கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

**ayyasamy ram** · **ayyasamy ram** Sat Mar 14, 2020 9:11 pm

தேவாரம் : 'கொரோனா' தாக்கத்தால் பெங்களூரு 'ஸ்டார்ட் அப்'
நிறுவனம் தேனி கிராமத்தில் வெற்றிகரமாக செயல்படுகிறது.

'கொரோனா' இந்தியாவில் தொழில்களை நசுக்கி வருகிறது.
பல நிறுவனங்கள் மூடப்பட்டுள்ளன. இதற்கு ஐ.டி., நிறுவனங்களும்
விதி விலக்கல்ல. ஊழியர்கள் வீட்டிலிருந்தே வேலை பார்க்க
கார்ப்பரேட் நிறுவனங்கள் அறிவுறுத்தியுள்ளன.

இந்நிலையில் 'கொரோனா'வுக்கு பயந்து பெங்களூருவை
சேர்ந்த 'ஸ்டார்ட்அப்' நிறுவனம் இயற்கை எழில் சூழ்ந்த தேனி
மாவட்டத்தில் உள்ள கிராமத்தில் 12 பணியாளர்களுடன்
செயல்படுகிறது

மீண்டும் கிராமத்திற்கு

இதுபற்றி அரவிந்த் கூறுகையில், ''அதிக செலவு ஏற்படுத்தும்
பெருநகரங்களை தவிர்த்து கிராமங்களில் 'ஸ்டார்ட்அப்'
நிறுவனத்தை துவக்க வேண்டுமென்ற சிந்தனை எங்களுக்கு
இருந்தது.

'கொரோனோ' தாக்கத்தால் பெருநகரங்கள் முடங்குவதை
எங்களுக்கு சாதகமாக பயன்படுத்த முடிவு செய்தோம்.
தேவாரம், அனுமந்தன்பட்டியில் உள்ள எங்கள் பண்ணை வீடுகளை
அலுவலகமாக பயன்படுத்தி வருகிறோம்.

இங்கு இலங்கை, நைஜீரியா உள்ளிட்ட வெவ்வேறு கலாசாரம் கொண்ட
12 பேர் வேலை பார்க்கிறோம்.

வாழ்வியல் முறைக்கு சம்மந்தமில்லாத பணி நேரத்திலிருந்து
தற்போது விடுதலை கிடைத்துள்ளது. காலை 7:00 மணி முதல்
மதியம் 3:00 மணி வரை வேலை பார்க்கிறோம்.

அதன் பின் மலையேற்றம், நீச்சல் என்று உற்சாகமாக நேரத்தை
கழிக்கிறோம். இதனால் புத்துணர்ச்சி அதிகரித்து வேலையின்
தரம் உயர்ந்துள்ளது. எங்கள் செயல்பாடு சிறப்பாக செல்வதை
அறிந்த வேறு நிறுவனங்கள், தங்களுக்கும் இதே போன்ற பணி
சூழலை ஏற்படுத்தி தர முடியுமா என்று கேட்டுள்ளனர்.

இதனால் கிராமங்களிலிருந்து பெருநகரங்களுக்கு பணி தேடி
சென்ற நிலை மாறி கிராமங்கள் 'ஐ.டி., பார்க்' ஆக மாறும் சூழல்
உருவாகியுள்ளது'' என்றார்.

தினமலர்

**krishnaamma** · **krishnaamma** Sun Mar 15, 2020 9:31 am

சபாஷ்....

நல்ல மாற்றம் தான், ஏசி ரூமில் உட்கார்ந்து உட்கார்ந்து வேலை பார்த்து, உடம்புக்கு ஏதாவது நோயை வரவழைத்துக் கொள்வதை விட, இப்படி வேலை பார்த்து, எக்சசைஸ் போல மனதிற்கு உற்சாகமான பயிற்சிகளையும் மேற்கொள்வதால் புத்தி மனம் இரண்டும் நன்கு வேலை செய்யும்....தொடருங்கள் புன்னகை

**T.N.Balasubramanian** · **T.N.Balasubramanian** Sun Mar 15, 2020 6:48 pm

AC ரூமில் உட்கார்ந்து வேலை செய்வது /இருப்பது/சாப்பிடுவது / தூங்குவது எல்லாமே உடலுக்கு நல்லதில்லை.
ஒரே ஒரு + .என்ன என்றால் இயற்கையாக காற்றில் வரும் தூசுகள் /கொசு/ஈ போன்றவைகளில் இருந்து தப்பிக்கலாம்.

ரமணியன்

Sponsored content · Sponsored content

கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

Re: கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

Re: கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

Re: கொரோனா'வால் இடம் பெயர்ந்த 'ஸ்டார்ட் அப்' நிறுவனம்: 'ஐ.டி., பார்க்' ஆகும் தேனி கிராமங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக