கொரோனாவுக்கு தடுப்பு மருந்து உண்டு; பருவநிலையை சீர்செய்ய தடுப்பு மருந்து இல்லை- ரெட் கிராஸ் எச்சரிக்கை

**ayyasamy ram** · **ayyasamy ram** Wed Nov 18, 2020 7:05 am

வாஷிங்டன்:
பருவநிலை மாற்ற ஒப்பந்தத்தில் அமெரிக்கா மீண்டும்
இணைய ஜோ பைடன் அரசு முயற்சி மேற்கொண்டு வருகிறது.
உலகம் முழுவதும் குளோபல் வார்மிங்-ஐ கட்டுப்படுத்த
அனைத்து வல்லரசு நாடுகளும் பாரிஸ் ஒப்பந்தத்தில் இணைய
வேண்டும் என வலியுறுத்தப்படும் நிலையில் அமெரிக்க அதிபர்
டிரம்ப் அந்த ஒப்பந்தத்தில் இருந்து வெளியேறினார்.

உலகை அச்சுறுத்தும் கார்பன் புகையை வெளியிடும்
தொழிற்சாலைகளை கட்டுப்படுத்த சீனா, அமெரிக்கா ஆகிய
இரு நாடுகளும் ஒத்துழைத்தால் ஒழிய அடுத்த 10 ஆண்டுகளில்
உலக வெப்பமயமாதலைத் தடுப்பது மிகக் கடினம் என சூழலியல்
விஞ்ஞானிகள் கருத்து தெரிவித்து வருகின்றனர்.

இந்நிலையில் ரெட் கிராஸ் அமைப்பு இதுகுறித்து ஒரு கருத்து
தெரிவித்துள்ளது. தற்போது உலகம் முழுவதும் பரவிவரும்
கொரோனா வைரஸ் தாக்கத்தைவிட உலக வெப்பமயமாதல்
மிகவும் கொடுமையான விஷயம். மனித குலத்தையே இது
அச்சுறுத்தி வருகிறது என ரெட்கிராஸ் தெரிவித்துள்ளது.

ஜெனீவாவைத் தலைமை இடமாகக் கொண்ட, சர்வதேச ரெட் கிராஸ்
மற்றும் ரெட் கிரசென்ட் சொசைட்டி அமைப்பு இதுகுறித்து கூறுகையில்,
1960களின்முதல் தற்போதுவரை உலக வெப்பமயமாதல் காரணமாக
துருவப் பகுதிகளில் பனிப்பாறைகள் உருகி கடல் மட்டம் உயர்ந்து
வருகிறது. இதனால் சிறிய தீவு நாடுகளுக்கு அச்சுறுத்தல் ஏற்பட்டு
வருகிறது.

உலகம் முழுவதும் வல்லரசு நாடுகள் தங்கள் தொழிற்சாலைகளை
கட்டுப்படுத்தவில்லை என்றால் அடுத்தடுத்து வரும் ஆண்டுகளில்
மனிதகுலம் தீவிரமான விளைவுகளை சந்திக்க நேரிடும்.

**ayyasamy ram** · **ayyasamy ram** Wed Nov 18, 2020 7:06 am

பருவநிலை மாற்றத்தால் உலகம் முழுவதும் ஐந்து கோடிக்கும்
அதிகமானோர் பாதிக்கப்பட்டுள்ளனர். இவ்வாறு இந்த அமைப்பின்
செயலாளர் ஜெகன் சாப்பாகேம் பத்திரிக்கையாளர் சந்திப்பில்
தெரிவித்துள்ளார்.

இதுகுறித்து மேலும் கூறிய அவர், கொரோனா வைரஸ் தாக்கத்தைக்
காட்டிலும் பருவநிலை மாற்றம் மிகவும் ஆபத்தானது. வைரஸ்
தாக்கத்துக்குக்கூட விரைவில் தடுப்பு மருந்து கண்டுபிடித்து விடலாம்.
ஆனால் பருவநிலை மாற்றத்துக்கு தடுப்புமருந்து கிடையாது.

கடந்த 2019 ஆம் ஆண்டு உலகம் முழுவதும் 308 இயற்கை பேரழிவுகள்
நடைபெற்றுள்ளன.

இவற்றுள் 77 பேரழிவுகள் புவி வெப்பமயமாதல் உடன் தொடர்பு
உடையவை. இதன் காரணமாக 24 ஆயிரம் பேர் உயிரிழந்துள்ளனர்.
1960 முதல் 1990 வரை புவிவெப்பமயமாதல் 35 சதவீதம் அதிகரித்துள்ளது.
எனவே அமெரிக்கா உள்ளிட்ட வல்லரசு நாடுகள் இதற்கு பருவநிலை
மாற்ற ஒப்பந்தத்துக்கு முக்கியத்துவம் அளிக்க வேண்டும்.
இவ்வாறு அவர் தெரிவித்துள்ளார்.

தினமலர்

கொரோனாவுக்கு தடுப்பு மருந்து உண்டு; பருவநிலையை சீர்செய்ய தடுப்பு மருந்து இல்லை- ரெட் கிராஸ் எச்சரிக்கை

கொரோனாவுக்கு தடுப்பு மருந்து உண்டு; பருவநிலையை சீர்செய்ய தடுப்பு மருந்து இல்லை- ரெட் கிராஸ் எச்சரிக்கை

Re: கொரோனாவுக்கு தடுப்பு மருந்து உண்டு; பருவநிலையை சீர்செய்ய தடுப்பு மருந்து இல்லை- ரெட் கிராஸ் எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக