உயில் எழுதி வைத்து வளர்ப்பு யானைகளை கோடீஸ்வரர் ஆக்கிய நபர்

**ayyasamy ram** · **ayyasamy ram** Thu Jun 11, 2020 8:44 pm

-

பாட்னா :
பீஹாரில், தான் வளர்க்கும் இரு யானைகள், தன் மரணத்திற்கு பின்,
அனாதைகளாகி விடக்கூடாது என்பதற்காக, சில கோடி ரூபாய்
மதிப்புள்ள நிலத்தை, அவற்றுக்கு உயில் எழுதி வைத்துள்ளார்.

சமீபத்தில், கேரளாவின் பாலக்காடு மாவட்டத்தில், 15 வயது கர்ப்பிணி
யானை, அன்னாசி பழத்தை சாப்பிட்ட போது, அதற்குள் இருந்த
வெடிபொருட்கள் வெடித்தன.

இதனால், வாய் பகுதி மற்றும் நாக்கு சேதமடைந்த நிலையில், யானை,
உணவு சாப்பிட முடியாமல், ஒரு வாரத்திற்கு பின் இறந்தது.இப்படி,
ஒருபுறம் யானை களுக்கு எதிராக கொடுமை நடக்க, அவற்றின் மீது,
பாசத்தை பொழியும் சிலரும் உள்ளனர் என, பீஹாரில் ஒருவர்
உணர்த்துகிறார்.

பீஹாரில் வசிக்கும் அக்தர் இமான் என்பவர், மோதி, 15, மற்றும்
ராணி, 20, என, இரு யானைகளை, தன் குழந்தைகள் போல் வளர்த்து
வருகிறார்.

தன் மரணத்திற்குப் பின் யானைகளின் நலனுக்காக, சில கோடி
ரூபாய் மதிப்புள்ள, தன் நிலத்தின் ஒரு பகுதியை உயில் எழுதி
வைத்துள்ளார்.இதுகுறித்து, அக்தர் இமான் கூறியதாவது:

விலங்குகள் மனிதர்களைப் போல இல்லாமல், ஆதரிப்போரிடம்
அன்பாகவும், உண்மையாகவும் இருக்கும். என் யானைகள், பல
சந்தர்ப்பங்களில் என்னை காப்பாற்றியுள்ளன.

ஒருமுறை, என்னை கொலை செய்வதற்காக, கைத்துப்பாக்கிகளுடன்
சிலர் வந்தனர்.அப்போது, என் யானை, என்னை எச்சரிக்கும்
வகையில் ஒலி எழுப்பி, அவர்களிடமிருந்து காப்பாற்றியது.

பல ஆண்டுகளாக யானைகளை பாதுகாக்கும் நான்,
என் மரணத்திற்குப் பின், அவற்றை அனாதைகளாக்க விரும்பவில்லை.
எனவே, சில கோடி ரூபாய் மதிப்புள்ள என் நிலத்தில் பாதியை
அவற்றின் நலனுக்காக கொடுக்க முடிவு செய்துள்ளேன்.
இவ்வாறு, அவர் கூறினார்.

தினமலர்

உயில் எழுதி வைத்து வளர்ப்பு யானைகளை கோடீஸ்வரர் ஆக்கிய நபர்

உயில் எழுதி வைத்து வளர்ப்பு யானைகளை கோடீஸ்வரர் ஆக்கிய நபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக