» » கரோனா வைரஸ் லைவ் அப்டேட்ஸ். - மார்ச் -24

மார்ச் 23, 2020 18:28
----------------------------------
நாளை மார்ச் 24 -மாலை 6 மணி வரை பேருந்துகள் இயங்கும் - எம்ஆர் விஜயபாஸ்கர்

மக்கள் சொந்த ஊருக்கு செல்ல சென்னை மாநகர
பேருந்துகள் கூடுதல் தூரமாக விழுப்புரம், திண்டிவனம்,
திருச்சி வரை இயக்கப்படும்.

பொதுமக்கள் முன்கூட்டியே தங்களின் பயணத்தை திட்டமிட
வேண்டும். ஆம்னி பேருந்துகளின் இயக்கம் குறைவாக
இருப்பதாலும் பேருந்துகளில் கூட்ட நெரிசலை தவிர்க்கவும்
சென்னை மாநகர பேருந்துகள் திருச்சி வரை இயக்கப்படுவதாக
கூறினார்.

மாலைமலர்

தமிழகத்தில் கொரோனா பாதித்தவர்களின் எண்ணிக்கை
12 ஆக உயர்வு - அமைச்சர் விஜயபாஸ்கர்
--

இந்தியாவில் கொரோனாவுக்கு பலியானோர் எண்ணிக்கை
9 ஆக உயர்வு
--

கேரளாவில் மேலும் 28 பேருக்கு கொரோனா பாதிப்பு
கேரள மாநிலத்தில் கொரோனா பாதிப்பு உறுதி செய்யப்பட்டோரின்
எண்ணிக்கை 95 ஆக அதிகரிப்பு
--

கொரோனா தொற்று தடுப்பு பணிகளில் ஈடுபட தொண்டு
நிறுவனங்களுக்கு அழைப்பு
--

தமிழகம் முழுவதும் மார்ச் 31ம் தேதி வரை 144 தடை உத்தரவு-
முதல்வர் பழனிசாமி அறிவிப்பு

தமிழக அரசு அறிப்பாணைகள்:

1. அனைத்து அத்தியாவசய கடைகள் திறந்து இருக்கும்

2. நீதிமன்றங்கள் செயல்பட அனுமதி

3. அனைத்து அரசு அலுவலகங்கள் மூடல்

4.பெட்ரோல் பங்க் திறந்து இருக்கும்

5. திட்டமிடப்பட்ட திருமணம் நடத்தலாம்

6, டாஸ்மாக், மால், தனியார் தொழிற்சாலைகள், பொதுத்துறை நிறுவனங்கள் மூடல்

7. ரேஷன்கடைகள் திறந்து இருக்கும்

8. 5 பேருக்கு மேல் கூட தடை

9. பிளஸ் 1 தேர்வு ஒத்தி வைக்கப்படுகிறது.

10, சிலிண்டர் விநியோகம் செய்யலாம்.

11. ஆவின் பால் நிலையம் திறந்து இருக்கும்.

12. பிளஸ் 2 தேர்வு திட்டமிட்டப்படி நடைபெறும்

13, அனைத்து வழிபடு தலங்கள் மூடப்படும்

13. பேருந்துகள் இயங்காது

14. உணவங்கள், டீக்கடைகள் நிபந்தனையுடன் அனுமதி

15. மருந்தகங்கள் திறந்து இருக்கும்

16. ஆசிரியர்கள் வீட்டில் இருந்து பணி தொடரலாம்.

17. அரசு பணியில் உள்ளவர்கள் மட்டுமே வாகனங்களில் செல்ல அனுமதி

18. ஓட்டலில் அமர்ந்து சாப்பிட தடை

19. மரண ஊர்திக்கு தடை இல்லை

20. அம்மா உணவங்கள் திறந்து இருக்கும்

இந்த இக்கட்டான சூழ்நிலையில் சிங்கப்பூரை விட்டு வெளியேறும்
எந்த ஒரு work pass holder ம் , மீண்டும் சிங்கப்பூரில் நுழைய
முடியாது..

- சிங்கப்பூர் அமைச்சர், Lawrence Wong.

கொரோனா தீவிரமடைகிறது - உலக சுகாதார அமைப்பு எச்சரிக்கை

ஜெனிவா:

சீனாவின் ஹூபேய் மாகாணம் வுகான் நகரில் கடந்த டிசம்பர் மாதம்
கண்டுபிடிக்கப்பட்ட கொரோனா வைரஸ் தற்போது உலகின் 195 நாடுகளில்
பரவியுள்ளது.

உலகம் முழுவதும் இந்த வைரஸ் இதுவரை 3 லட்சத்து 75 ஆயிரத்து 35 பேருக்கு
பரவியுள்ளது. இவர்களில் 16 ஆயிரத்து 359 பேர் உயிரிழந்துள்ளனர்.

மேலும், 2 லட்சத்து 57 ஆயிரத்து 122 பேர் சிகிச்சை பெற்று வருகின்றனர். வைரஸ்
பாதிக்கப்பட்டவர்களில் இதுவரை ஒரு லட்சத்து ஆயிரத்து 554 பேர் டிஸ்சார்ஜ்
செய்யப்பட்டுள்ளனர். இந்த வைரசுக்கு தடுப்பு மருந்தை கண்டுபிடிக்க உலக
நாடுகள் தீவிர முயற்சி மேற்கொண்டு வருகின்றன.

இந்நிலையில், ஜெனிவாவில் உலக சுகாதார அமைப்பின் தலைவர் டெட்ரோஸ்
அதனோம் ஜெப்ரேயிசஸ் நேற்று செய்தியாளர்களை சந்தித்தார்.

அப்போது அவர் பேசியதாவது:-

சீனாவில் கண்டுபிடிக்கப்பட்ட இந்த வைரஸ் உலக அளவில் முதல்
1 லட்சம் பேருக்கு பரவ 67 நாட்களை எடுத்துக்கொண்டது. அதைத்
தொடர்ந்து, அடுத்த 11 நாட்களில் வைரஸ் பாதிக்கப்பட்டவர்களின்
எண்ணிக்கை 2 லட்சமாக அதிகரித்தது.

ஆனால், தற்போது வெறும் 4 நாட்களில் மேலும் 1 லட்சம் பேருக்கும்
(மொத்தம் 3 லட்சம்) வைரஸ் பரவியுள்ளது. இதன் மூலம் கொரோனா
வைரஸ் தீவிரமடைந்து வருகிறது என்பது தெளிவாகத் தெரிகிறது.

நாம் ஒன்றும் உதவியற்ற பார்வையாளர்கள் அல்ல. நாம் இந்த
தொற்றுநோயின் பாதையை மாற்றலாம்.

மக்களை வீட்டில் இருக்க சொல்வதும் உடல் அளவில் ஒருவரை விட்டு
ஒருவர் விலகி இருப்பதும் வைரஸ் பரவுவதை குறைக்கும். ஆனால்
இவை அனைத்தும் தடுப்பு நடவடிக்கைகளே தவிர இந்த வைரசை
வீழ்த்தி வெற்றியடைவதற்கான வழிமுறை அல்ல.

இதில் வெற்றியடைய வேண்டுமானால் குறிவைக்கப்பட்ட இலக்குகளையும்,
யுக்திகளையும் கொண்டு நாம் இந்த வைரசை மிகவும் ஆக்ரோஷமாக
தாக்க வேண்டும்.

சந்தேகத்திற்குரிய அனைவரையும் பரிசோதனை செய்யுங்கள், வைரஸ்
பாதிப்பு உறுதி செய்யப்பட்ட அனைவரையும் தனிமைப்படுத்தி
அவர்களுக்கு அக்கறை செலுத்துங்கள்.

பாதிக்கப்பட்டவருடன் நெருங்கிய தொடர்பில் இருந்தவர்கள்
அனைவரையும் உடனடியாக கண்டறிந்து அவர்களையும் தனிமைபடுத்துங்கள்.

இவ்வாறு அவர் கூறினார்.

மாலைமலர்

கலிபோர்னியா, நியூயார்க், வா‌ஷிங்டன் பகுதிகளில் கொரோனா
தொற்றை மாபெரும் பேரிடராக டிரம்ப் அறிவித்து உள்ளார்.

இந்த மாகாணங்களுக்கு அதிக அளவிலான மருத்துவ உபகரணங்கள்
அனுப்பி வைக்கப்படுவதாக கூறிய டிரம்ப், நியூயார்க், கலிபோர்னியா
மாகாணங்களில் முறையே 1000, 2000 படுக்கை மருத்துவமனைகளை
அமைக்கவும் தேசிய அவசர கால மேலாண்மை ஏஜென்சிக்கும் உத்தரவிட்டார்.

இதைப்போல வா‌ஷிங்டனில் 3 பெரிய மருத்துவ நிலையங்களும்,
4 சிறிய மருத்துவ நிலையங்களும் உருவாக்கவும் அவர் அறிவுறுத்தி
உள்ளார். மேலும் இந்த 3 மாகாணங்களிலும் தேசிய பாதுகாப்பு
படையினரை நிறுத்தவும் அவர் ஒப்புதல் அளித்தார்.

மாலைமலர்

இங்கிலாந்து:

இங்கிலாந்து நாட்டில் கொரோனா வைரஸ் வேகமாக பரவி வருகிறது.
இதுவரை 335 பேர் பலியாகி இருக்கிறார்கள்.

நேற்று 54 பேர் உயிரிழந்தனர். 6 ஆயிரத்து 650 பேர் பாதிக்கப்பட்டு
உள்ளனர்.

இந்த நிலையில் கொரோனா பரவாமல் தடுக்க இங்கிலாந்து முழுவதும்
3 வாரங்கள் முடக்கப்படுவதாக அந்நாட்டு பிரதமர் போரிஸ் ஜான்சன்
அறிவித்துள்ளார்.

மாலைமலர்