சர்ச்சைக்குரிய வகையில் தீர்ப்பு: நீதிபதி புஷ்பாவை நிரந்தர நீதிபதியாக்கும் பரிந்துரை வாபஸ்

புதுடில்லி: போக்சோ சட்டத்தின் கீழ் பதியப்பட்ட பாலியல் வழக்குகளில் குற்றவாளிகளுக்கு சாதகமாக , சர்ச்சைக்குரிய வகையில் தீர்ப்பளித்த மும்பை உயர்நீதிமன்றத்தின் நாக்பூர் கிளை நீதிபதி புஷ்பா கனேதிவாலாவை, நிரந்தர நீதிபதியாக்கும் உச்சநீதிமன்ற கொலிஜியத்தின் பரிந்துரை திரும்ப பெறப்பட்டது.

மஹாராஷ்டிர மாநிலம், மும்பை உயர் நீதிமன்றத்தின் நாக்பூர் கிளையில், நீதிபதியாக புஷ்பா கனேதிவாலா பணியாற்றி வருகிறார். 'போக்சோ' சட்டத்தின் கீழ் தொடரப்பட்ட ஒரு வழக்கை விசாரித்த நீதிபதி புஷ்பா, 'உடலுறவு கொள்வதை தவிர, தோலோடு தோல் தொடர்பு ஏற்பட்டால் மட்டுமே, பாலியல் அத்துமீறலாகும்' என, சமீபத்தில் தீர்ப்பளித்தார். இந்த தீர்ப்புக்கு, உச்ச நீதிமன்றம் தடை விதித்தது.

மற்றொரு வழக்கில், 'சிறுமியின் கையை பிடித்திருப்பதும்; பேன்ட், 'ஜிப்' திறந்திருப்பது ஆகியவை, பாலியல் அத்துமீறலாகாது' என, தீர்ப்பளித்தார்.

அதேபோல் மற்றொரு பாலியல் பலாத்கார வழக்கில், சர்ச்சைக்குரிய தீர்ப்பை, நீதிபதி புஷ்பா அளித்துள்ளார். அவர் அளித்த தீர்ப்பில் கூறியதாவது:இந்த வழக்கில், சம்பவம் நடந்த போது, பாதிக்கப்பட்டவர், 18 வயதுக்கு குறைவாக இருந்தார் என்பது, ஆதாரப்பூர்வமாக நிரூபிக்கப்படவில்லை. பலவந்தப்படுத்தி பலாத்காரம் செய்யப்பட்டிருந்தால், இருவருக்கும் மோதல் ஏற்பட்டிக்கும். அதனால், பாதிக்கப்பட்டவரின் உடலில் காயங்கள் ஏற்பட்டிருக்கும்; ஆனால், பாதிக்கப்பட்டவரின் உடலில் காயங்கள் இருந்ததாக, மருத்துவ அறிக்கையில் தெரிவிக்கப்படவில்லை. இருவரும் விருப்பப்பட்டே, இந்த சம்பவம் நடந்துள்ளதாக தெரிகிறது. அதனால், சூரஜ் கசார்கருக்கு, சிறப்பு நீதிமன்றம் விதித்த, 10 ஆண்டு சிறை தண்டனையை ரத்து செய்து, அவரை விடுதலை செய்கிறேன். இவ்வாறு, அவர் தீர்ப்பளித்துள்ளார். இந்த தீர்ப்புகள் பலத்த சர்ச்சையை ஏற்படுத்தியது.

இந்நிலையில் கடந்த ஜன.,20ம் தேதி, நீதிபதி புஷ்பாவை, மும்பை உயர்நீதிமன்றத்தின் நிரந்தர நீதிபதியாக நியமிக்க வேண்டும் என்று உச்சநீதிமன்ற தலைமை நீதிபதி பாப்டே மற்றும் நீதிபதிகள் என்.வி.ரமணா, ரோஹன்டன் பாலி நாரிமன் ஆகியோர் அடங்கிய அமர்வு, மத்திய அரசுக்கு பரிந்துரை செய்திருந்தது.
புஷ்பாவின் தீர்ப்புகளை தொடர்ந்து, அவரை நிரந்தர நீதிபதியாக்கும் முடிவை திரும்ப பெற உச்சநீதிமன்ற கொலிஜியம் முடிவு செய்துள்ளது.

எனக்கொரு பழையக்கதை நினைவுக்கு வருகிறது.

ஒரு கிராமத்தில் ஒரு குளம்.
ஊர் மக்களின் நீர் தேவையை பூர்த்தி செய்யும் குளம்.
சமையல் செய்வதற்கு /குடிப்பதற்கு மட்டுமே உபயோகத்தில்
இருக்கும் படி ஊர் பஞ்சாயத்து முடிவு செய்து இருந்தது.
யாரும் அதை மீறக்கூடாது என்பதற்காக இரு காவலாளிகள்
இரவும் பகலும் அதை காத்து வந்தனர்.

ஒரு நாள் ஒரு வழிப்போக்கன் அவ்வூருக்கு வந்த சமயத்தில்
காலை கடன்களை கழித்து நீராட நல்லதோர் இடம் என கருதி
குளம் அருகே வந்து தன்னுடைய மேலாடைகள் + உள்ளாடைகளை கழட்டி
விட்டு குளத்தில் இறங்கி குளிக்கப்போனான் . அது சமயம் இவர் இதுவரை ஆடைகளை
கலைவதை பார்த்துக்கொண்டு இருந்த காவலாளி "அய்யா இங்கே குளிக்கக்கூடாது,
அசுத்தம் செய்யக்கூடாது. பஞ்சாயத்து உத்தரவு "என்றான்.
வழிப்போக்கன், "அய்யா, இதை முதலிலேயே சொல்லி இருக்கலாமே . நான் ஆடைகளை
கலைவதை நீங்கள் பார்த்துக்கொண்டுதானே இருந்தீர்கள்." என்றார்.
அதற்கு காவலாளி, அய்யா ஆடைகள் கலைவதை பஞ்சாயத்து தடுக்கக் கூறவில்லை "
என்றார்.