கரோனா வைரஸ் லைவ் அப்டேட்ஸ். - மார்ச் -26

**ayyasamy ram** · **ayyasamy ram** Thu 26 Mar 2020 - 8:39

4:29 AM IST
கேரள பாதிப்பு 95 ஆனது
திருவனந்தபுரம்: கேரளாவில் 64 ஆயிரம் பேர் தீவிர
கண்காணிப்பில் வைக்கப்பட்டுள்ளனர்.

383 பேர் பல்வேறு மருத்துவமனைகளில் தனி 'வார்டு'களில்
சிகிச்சை பெற்று வருகின்றனர். இந்நிலையில் மேற்காசிய
நாடான ஐக்கிய அரபு எமிரேட்சின் துபாயில் இருந்து
கேரளா திரும்பிய 25 பேர் உட்பட 28 பேருக்கு நேற்று தொற்று
உறுதி செய்யப்பட்டது.

இதையடுத்து பாதிக்கப்பட்டோர் எண்ணிக்கை 95 ஆக
உயர்ந்துள்ளது. இந்த 28 பேரில் 19 பேர் காசர்கோடு
மாவட்டத்தை சேர்ந்தவர்கள். ஐவர் கண்ணுாரையும் இருவர்
எர்ணாகுளத்தையும் மற்ற இருவர் முறையே பத்தனம்திட்டா
மற்றும் திருச்சூரை சேர்ந்தவர்கள்.
-
--------------------------------------------

25 Mar 2020
9:41 PM IST
கொரோனாவால் பாதிக்கப்பட்ட டில்லியில் இருந்து வந்தவர்
சென்னை ராஜிவ்காந்தி மருத்துவமனையில் சிகிச்சை
பெற்று வந்தார். அவர் சிகிச்சையில் குணமடைந்துள்ளதாகவும்,
இரண்டு நாட்களில் டிஸ்சார்ஜ் செய்யப்படுவார் எனவும் சுகாதார
அமைச்சர் விஜயபாஸ்கர் தெரிவித்துள்ளார்.
-
----------------------------------------

**ayyasamy ram** · **ayyasamy ram** Thu 26 Mar 2020 - 8:40

கரோனா வைரஸ் லைவ் அப்டேட்ஸ். - மார்ச் -26 Tamil_News_large_2509720

வங்கிகள் சார்பில், ரூபாய் நோட்டுகளை கையாளும் நிறுவனங்களின்
சங்கம் வெளியிட்டுள்ள செய்தியில் கூறப்பட்டுள்ளதாவது:

ரூபாய் நோட்டுகள் மூலமாக, கொரோனா வைரஸ் பரவாது.
இதை, உலக சுகாதார அமைப்பும் உறுதி செய்துள்ளது.
-
தினமலர்

**ayyasamy ram** · **ayyasamy ram** Thu 26 Mar 2020 - 14:29

கோயம்பேடு சந்தை மார்ச் 27, 28 ஆகிய தேதிகளில்
வழக்கம் போல இயங்கும் என்று கோயம்பேடு
அனைத்து சங்கங்கள் சார்பில் அறிவிப்பு
வெளியிடப்பட்டுள்ளது.

அதேநேரத்தில் சில்லறை விற்பனைகளுக்கு அனுமதி
இல்லை. சந்தையில் வியாபாரிகள் மட்டுமே
அனுமதிக்கப்படுவார்கள்.

வியாபாரிகள் மட்டும் பொருள்களை வாங்கிச்சென்று
பொதுமக்களுக்கு விற்பனை செய்யலாம். பொதுமக்களுக்கு
அனுமதியில்லை என்றும் தெரிவிக்கப்பட்டுள்ளது.
-
------------------
தினமணி

**ayyasamy ram** · **ayyasamy ram** Thu 26 Mar 2020 - 14:31

வடகிழக்கு தில்லி மஜ்பூரில் ஏழை எளிய மக்களுக்கு பயனளிக்கும் வகையில்
செயல்பட்டு வரும் சமுதாய மருத்துவமனையில் பணியாற்றி வந்த மருத்துவர்
ஒருவருக்கு கரோனா வைரஸ் தொற்று உறுதி செய்யப்பட்டுள்ளது என்று
சுகாதாரத் துறை அதிகாரிகள் புதன்கிழமை தெரிவித்தனர்.

மருத்துவரின் மனைவி மற்றும் மகளுக்கு கரோனோ தொற்று பாதிப்பு இருப்பது
உறுதி செய்யப்பட்டுள்ளதை அடுத்து அவர்களும் மருத்துவமனையில்
அனுமதிக்கப்பட்டு சிகிச்சை பெற்று வருகின்றனர்.

இதையடுத்து, மார்ச் 12 முதல் 18 வரை கரோனா பாதிக்கப்பட்ட மருத்துவருடன்
தொடர்பில் இருந்த சுமார் 800 பேர் 14 நாட்களுக்கு தனிமைப்படுத்தப்பட்டு
கண்காணிக்கப்பட்டு வருவதாக தில்லி சுகாதாரத்துறை அமைச்சர் தெரிவித்துள்ளார்.

தினமணி

**ayyasamy ram** · **ayyasamy ram** Thu 26 Mar 2020 - 21:25

கரோனா வைரஸ் லைவ் அப்டேட்ஸ். - மார்ச் -26 Sindhu1xx111xx

கரோனா நோய்தொற்று பாதிப்பால் ஏற்பட்டுள்ள நெருக்கடி
காரணமாகத் தலா ரூ. 5 லட்சத்தை ஆந்திரா மற்றும் தெலங்கானா
மாநிலங்களின் முதல்வர் நிவாரண நிதிக்கு அளிப்பதாக பிரபல
பாட்மிண்டன் வீராங்கனை பி.வி. சிந்து கூறியுள்ளார்.
-
தினமணி

**ayyasamy ram** · **ayyasamy ram** Thu 26 Mar 2020 - 21:32

அமெரிக்காவில் பலி எண்ணிக்கை 1,027 ஆக அதிகரித்துள்ளது.
இங்கு கடந்த 24 மணி நேரத்தில் 247 பேர் இறந்துள்ளனர்.
புதிதாக 13,347-ஐ பாதிக்கப்பட்டனர்.

இதனால், அமெரிக்காவில் கொரோனாவால் பாதிக்கப்பட்டோர்
எண்ணிக்கை 68,203 ஆக அதிகரித்துள்ளது. நியூயார்க், சிகாகோ,
லாஸ்ஏஞ்சல்ஸ் ஆகிய நகரங்கள் முடங்கியுள்ளன.

மற்ற மாநிலங்களில் கட்டுப்பாடுகள் கடுமையாக்கப்பட்டு உள்ளன.
மக்கள் வீட்டை விட்டு வெளியேற வேண்டாம் என அறிவுறுத்தப்பட்டு
உள்ளது.

தினகரன்