இளமையில் கல், முதுமையில் மண்!

ஈகரை தமிழ் களஞ்சியம் :: தகவல் களஞ்சியம் :: புகழ் பெற்றவர்கள்

Page 1 of 1 •

இளமையில் கல், முதுமையில் மண்!

#1392660

ayyasamy ram
வழிநடத்துனர்: பதிவுகள் : 84423
இணைந்தது : 30/09/2013

Post ayyasamy ram Fri Oct 25, 2024 11:14 am

இளமையில் கல், முதுமையில் மண்! Main-qimg-a4762027106948e45fdd6df8584c1951

--
பாண்டிச்சேரியில் இருந்தபோது, வீதி வழியே நடந்து சென்று கொண்டிருந்தார், பாரதியார். திண்ணைப் பள்ளிக்கூடத்தில் சிறுவர்களுக்கு பாடம் சொல்லிக் கொடுத்துக் கொண்டிருந்தார், ஆசிரியர் ஒருவர்.

ஆசிரியர் சொல்வதை, மாணவர்கள் திருப்பிச் சொல்ல வேண்டும்.

‘இளமையில் கல்’ என்று, ஆசிரியர் கூற, ஒருமித்த குரலில் கூறினர், மாணவர்கள்.

நடந்து சென்று கொண்டிருந்த, பாரதி சட்டென்று நின்று, ‘முதுமையில் மண்’ என்று உரக்க கூறினார்.

இளமையில் கல் என்ற உடன், முதுமையில் மண் என்ற சொற்றொடர் கணப்பொழுதில் நெஞ்சத்தில் அமர்ந்து, புடைத்து பாரதியின் உதடுகளில் வெடித்து விட்டது. ஆனால், எவ்வளவு பொருள் பொதிந்த சொல்.

இளமையில் கற்பது, கல்லில் மேல் எழுதிய எழுத்துப் போல நிலைத்து தங்கிவிடும். முதுமையில் கற்கும் கல்வி, மணல் மீது எழுதியது போல் கலைந்துவிடும்.

இளவயது உடல், கல் போல் உறுதியாக இருக்கும். முதுமையிலோ உடம்பு, நரை, திரை கூடி மண் போல் நெகிழ்ந்து தளர்ந்து விடும். இளமையில் கல் போல் இருக்கும் இந்த உடம்பு, முதுமை அடைந்து மரணமுற்று மண்ணோடு மண்ணாகிறது என்ற அர்த்தத்தில், முதுமையில் மண் என்று குறிப்பிட்டார், பாரதி.

-நடுத்தெரு நாராயணன்- வாரமலர்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: தகவல் களஞ்சியம் :: புகழ் பெற்றவர்கள்

Page 1 of 1