இந்தியர்களுக்கு சூரியன் மறைவதில்லை!

**ayyasamy ram** · **ayyasamy ram** Sun Jan 15, 2023 1:21 am

-
உலகில் உள்ள அனைத்து நாடுகளிலும் இந்தியர்கள்
வாழ்வதால் இந்தத் தலைப்பு!

சமீபத்தில் எடுக்கப்பட்ட ஒரு கணக்கின்படி மற்ற
நாடுகளுக்கு இடம்பெயர்ந்த மக்களின் எண்ணிக்கையில்
இந்தியர்கள்தான் முதல் இடத்தில் இருக்கிறார்கள்.

2022ம் ஆண்டுவரை சுமார் 1 கோடியே 80 லட்சம்
இந்தியர்கள் வெளிநாடுகளில் குடிபெயர்ந்துள்ளனர்.
இந்தியர்கள் வெளிநாடுகளுக்கு செல்ல முக்கிய
காரணமாக கல்வி இருக்கிறது.

கடந்த 2019ம் ஆண்டில் மட்டும் 5.9 லட்சம் இந்திய
மாணவர்கள் கல்வி பயில்வதற்காக வெளிநாடுகளுக்கு
சென்றுள்ளனர். 2021ம் ஆண்டில் 4.4 லட்சம்
மாணவர்களும், 2022 ஜூன் மாதம் வரை 2.5 லட்சம்
மாணவர்களும் வெளிநாடுகளுக்கு படிப்பதற்காக
சென்றுள்ளனர்.

கல்வியைப் போலவே வேலையைத் தேடியும் லட்சக்
கணக்கான இந்தியர்கள் வெளிநாடுகளுக்கு சென்றுள்ளனர்.
2020ம் ஆண்டில் 7.2 லட்சம் பேரும், 2021ம் ஆண்டில்
8.3 லட்சம் பேரும், 2022ம் ஆண்டில் 13 லட்சம் பேரும்
வேலைதேடி வெளிநாடுகளுக்கு இடம்பெயர்ந்துள்ளனர்.

இப்படி வேலைக்கு சென்றவர்கள் அனுப்பும் பணத்தின்
எண்ணிக்கையிலும் மற்ற நாடுகளைவிட இந்தியாவே
முன்னணியில் உள்ளது.

கடந்த 2021ம் ஆண்டில் எடுக்கப்பட்ட கணக்கின்படி
வெளிநாடுகளில் வாழும் இந்தியர்கள் மூலம் நாட்டுக்கு
89 பில்லியன் டாலர்கள் வருவாய் கிடைத்துள்ளது.
பல்வேறு வேலைகளுக்காக வெளிநாடுகளில் இருந்து
செட்டிலான இந்தியர்களில் 16 லட்சம் பேர் இந்திய
குடியுரிமையை துறந்துள்ளனர்.

இதில் கடந்த ஆண்டில் மட்டும் 1.8 லட்சம் பேர் இந்திய
குடியுரிமையை துறந்துள்ளனர். இந்தியர்கள் வெளி
நாடுகளில் சாதிப்பது பெருமைக்குரியதாக பார்க்கப்
பட்டாலும் இத்தனை லட்சம் பேர் வருடா வருடம் நாட்டை
விட்டு வெளியேறுவது கவனிக்கப்பட வேண்டிய விஷயம்.
---------
என்.ஆனந்தி
-குங்குமம்

இந்தியர்களுக்கு சூரியன் மறைவதில்லை!

இந்தியர்களுக்கு சூரியன் மறைவதில்லை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக