மன அழுத்தத்தை ஏற்படுத்தும் டி.வி.சீரீயல்கள்!

**ayyasamy ram** · **ayyasamy ram** Mon Nov 27, 2023 10:39 pm

சமீபத்தில் ஒரு சகோதரி என்னிடம் கேட்டார்,
"அண்ணா வீட்டில் போன் வந்தாலே எடுக்க பயமாக இருக்கு
யாருக்கும் எதாவது ஆகியிருக்குமோ, ஆக்சிடெண்ட்
ஆகிருக்குமோ என பதட்டமாக இருக்கு” என்றார்.

நான் கேட்டேன், எல்லா சீரியல்களையும் விடாமல்
பார்க்கின்றீர்களா என்று, அவருக்கு ஆச்சரியம், ஆமாண்ணே
எப்படி சரியா சொல்றீங்க..?”

கொஞ்ச நாளைக்கு சீரியல்களை பார்க்காமல் நல்ல புத்தகங்களை
வாங்கி படியுங்கள், அன்பானவர்களுடன் உரையாடுங்கள் -
இந்த பிரச்சினை சரியா போகும் என்றேன்.

ஒரு இனத்திற்கு அடையாளம் - கலாச்சாரம். அந்த கலாசாரத்தை
சிதைத்தாலே இனத்தின் அடையாளம் சிதைந்து போகும்.

விருந்தோம்பல், பண்பாடு, வாழ்வியல் முறை, குடும்ப அமைப்பு
இதுதான் தமிழர்களின் பண்பாடு இதை மற்ற நாட்டினர்
ஆச்சரியமாக பார்க்கின்றனர் ஆனால்..,

டிவி சீரியல்களின் கதை காழ்ப்புணர்ச்சி, எதிர்மறை சிந்தனை,
அடுத்தவரை கெடுப்பது எப்படி? கடைசிவரை கெட்டவரே வெற்றி
பெறுவது, குடும்பத்தில் கலகம் செய்வது எப்படி?, நல்லவர் கடைசி
வரை பெரும்பாடு படுதல் இதுதான் பெரும்பாலான சீரியல்களின்
மூலக்கரு.

ஒரு இல்லத்தில் மகிழ்ச்சியின் ஆதிக்கம் இருக்க மழலைகளின்
ஒலிகள், இனிமையான பாடல்கள், நல்ல சொல் இடம் பெறுதல்,
மகிழ்ச்சியான வாழ்வியல் முறை - இது இருக்கவேண்டும் என
முன்னோர்கள் சொல்கிறார்கள். ஆனால்..,

நாள் முழுவதும் பார்க்கப்படும் சீரியல்களில் ஒரே அழுகுரல்,
அபசகுனமான சொற்கள், மோசமான ஒலிகள், தீய சிந்தனைகளை
உருவாக்கும் கதைகள் இப்படியான தாக்கங்கள் ஒரு இல்லத்தில்
இருந்தால் அந்த குடும்பம் நிம்மதி இழக்கும், இல்லத்தினருக்கு
மனச்சிதைவு ஏற்படும்.

பொழுதுபோக்கு அம்சம் என்பது நம்மை மகிழ்ச்சி படுத்த வேண்டும்,
மன அழுத்தத்தை குறைக்கவேண்டும், நம் ஓய்வை பயனுள்ளதாக
ஆக்க வேண்டும் அப்படியா இருக்கிறது இப்போது உள்ள சீரியல்கள்...??

ஒரு குடும்பம் சந்தோசமாக இருக்கவேண்டும் என்றால் அந்த
இல்லத்தில் இருக்கும் பெண்கள் சந்தோசமாக இருக்கவேண்டும்
அப்போதுதான் குடும்பம் தழைக்கும்.

நல்ல பாடல்கள் கேட்டல், நல்ல புத்தகங்கள் படித்தல், கூடை பின்னுதல்,
ஓவியம் வரைதல், வீட்டை அழகுபடுத்துதல், விருந்தினர்களை
உபசரித்தல்- இதை இல்லத்தரசிகள் செய்தாலே போதும் எப்போதும்
உங்கள் இல்லத்தில் சந்தோஷம் பெருகும். அன்பு தழைக்கும்.

.....படித்ததில் பிடித்தது...

-வாட்ஸப் பகிர்வு

மன அழுத்தத்தை ஏற்படுத்தும் டி.வி.சீரீயல்கள்!

மன அழுத்தத்தை ஏற்படுத்தும் டி.வி.சீரீயல்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக