 AM

ஆணை விட பெண் புத்திசாலி Hl420

லண்டன் : பல்வேறு துறை சார்ந்த கேள்விகளுக்கு
பதிலளிக்கும் போட்டி மூலம் சர்வதேச அளவில் ஆண்களைவிட பெண்கள்
திறமையானவர்கள் என்று ஆய்வு முடிவில் தெரிவிக்கப்பட்டு உள்ளது.
லண்டனை
சேர்ந்த போட்டித் திறன் ஆய்வு நிறுவனம் டிரிவியல் பெர்சூட். அதன் சார்பில்
ஆங்கிலம், பிரெஞ்ச், ஜெர்மன், டச்சு, பின்னிஷ், நார்வேயன், ஸ்வீடிஷ்,
டேனிஷ் ஆகிய மொழிகளில் ஆண், பெண் இடையே திறமை அறியும் போட்டி சர்வதேச
அளவில் நடத்தப்பட்டது.
பொழுதுபோக்கு, கலை, விளையாட்டு, இயற்கை, வரலாறு,
புவியியல், இலக்கியம், சமூகம், இடங்கள் உட்பட ஏராளமான துறைகள் சார்ந்த
கேள்விகள் கேட்கப்பட்டன. ஒரு கேள்விக்கு விடை அளிக்க
அதிகபட்சம் 20 விநாடிகள்.
இதுபோல
1 கோடியே 51 லட்சத்து 21 ஆயிரத்து 731 கேள்விகள் கேட்கப்பட்டன. அவற்றில்
பெண்கள் 40 லட்சத்து 88 ஆயிரத்து 139 கேள்விகளுக்கு சரியான விடை
அளித்தனர். ஆண்களால் 40 லட்சத்து 77 ஆயிரத்து 596 கேள்விகளுக்கு மட்டுமே
குறிப்பிட்ட நேரத்தில் சரியாக பதில் அளிக்க முடிந்தது.
பொழுதுபோக்கு
தொடர்பான கேள்விகளுக்கு பெண்கள் அதிகபட்சமாக 56.8 சதவீதம் சரியான பதில்
அளித்தனர். அடுத்தாக அறிவியல், இயற்கை தொடர்பான கேள்விகளுக்கு 54.4
சதவீதம் சரியாக பதில் கூறினர். சமூகம், இடங்கள் பற்றி குறைந்த அளவாக 41.7
சதவீதமே பதிலளிக்க முடிந்தது.
அறிவியல், இயற்கை சார்ந்த கேள்விகளுக்கு
ஆண்கள் அதிகபட்சமாக 57 சதவீதமும், பொழுதுபோக்கு 56.7 சதவீதம், விளையாட்டு
54.8 சதவீதம் சரியாக பதில் அளித்திருந்தனர். சமூகம், இடங்கள் தொடர்பான
கேள்விகளுக்கு 49.9 சதவீதம் சரியான பதில் தந்தனர்.