சென்னையில் அதிகரிக்கும் கொரோனா தொற்று!: 6 மண்டலங்களில் பாதிப்பு எண்ணிக்கை 1,000-ஐ கடந்தது..!!

சென்னை:
சென்னையில் கொரோனா பாதிப்பு மீண்டும் அதிகரித்து வருகிறது.
மொத்தம் உள்ள 15 மண்டலங்களில் 6 மண்டலங்களில் பாதிப்பு
எண்ணிக்கை ஆயிரத்தை கடந்துள்ளது.

மாநகராட்சி வெளியிட்டுள்ள தகவலின் படி,
சென்னையில் 1 லட்சத்து 33 ஆயிரத்து 173 பேருக்கு கொரோனா தொற்று
உறுதி செய்யப்பட்டுள்ளது. மருத்துவமனைகளில் 13, 653 பேர் சிகிச்சை
பெற்று வருவதாகவும், 1 லட்சத்து 16 ஆயிரத்து 808 பேர் சிகிச்சை முடிந்து
வீடு திரும்பியுள்ளதாகவும், 2 ஆயிரத்து 712 பேர் உயிரிழந்துள்ளதாகவும்
தெரிவிக்கப்பட்டுள்ளது.

சென்னையில் உள்ள 15 மண்டலங்களில் அதிகபட்சமாக அண்ணாநகர்
மண்டலத்தில் 1,621 பேர் கொரோனாவுக்கு சிகிச்சை பெற்று வருகின்றனர்.

கோடம்பாக்கம் மண்டலத்தில் 1,577 பேருக்கும், அடையாறு மண்டலத்தில்
1,327 பேருக்கும் சிகிச்சை அளிக்கப்பட்டு வருகிறது.

இதேபோல் அம்பத்தூரில் 1,087 பேரும், வளசரவாக்கத்தில் 1,051 பேரும்,
திரு.வி.க நகரில் 1,032 பேரும் சிகிச்சை பெற்று வருகின்றனர்.

தொடர்ந்து தேனாம்பேட்டையில் 995 பேருக்கும், தண்டையார்பேட்டை
மண்டலத்தில் 961 பேருக்கும், ராயபுரத்தில் 907 பேருக்கும்,
ஆலந்தூரில் 763 பேருக்கும் சிகிச்சை அளிக்கப்பட்டு வருகிறது.

பெருங்குடியில் 591 பேரும், சோழிங்கநல்லூரில் 576 பேரும், மாதவரம்
மண்டலத்தில் 547 பேரும், திருவெற்றியூரில் 276 பேரும், மணலியில்
157 பேரும் கொரோனா பாதிப்பில் இருந்து மீள சிகிச்சை பெற்று
வருகின்றனர்.

தினகரன்

பொறுப்பின்மை தான் முக்கிய காரணம்.
சமூக கட்டுப்பாடு இல்லை.
ஒரு விதத்தில் இலவசம் இலவசம் என சமூகத்தை கெடுத்துவிட்ட அரசியல் கட்சிகள்.
எல்லாவற்றிற்கும் அரசு முன்வந்து உதவிகள் செய்யவேண்டுமென எதிர்பார்க்கும் சமூகம்.

டைபாயிட் அதிகரித்த காலத்தில் டைபாயிட் மேரி 24 ஆண்டுகள் தனிமையில் வைக்கப்பட்டிருந்தார்.கட்டுப்பாடுகளை கடைபிடித்த நாடுகள்/மக்கள் சுலபமாக நோயை கட்டுப்பாட்டில் கொண்டு வந்தார்கள்.தமிழ் நாட்டில் கொரோனாவின் தாக்கம் குறைவாக இருப்பதால் இழப்புகள் குறைவாகி குணமடைகிறார்கள்.