மல்லிகையே!மல்லிகையே! தூதாக போ!..

**ayyasamy ram** · **ayyasamy ram** Wed Nov 23, 2022 7:27 pm

-
"மலர்களிலே அவள் மல்லிகை" என சும்மாவா பாடி
வைத்தார் கவியரசர். மல்லிகை என் மனம் மயங்கும்
பொண்ணான மலரல்லவோ? என மல்லிகையின்
சிறப்பை பாடாத பெண்கள் தான் இருக்க முடியுமா?

மல்லிகை முல்லை செந்தமிழ் பிள்ளை என பூக்களை
பெண்களோடு உருவகப்படுத்தியும் பாடியுள்ளனர்.
மலர்களின் இளவரசி மல்லிகையே. அதன் மணத்திற்கு
ஈடுஇணையில்லை.

மல்லிகை மொட்டாக பறித்து வைத்தாலும் அழகு.
பூத்ததும் நெருக்கமாக தொடுத்தாலும் பேரழகு. மாலை
மங்கு நேரத்தில் மொட்டவிழும் தருணங்களில் தோட்டமே
குபீரென மலரும்.

அப்போது அத்தோட்டத்தில் இயற்கை பரப்பி தெளிக்கும்
அந்த வாசனை திரவியத்திற்கு ஈடுஇணையேது

இவ்வுலகில். மல்லிகை பூக்கும் அந்த அந்தி சாயும்
நேரத்தில் அதன் செடியின் அருகே நின்று பார்த்தால்
வாசனை மனதை மயக்கி நம்மை எங்கோ அழைத்து
செல்லும்.

**ayyasamy ram** · **ayyasamy ram** Wed Nov 23, 2022 7:28 pm

மல்லிகையே!மல்லிகையே! தூதாக போ!.. Main-qimg-b0c72a08890d8b75a597158d22cb643e-lq

-
தோட்டம் இல்லாதவர்கள் உதிரி பூக்களை மாலை வாங்கி
வந்து தொடுக்க ஆரம்பிக்கும் போதே நம் கைச்சூட்டிலே
குப்பென மலர்ந்து மணம் வீசும்.

மல்லிகைபூக்களை நெருக்கமாக தொடுத்து மூடிய
டிபன்பாக்ஸில் வைத்து விட்டால் காலையில் திறந்து
பார்க்கும் போது வரும் நறுமணத்தில் நம் காலைநேரமே
புத்துணர்ச்சி பெரும்.

மல்லிகை மலர் அழகு மட்டுமல்ல.. உடல் சூட்டை
பெருமளவு தணிக்க கூடியது. பெண்கள் தலைநிறைய
மல்லிகையை சூடும்போது உடல்சூடு குறைந்து
புத்துணர்ச்சி பெறுவார்கள்.

பெண்களின் நீண்ட கருங்கூந்தலில் அந்த வெள்ளைநிற
மல்லிகை சரம் சூடியதை பார்த்தாலே ஒரு தெய்வீக அழகு
தெரியும்.

—பூக்களே சற்று ஓய்வெடுங்கள்!-தனுஜா ஜெயராமன்

நன்றி: கல்கி

மல்லிகையே!மல்லிகையே! தூதாக போ!..

மல்லிகையே!மல்லிகையே! தூதாக போ!..

Re: மல்லிகையே!மல்லிகையே! தூதாக போ!..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக