"போர்..போர்..போர்': கருணாநிதி பிறந்த நாள் செய்தி

**சிவா** · **சிவா** Tue Jun 04, 2013 2:50 am

சென்னை: "சேது சமுத்திரத்திர திட்டத்தை நிறைவேற்ற முன்வராவிட்டால், போர்..போர்..போர்.. என்பதே, என்னுடைய 90 வது பிறந்த நாள் செய்தி,'' என, தி.மு.க., தலைவர் கருணாநிதி பேசினார்.

அவரது பிறந்த நாளை முன்னிட்டு, சென்னையில் நடந்த பொதுக்கூட்டத்தில், அவர் பேசியதாவது:என்னுடைய பிறந்த நாளில், ஒரே நாளில் 1.20 கோடி ரூபாயை, தேர்தல் நிதியாக கட்சியினர் அளித்துள்ளனர்; இதைக் கண்டு எதிரிகள் பொறாமைப்படுவர். இந்த நிதி, வரும் தேர்தல்களில், நியாயமாக செலவு செய்யப்படும் என, உறுதி அளிக்கிறேன். இதன் மூலம் தேர்தலில் பகையை சந்தித்து, வெற்றி வாகை சூடுவோம். முடிந்தால் ஆட்சி அமைப்போம். இல்லை என்றால், ஆட்சியாளர்களுக்கு வழிகாட்டியாக விளங்குவோம். தேர்தலுக்காக துவக்கப்பட்ட கட்சி அல்ல தி.மு.க., மக்களின் தேவையை நிறைவு செய்யவும், அவர்களை வளப்படுத்தவும் முயற்சி எடுத்து வருகிறோம். நாங்கள், தமிழகத்திற்கு பெரும் பயனை பெற்றுத் தந்துள்ளோம். தி.மு.க., ஆட்சியில் நிறைவேற்றப்பட்ட மற்றும் துவக்கி வைத்த திட்டங்களை, காழ்ப்புடன் முடக்கி வருகிறார் ஜெயலலிதா.

தலைமைச் செயலகம், மருத்துவமனையாக மாற்றப்பட்டுள்ளது. மத்திய அரசை நிர்ப்பந்தித்து, தமிழை செம்மொழியாக அறிவிக்கச் செய்தோம். செம்மொழியாக அறிவிக்க பாடுபட்ட தி.மு.க., வை, தமிழர்கள், தமிழறிஞர்கள் சேர்ந்து, தேர்தலில் தோற்கடித்தனர். செம்மொழியால் ஆட்சியை இழந்தோம். தி.மு.க., முயற்சியால் வந்தது என்பதால், செம்மொழி என்பதையே, அழிக்கும் முயற்சியில், ஜெ., ஈடுபட்டுள்ளார். தி.மு.க., தோற்றதால், செம்மொழி தவித்துக் கொண்டிருக்கிறது. இதேபோல, சமச்சீர் கல்வியை அழிக்க முற்பட்டார்; கோர்ட் உத்தரவால், அது காப்பாற்றப்பட்டது.

தமிழரின் வாழ்வு செழிக்க, வளப்பட, சேது சமுத்திர திட்டம் தேவை; "அந்த திட்டமே தேவை இல்லை' என, கோர்ட்டில், ஜெ., அரசு கூறுகிறது. இத்திட்டம் கேள்விக்குறியாகி, தமிழரின் எதிர்காலம் வினாக்குறியாக மாறிவிட்டது.நான் இறங்கி வந்து சொல்கிறேன்; "சாட்சாத் ராமச்சந்திரமூர்த்தி திட்டம்' என்று கூட, பெயர் மாற்றிக்கொள்ளுங்கள்; திட்டத்தை நிறைவேற்றுங்கள்; இதன்மூலம், செல்வம் கொழிக்கும். பெயர் மாற்றி, திட்டத்தை நிறைவேற்றுவார்கள் என, நம்புகிறேன். நிறைவேற்றாவிட்டால், தோழமை கட்சிகளை திரட்டி போராட்டம் நடத்துவோம். நிறைவேறாவிட்டால், போர்..போர்..போர்...என்பதை மத்திய, மாநில அரசுகளுக்கு, பிறந்த நாள் செய்தியாக தெரிவிக்கிறேன்.இவ்வாறு பேசினார்.

தினமலர்

ராஜு சரவணன் · ராஜு சரவணன் Tue Jun 04, 2013 5:22 am

கட்சியில் மூலம் நல்ல காசு பார்த்தவர்கள் 1.2 கோடி என்ன எவ்வளவு கோடி வேண்டுமானாலும் கொடுப்பார்.இதெல்லாம் ஒரு விளம்பரமாக பீத்துவது உண்மையில் போர் ,போர் ,போர்.

**ரா.ரமேஷ்குமார்** · 23/01/2011

"சாட்சாத் ராமச்சந்திரமூர்த்தி திட்டம்' என்று கூட, பெயர் மாற்றிக்கொள்ளுங்கள்;திட்டத்தை நிறைவேற்றுங்கள்"

இப்படி சொல்லியதற்காகவே உங்களுக்கு எதிராக போர் தொடங்குவார்கள்... ஜாலி

**SajeevJino** · **SajeevJino** Tue Jun 04, 2013 2:45 pm

பாஸ் நேற்றைக்கு அவன போப் பிரான்சிஸ் வாழ்த்தினாராம் ..கலைஞர் டிவி ல போட்டு கொன்னுடாங்க

**ராஜா** · **ராஜா** Tue Jun 04, 2013 3:04 pm

என்னுடைய பிறந்த நாளில், ஒரே நாளில் 1.20 கோடி ரூபாயை, தேர்தல் நிதியாக கட்சியினர் அளித்துள்ளனர்; இதைக் கண்டு எதிரிகள் பொறாமைப்படுவர். இந்த நிதி, வரும் தேர்தல்களில், நியாயமாக செலவு செய்யப்படும் என, உறுதி அளிக்கிறேன்.

இதற்கு முன் திரட்டப்பட்ட நிதிகள் எல்லாம் என்னாலும் என் குடும்பத்தாராலும் ஏப்பம் விடப்பட்டது என்பதையும் சொல்லிகொள்கிறேன்.

நான் இறங்கி வந்து சொல்கிறேன்; "சாட்சாத் ராமச்சந்திரமூர்த்தி திட்டம்' என்று கூட, பெயர் மாற்றிக்கொள்ளுங்கள்; திட்டத்தை நிறைவேற்றுங்கள்;

ஏன்னா இந்த திட்டத்தை நம்பி பல கோடி ரூபாய் கமிஷன் வாங்கியாச்சு இப்ப திட்டம் நிறைவேற்றலன்னா அவர்கள் எல்லாம் கொடுத்த காசை திருப்பி கேட்டு மாட்டிவிட்டுவிடுவார்கள் அத்துடன் பல கப்பல் நிறுவனங்களில் பல்லாயிரக்கணக்கில் share வாங்கப்பட்டுள்ளது அதுவும் வீனாகபோய் விடும்.

**சிவா** · **சிவா** Tue Jun 04, 2013 3:12 pm

நாடும் மக்களும் நிம்மதியாக இருந்தால் இவருக்குப் பிடிக்காது! சாதிப்பிரச்சனை, மதப் பிரச்சனை என மக்கள் மோதிக் கொண்டும், செத்துக் கொண்டும் இருந்தால் தான் இவருக்கு நிம்மதியாக இருக்கும்! அதனால் தான் தன் இறுதிக் காலத்திலும் அவரால் முடிந்த அளவுக்கு தமிழக மக்களின் அமைதியான வாழ்க்கையில் நெருப்புப் பந்தத்தை வீசுகிறார்!