ஐதராபாத் மசூதியில் முதல் முறையாக யோகா வகுப்பு

**ayyasamy ram** · **ayyasamy ram** Sun Feb 16, 2020 6:36 am

ஐதராபாத் :
ஐதராபாத்தில் உள்ள பழமையான மசூதி ஒன்றில்
நாட்டிலேயே முதல் முறையாக யோகா உள்ளிட்ட
வகுப்புக்கள் நடத்த அனுமதிக்கப்பட்டுள்ளது.

உடல் பருமன், தொற்றா நோய்களுக்கு எதிராக
போராடும் வகையில் இந்த ஏற்பாட்டினை மசூதி
நிர்வாகம் செய்துள்ளது. தட்பன் பகுதியில்
நவாப் ஷாகிப் குந்தாவில் உள்ள மஸ்ஜித் இ இஷாக்
மசூதியில் உள்ள 3 தளங்களும் சுகாதார மற்றும்
மருத்துவ ஆலோசனைகள் வழங்கப்பட்டு வருகிறது.
அத்துடன் யோகாவும் கற்றுத்தரப்படுகிறது.

இது பற்றி மசூதியில் மருத்துவ ஆலோசனை வழங்கி
வரும் முஸ்தபா ஹசன் அன்சாரி கூறுகையில்,
இப்பகுதியில் வாக்கிங் மற்றும் வெளிப்புறத்தில்
உடற்பயிற்சி செய்வதற்கு நேரான சந்துகள் இல்லை.

அதனால் யோகா ஆசனங்களை கற்றுத்தர மசூதி
நிர்வாகிகள் ஏற்பாடு செய்துள்ளனர். இங்கு
ஆசனங்கள் கற்றுதருவதுடன், சில நோயாளிகளுக்கு
யூட்யூப் லிங்க்.,கள் மூலம் மொபைல் போனிலேயே
யோகா கற்கவும் ஏற்பாடு செய்துள்ளோம் என்றார்.

உடல் பருமனால் இதய நோய் பிரச்னை உள்ள
ஏராளமான பெண்கள் மசூதிக்கு வந்து மருத்துவ
ஆலோசனைகளை பெற்றுச் செல்கின்றனர்.

சமீபத்தில் எடுக்கப்பட்ட ஆய்வு அடிப்படையிலும்,
யோகா குறித்து உலக சுகாதார மையம் வழிகாட்டுதலின்
பேரிலும் மசூதியில் யோகா கற்றுதரும் நடவடிக்கை
எடுக்கப்பட்டள்ளது.

உடற்பயிற்சி, உணவுமுறை, வாழ்க்கை முறை குறித்து
விழிப்புணர்வு ஏற்படுத்த ஆலோசகர்களும் ஏற்பாடு
செய்யப்பட்டுள்ளதால் ஏராளமானோர் இதனால்
பயனடைந்து வருவதாக கூறப்படுகிறது.
-
-------------------------
தினமலர்

ஐதராபாத் மசூதியில் முதல் முறையாக யோகா வகுப்பு

ஐதராபாத் மசூதியில் முதல் முறையாக யோகா வகுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக