மலச்சிக்கலை தீர்க்கும் கருஞ்சிவதை

தாமு · தாமு Sat 9 Jan 2010 - 7:22

மலச்சிக்கல் உள்ளவர்களை அவர்களின் முகமே காட்டிக் கொடுத்துவிடும். ஏதோ வயிற்றுக்குள் பூசணிக்காயை வைத்திருப்பது போன்ற திணறலுடன் காணப்படுவர்.

மலச்சிக்கல் உள்ளவர்கள் தங்கள் வேலையில் கவனம் செலுத்த முடியாமல் முதுகு, மார்பு, தோள்பட்டை என பல இடங்களையும் அடிக்கடி குத்திக்கொண்டே இருப்பர். நாட்பட்ட மலச்சிக்கலில் அடிமுதுகு வலியுடன் மூச்சுத்திணறலும் உண்டாகும்.

மலச்சிக்கலை தீர்க்கும் கருஞ்சிவதை M1

மலச்சிக்கல் உடையவர்களுக்கு தலையில் பொடுகு, முடி உதிர்தல் போன்ற உபாதைகளும் உண்டாகும். சிலருக்கு வாயில் துர்நாற்றமும் வீசத்தொடங்கும். தொப்புளைச்சுற்றி அடிக்கடி வலியும் உண்டாகும். கடும் மலச்சிக்கலில் சிறுமூட்டுகள், பெருமூட்டுகள், சதைப்பகுதி ஆகியவற்றில் எப்போதும் அதிகமான வலி உண்டாகும். இதுபோன்ற வயிறு உபாதையினால் ஏற்படும் மூட்டுவலியை ஆமவாதம் என்று சித்தமருத்துவம் குறிப்பிடுகின்றது.

ஆகையால் மலச்சிக்கல் வராமல் தடுக்க நார்ச்சத்துள்ள உணவுகளை அதிகம் உண்ண வேண்டும். சரியான நேரத்தில் உணவு உண்பதுடன் அடிக்கடி கண் விழித்தலையும் தவிர்க்க வேண்டும். சர்க்கரை நோயாளிகளுக்கு நீர்ச்சத்து உடம்பில் வற்றுவதால் மலச்சிக்கல் உண்டாகிறது. அவர்களும் போதுமான அளவு நீர் அருந்த வேண்டும்.

மலச்சிக்கலை தொடர்ந்து குடலில் வாயு பெருகி ஆக்சிஜனின் அடர்த்தி குறைந்து கடுமையான மூச்சுப்பிடிப்பு உண்டாகிறது. ஆகவே நல்ல உடற்பயிற்சி செய்வதால் மலச்சிக்கலை தடுக்கலாம்.

நாட்பட்ட மலச்சிக்கலினால் மலம் கழிய முக்கும்போது ரத்தம் வெளியேறுதல், ஆசனவாய் வெளித்தள்ளல் போன்ற பிரச்னைகளும், மூலம், பவுத்திரம் போன்ற தொல்லைகளும் உண்டாகின்றன. ஒரே இடத்தில் நீண்டநேரம் அமர்ந்திருப்பவர்கள் அடிக்கடி எழுந்து நடக்க வேண்டும். அதிகளவு நீர் அருந்த வேண்டும். இதனால் மலச்சிக்கல் தீரும்.

மலக்கட்டு நீங்க கருஞ்சிவதை வேரை நிழலில் உலர்த்தி, லேசாக பாலில் வேகவைத்து, வடிகட்டி, வெயிலில் உலர்த்தி, பொடித்து ஒரு கிராமளவு அதிகாலை வெறும் வயிற்றில் சாப்பிட மலம் நன்கு கழியும். அடிக்கடி மலச்சிக்கல் உடையவர்கள் 15 நாட்களுக்கு ஒரு முறை அரை கிராம் கருஞ்சிவதை சூரணம் சாப்பிடலாம்.

sigaram

மலச்சிக்கலை தீர்க்கும் கருஞ்சிவதை

மலச்சிக்கலை தீர்க்கும் கருஞ்சிவதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக