வாழ்வியலோடு இணைந்த ஆலயங்கள்

ஆலயம் என்பது, இறைவனை தரிசனம் செய்வதற்கான
இடமாக மட்டுமே பலராலும் பார்க்கப்படுகிறது.
ஆனால் அது அப்படி இல்லை. நம் முன்னோர்களும், நமக்காக
ஆட்சி செய்த மன்னர்களும், ஆலயங்களை வாழ்வியலோடு
இணைந்ததாகவே பார்த்தனர்.

அது எப்படிப்பட்டதாக இருந்தது என்பதை இங்கே இருக்கும்
இரு படங்களின் வாயிலாக அறியலாம்.

நெற்களஞ்சியம்
தஞ்சாவூர் மாவட்டம் பாபநாசம் அருகே உள்ளது,
திருப்பாலைத்துறை. இங்கு பாலைவனநாதர் திருக்கோவில்
அமைந்திருக்கிறது. இந்த ஆலயத்தின் ராஜகோபுரம் அருகே
அமைந்திருக்கிறது ஒரு நெற்களஞ்சியம்.

கி.பி. 1600-1634-க்குள் கட்டி முடிக்கப்பட்ட இந்த நெற்களஞ்சியம்,
அப்போது தஞ்சையை ஆட்சி செய்த ரகுநாத நாயக்கர் என்பவரால்
கட்டப்பட்டுள்ளது. 36 அடி உயரம் கொண்ட இந்த நெற்
களஞ்சியத்தின் அடிப்பகுதி வட்டமாகவும், மேற்பகுதி கூம்பு
வடிவிலும் இருக்கிறது.

இதன் ேமல்பகுதி, நடுப்பகுதி, கீழ்பகுதி என 3 வாசல்கள்
இருக்கின்றன. இதில் சுமார் 3000 கலம் தானியத்தை சேமிக்க
இயலும். (ஒரு கலம் என்பது 96 படி, ஒரு படி என்பது 600 கிராம்).

பறவை தங்குமிடம்
இங்கே நீங்கள் பார்க்கும் இந்த பெரிய கோபுரம் போன்ற கட்டிட
அமைப்பு, மத்தியப் பிரதேசம் மாநிலத்தில் உள்ள உஜ்ஜைன்
நகரத்தில் அமைந்த மங்கலநாத் ஆலயத்தில் இருக்கிறது.

ஷிப்ரா நதிக்கரையில் அமைந்திருக்கும் இந்த ஆலயம் மிகவும்
பிரசித்திபெற்றது. இது நவக்கிரகங்களில் செவ்வாய்க்குரிய
தலமாக போற்றப்படுகிறது. செவ்வாய் கிரகத்திற்கு
`மங்கலநாதன்' என்ற பெயரும் உண்டு.

அதன் காரணமாகத்தான் இத்தல இறைவனும் 'மங்கலநாதர்'
என்று அழைக்கப்படுகிறார். இந்த ஆலயத்திற்குள் அமைக்கப்
பட்டிருக்கும் இந்த கோபுரத்தின் பெயர், 'ரெய்ன் பசேரா'
என்பதாகும்.

இதற்கு மழைக்கால தங்குமிடம் என்று பொருள்படும்.
ஆம்.. 50 அடி உயரத்தில் சிறுசிறு பொந்து போன்ற
அமைப்புகளோடு உருவாக்கப்பட்டுள்ள இந்த கோபுரம்,
மழைக்காலத்தில் பறவைகள் தங்கி ஓய்வெடுப்பதற்காக
கட்டப்பட்டிருக்கிறது.

நன்றி: தினத்தந்தி-ஆன்மீகம்