கொட்டாவி!

**சிவா** · **சிவா** Fri 29 Jan 2010 - 13:55

வழக்கமாக அப்பாவின் ஹிம்சை தாங்கமுடியாமல் கடனே என்று புத்தகத்தை வைத்துக்கொண்டு படிப்பதுபோல் பாவனை செய்யும்போது, சாப்பாட்டிற்குப் பிறகு, மதியம் முதல் வகுப்பில் ஆசிரியரின் பாடம் சுகமான தாலாட்டாகக் காதில் விழும்போது கொட்டாவி வருவது இயற்கை. பக்கத்தில் அமர்ந்திருப்பவர் ஒரு கொட்டாவி விட்டால் நம்மை அறியாமல் அது தொற்றிக்கொள்கிறது. நாம் ஏன் கொட்டாவி விடுகிறோம்? கொஞ்சம் கொட்டாவி விடாமல் படியுங்கள்!

கொட்டாவி என்பது ஒரு அனிச்சைச் செயல். கொட்டாவி விடும்போது நாம் வாயை அகலத் திறந்து ஆறு விநாடிகளுக்கு எவ்வளவு காற்றை உள்ளே இழுக்க முடியுமோ அந்த அளவுக்கு இழுத்துக் கொள்கிறோம். அதெப்படிக் கொட்டாவியை அனிச்சைச் செயல் என்று சொல்ல முடியும் என்று கேட்கலாம். கருவில் வளரும் 11 வார சிசுகூடக் கொட்டாவி விடுகிறது என்று ஆராய்ச்சி சொல்கிறதே! நீங்கள் கொட்டாவி விடும்போது உங்கள் உடல் ஓய்வு நிலையிலோ, பலவீனமான நிலையிலோ இருப்பதில்லை. முதலில் உங்கள் வாய் அகலத் திறந்து தாடை கீழே செல்கிறது. அதனால் எவ்வளவு காற்றை உள்ளிழுக்க முடியுமோ அவ்வளவு காற்றை உள்ளிழுக்க முடிகிறது. கொட்டாவி விடும்போது உங்கள் இதயத்துடிப்பு 30 சதவிகிதம் வரை அதிகமாகலாம்.

உடல் சோர்வினாலோ, களைப்பினாலோ அல்லது தூக்கம் வரும்போதோ கொட்டாவி விடுவதாகப் பலர் நினைக்கிறார்கள். ஆனால் இவை மட்டும் கொட்டாவிக்கான காரணங்கள் இல்லை. நமது உடலே இயற்கையாக, அதிகமான பிராணவாயு நமக்குத் தேவைப்படும் போதோ அல்லது உள்ளே சேர்ந்திருக்கும் கரியமில வாயுவை வெளியேற்றும் போதோ கொட்டாவி விடச் செய்கிறது என்று ஆராய்ச்சியாளர்கள் கூறுகிறார்கள்.

சில ஆராய்ச்சியாளர்கள் கொட்டாவி என்பது நமது மூதாதையர்கள் வாயைத் திறந்து, பற்களை வெளிக்காட்டி மற்றவர்களை பயமுறுத்துவதற்காகக் கையாண்ட ஆயுதம் என்றும், சிலர் குட்டிபோட்டுப் பாலூட்டும் இனத்தைச் சார்ந்த பூனை, நாய், மீன்கள் போன்று அனைத்துமே கொட்டாவி விடுவதால் இது ஒரு அனிச்சைச் செயல் என்றும் சொல்கிறார்கள். இன்னுமொரு ஆராய்ச்சி கொட்டாவி நமது நுரையீரலிலுள்ள எண்ணை போன்ற பொருளை உறைந்துவிடாமல் தடுக்க வாகனங்களுக்குக் கிரீஸ் போடுவது போன்ற ஒரு பாதுகாப்புச் செயல் என்றும் கருத்துத் தெரிவிக்கிறார்கள். இந்தக் கருத்துப்படி கொட்டாவி விடவில்லையென்றால் மூச்சை இழுத்து விடுவது கடினமாகலாம்.

எப்படியோ, மனித இனம் தோன்றிய காலத்திலிருந்தே இந்தக் கொட்டாவிப் பழக்கம் இருந்து வந்தாலும் இன்னும் ஏன் இந்தக் கொட்டாவி வருகிறது என்ற ஆராய்ச்சி முடிவடையவில்லை.

**Manik** · **Manik** Fri 29 Jan 2010 - 13:57

நேத்து எங்க வீட்ல இருக்குற பூனை கொட்டாவி விட்டது பாருங்க பயந்துட்டேன்

BPL · BPL Fri 29 Jan 2010 - 14:09

கொட்டாவி விடும்போது நம்மை நாமே பார்த்தால் (கண்ணாடியில்) கூட பயமாகத்தான்
இருக்கும். (சொந்த அனுபவம் இல்லை - எல்லாம் ஒரு கற்பனைதான்)
பொதுவாகவே கொட்டாவி விடும்போது கைகளால் வாயை மறைத்துக்கொள்வது அனைவருக்கும் நல்லது. நல்லா பழக்கம். அதுவும்....
பொது இடங்களில்....
வாயை மறைத்துக்கொள்வதன் மூலம் மற்றவர்களை பயமுறுத்தாமலும் , அருவருப்படைய வைக்காமலும் இருக்கலாம்.

**Manik** · **Manik** Fri 29 Jan 2010 - 14:13

நீங்க ஏங்க கொட்டாவி விடுறவங்கள பாக்குறீங்க இப்ப சிகரெட் குடிக்கிறவங்க கிட்ட நம்ம போறோமா தள்ளிதானே நிக்கிறோம் அந்த மாதிரி தான் கொட்டாவி விடும்போது அவங்கள பாக்காதீங்க

**ayyasamy ram** · **ayyasamy ram** Mon 1 Jun 2015 - 14:19

-

சரவணன் · சரவணன் Mon 1 Jun 2015 - 14:33

கொட்டாவி என்பது கெட்டாவி (கெட்ட ஆவி) என்ற சொல்லிருந்து மருவியதுன்னு சொல்றாங்கலே! அது உண்மை தானா?

balakarthik · balakarthik Mon 1 Jun 2015 - 14:35

சரவணன் wrote:கொட்டாவி என்பது கெட்டாவி (கெட்ட ஆவி) என்ற சொல்லிருந்து மருவியதுன்னு சொல்றாங்கலே! அது உண்மை தானா?

அது பல்லு தேய்க்காம கொட்டாவி விட்டவங்க பக்கத்துல இருந்தவங்க சொல்லிருப்பாங்க

**krishnaamma** · **krishnaamma** Mon 1 Jun 2015 - 21:37

நல்லா இருக்கே இந்த கொட்டாவி ஆராய்ச்சி.............ஹாஆஅவ்வ்வ்வ்வ்வ்வ்வ்வ்வ் ஜாலி

Preethika Chandrakumar · Preethika Chandrakumar Mon 1 Jun 2015 - 23:40

shobana sahas · shobana sahas Tue 2 Jun 2015 - 3:24

balakarthik wrote:
சரவணன் wrote:கொட்டாவி என்பது கெட்டாவி (கெட்ட ஆவி) என்ற சொல்லிருந்து மருவியதுன்னு சொல்றாங்கலே! அது உண்மை தானா?
அது பல்லு தேய்க்காம கொட்டாவி விட்டவங்க பக்கத்துல இருந்தவங்க சொல்லிருப்பாங்க

மேற்கோள் செய்த பதிவு: 1140305

அருமை அருமை ...இந்த சரவணனுக்கு பாலா தான் ஏற்ற ஆள் ... மகிழ்ச்சி