இளைஞர்கள் மது அருந்துவதற்கு எதிராக இந்து சங்கத்தின் போர் பிரகடனம்

**சிவா** · **சிவா** Mon Feb 08, 2010 2:47 am

இளையத் தலைமுறையினரிடையே காணப்படும் மது அருந்தும் பழக்கத்திற்கு எதிராக மலேசிய இந்து சங்கம் போர் பிரகடனம் செய்துள்ளது.

இப்பழக்கத்தை அழித்து ஒழிப்பதற்கு அச்சங்கம் சட்டம் மற்றும் அமலாக்கம் ஆகிய வழிகளைத் தேர்வு செய்துள்ளது.

“வயது குறைந்தவர்கள் மது அருந்துவது குற்றச்செயலாக்கப்பட்டு அதற்குத் தண்டனையாக இரண்டு நாள் சிறைவாசம் அளிக்கப்பட வேண்டும்”, என்று அச்சங்கத்தின் இளைஞர் பிரிவுத் தலைவர் அருண் துரைசாமி இன்று கூறினார்.

மலேசிய இந்துச் சங்கத்தின் மலேசியாவில் மதுபானம் சட்டங்கள் 2010: மதுபானச் சட்டங்கள், கொள்கைகள் மற்றும் செயல்திட்டங்களின் தேசிய மறுஆய்வு என்ற தலைப்பைக் கொண்ட ஆலோசனை கருத்தரங்கில் அவர் இதனைக் கூறினார்.

மேலும், மது அருந்துவதற்கான வயதுக் கட்டுப்பாட்டை 18 லிருந்து 21 க்கு உயர்த்த வேண்டும் என்று ஆலோசனை கூறப்பட்டது.

மதுபானத்திற்கு விதிக்கப்படும் வரி முறையிலும் மாற்றம் செய்யப்பட வேண்டும் என்றும் அவர் கூறினார்.

நீண்ட காலத்திட்டமாக மதுபானம் சம்பந்தப்பட்ட விவகாரங்கள் குறித்து ஆய்வதற்கு ஓர் ஆய்வு மையம் அமைக்கப்பட வேண்டும் என்றும் கூறப்பட்டது.

இன்று இக்கருத்தரங்கில் சட்டம் இயற்றுவதற்காக முன்மொழியப்பட்ட 12 தீர்மானங்களில் மேற்கூறியவையும் அடங்கும்.

kalaimoon70 · kalaimoon70 Mon Feb 08, 2010 2:55 am

வரவேற்க தக்கது ..இது போல உள்ள தீர்மானங்கள் கடைபிடிக்கவேண்டியது தான்..
விடைபெறுகிறான் தோழரே! இளைஞர்கள் மது அருந்துவதற்கு எதிராக இந்து சங்கத்தின் போர் பிரகடனம் 599303