எனக்கும் சோகங்களும் துயரங்களும் இருக்கின்றன!

-
பத்மஸ்ரீ உஷா உதுப்:

கடந்த, 1960ம் ஆண்டுகளில், நிலைமை இப்போது
இருப்பது போல இருக்கவில்லை.

ஆண்கள் நிறைந்த, 'நைட் கிளப்'புகளில், பாடகியாக
என் இசைப் பயணத்தை துவக்கினேன்.
'வெஸ்டர்ன்' ஸ்டைலில், நம்ம ஊர் பாடல்களை பாடுவேன்.
அப்போதும், தலை நிறைய மல்லிகை பூவும், நெற்றியில்
பெரிய சைஸ் பொட்டும் இல்லாமல் நான் பாடியதில்லை.

பட்டுப்புடவை கட்டி, தலை நிறைய மல்லிகை பூவுடன்,
நான் பாடும் பாடல்கள் தான் என்னை பிரபலமாக்கின.
அவை தான் எனக்கு, பாதுகாப்பு அரணாகவும் இருந்தன.
இந்த புடவை, பொட்டு, மல்லிகை பூ, என் பாட்டியை
பார்த்து, நான் வைத்துக் கொண்டது.

அவர் எப்போதும், காஞ்சிபுரம் அல்லது பருத்தி புடவையில்,
தலை நிறைய பூவுடனும், நெற்றி நிறைய பொட்டுடனும்
தான் இருப்பார். அவரைப் பார்த்து, நானும் அவ்வாறு
இருக்கிறேன்.

எந்த நகரத்தில், எந்த மொழியில் பாடுகிறேனோ அந்த
மொழியின் முக்கிய எழுத்தை, என் பொட்டில்
வடிவமைத்திருப்பேன். இதை, நானே டிசைன் செய்வேன்;
மும்பையிலிருந்து வாங்குகிறேன். துவக்க நாட்களில்
இருந்தே இதை செய்கிறேன்.

இசை எனக்கு தொழில் இல்லை. மொழிகளை கடந்து,
மக்களை என்னுடன் இணைக்கும் தொடர்புக்கான
கருவியாகத் தான், இசையை வைத்துள்ளேன்.

என் குரலும், என் தனித்துவமான இசையும் பாமர மக்கள்
மட்டுமின்றி, பிரபலங்கள் பலருக்கும் பிடிக்கும்.
மக்களை மகிழ்விப்பது தான், கலைஞர்களின் நோக்கம்.
அந்த எண்ணத்தில் தான், பிரபலங்கள் பலரும், என்னோடு
மேடையில் பாடுகின்றனர்; ஆடுகின்றனர்.

மக்களை மகிழ்விக்க வயது முக்கியம் இல்லை.
மனசும், 'எனர்ஜி'யும் தான் முக்கியம். அது, என்னிடம்
நிறையவே இருக்கிறது.சென்னையில் என் அம்மாவின்
உறவினர்கள் இருக்கின்றனர்.

நான் இந்த ஊரில் பிறக்கவில்லையே என, ஏங்காத
நாட்களே இல்லை. கடந்த, 40 ஆண்டுகளாக
கோல்கட்டாவில் வசிக்கிறேன். ஆனால், உயிர்
சென்னையில் தான் இருக்கிறது.

என் வீட்டில் பயன்படுத்தும் பூஜையறை பொருட்கள்,
சமையலறை பொருட்கள் அனைத்தும், தமிழகத்தில்
வாங்கியவை தான். தமிழகத்துடனான என் உறவு,
எந்தக் காலத்திலும் நீர்த்துப் போகாது.

பெரிய பாடகியாக இருந்தாலும், வீட்டில் நான் பொறுப்பான
இல்லத்தரசி. வீடு சுத்தமாக இருக்க வேண்டும் என
விரும்புவேன். தினமும் அதிகாலை எழுந்து விடுவேன்.
விடிவதற்குள் பூஜைகளை முடித்து விடுவேன்.
நல்ல ருசியாக சமைப்பேன். எனக்கு மட்டுமின்றி என்
குடும்பத்தாருக்கும், அவர்களின் உடல் நலனையும்
பேணுவதற்காக, உணவில் அதிக கவனம் செலுத்துவேன்.

எல்லா மனிதரையும் போல, எனக்கும் சில தனிப்பட்ட
சோகங்களும், துயரங்களும் இருக்கின்றன. எனினும்,
இசையால் அவற்றை மறக்கிறேன்!
-
---------------------
தினமலர்

-
உஷா ஐயர் என்ற பெயரில் வெளி வந்த ஆல்பம்

-
உஷா உதுப் குடும்பத்துடன்
-
நன்றி-இணையம்