ராஜ்யசபாவில் குலாம் நபியின் இடத்தை நிரப்பப் போகும் காங்., தலைவர் யார்?

புதுடில்லி:
ராஜ்யசபா எதிர்க்கட்சி தலைவரும், காங்கிரஸ் மூத்த தலைவருமான,
குலாம் நபி ஆசாத் பதவி காலம், வரும், 15ல் முடிவுக்கு வருவதை
அடுத்து, ராஜ்யசபா எதிர்க்கட்சி தலைவர் பதவிக்கு பல மூத்த
தலைவர்களின் பெயர்களை, காங்., தலைமை பரிசீலித்து வருகிறது.

ஜம்மு - காஷ்மீரை சேர்ந்த, காங்., மூத்த தலைவர் குலாம் நபி ஆசாத்,
அக்கட்சியின் ராஜ்யசபா எதிர்கட்சி தலைவராக பதவி வகித்து வருகிறார்.
பரிசீலனைஇவரது பதவி காலம், வரும், 15ல் முடிவுக்கு வருகிறது.

ஜம்மு - காஷ்மீர் யூனியன் பிரதேசமாக அறிவிக்கப்பட்ட பின்,
அங்கு சட்டசபை தேர்தல் இதுவரை நடத்தப்படவில்லை. எனவே, குலாம்நபி
மீண்டும் ராஜ்யசபா எம்.பி.,யாக அங்கிருந்து தேர்வாக வாய்ப்பில்லை.

இந்நிலையில், ராஜ்யசபா எதிர்க்கட்சி தலைவர் பதவிக்கு,
பல்வேறு மூத்த காங்., தலைவர்களின் பெயர்கள் பரிசீலிக்கப்பட்டு
வருகின்றன.

அதில், முன்னாள் லோக்சபா எதிர்க்கட்சி தலைவரும், ராஜ்யசபா எம்.பி.,
யுமான மல்லிகார்ஜுன கார்கே, ராஜ்யசபா காங்., துணை தலைவர்
ஆனந்த் சர்மா, முன்னாள் மத்திய அமைச்சர் சிதம்பரம்,
மத்திய பிரதேச முன்னாள் முதல்வர் திக்விஜய் சிங் ஆகியோரது
பெயர்கள் பரிசீலனையில் உள்ளதாக கூறப்படுகிறது.

ஜம்மு - காஷ்மீரைச் சேர்ந்த குலாம் நபி ஆசாத், மக்கள் ஜனநாயக
கட்சியை சேர்ந்த இரு ராஜ்யசபா எம்.பி.,க்கள், பா.ஜ.,வை சேர்ந்த
ஒரு எம்.பி., உட்பட, நான்கு ராஜ்யசபா எம்.பி.,க்களின் பதவிகாலம்
வரும், 15ல் முடிவுக்கு வருகிறது.

அதன்பின், ஜம்மு - காஷ்மீரில் இருந்து, ஒரு எம்.பி., கூட ராஜ்யசபாவில்
இல்லாத நிலை உருவாகும். மீண்டும் வாய்ப்புஏப்ரலில், கேரளாவில்
மூன்று ராஜ்யசபா எம்.பி., சீட்கள் காலியாகின்றன. அதில், காங்.,குக்கு
ஒரு இடம் உள்ளது. அந்த இடத்தில் குலாம் நபிக்கு மீண்டும் வாய்ப்பு
வழங்கப்படலாம் என்றும் கூறப்படுகிறது.

அதே நேரம், வெளி மாநிலத்தைச் சேர்ந்த ஒருவருக்கு, தங்கள்
மாநிலத்தில் எம்.பி., பதவியை விட்டுத்தர கேரள காங்., தலைவர்கள்
அனுமதிக்க வாய்ப்பில்லை என்றும் கூறப்படுகிறது.

தினமலர்