டெல்லி மக்களுக்கு கிடைத்த வெற்றி - அரவிந்த் கெஜ்ரிவால் பெருமிதம்

**ayyasamy ram** · **ayyasamy ram** Tue Feb 11, 2020 9:44 pm

புதுடெல்லி:

தலைநகர் டெல்லியில் நடைபெற்ற சட்டசபைத் தேர்தலில்
முதல் மந்திரி அரவிந்த் கெஜ்ரிவாலின் ஆம் ஆத்மி கட்சி
மீண்டும் தனிப்பெரும்பான்மையுடன் ஆட்சி அமைக்க உள்ளது.

இந்த வெற்றியை ஆம் ஆத்மி கட்சியினர் உற்சாகத்துடன்
கொண்டாடி வருகின்றனர்.

இதையடுத்து கட்சி அலுவலகம் சென்ற அரவிந்த் கெஜ்ரிவால்
தொண்டர்களிடம் உற்சாகமாக பேசினார். அப்போது அவர்
பேசியதாவது:

இந்த தேர்தல் முடிவு மூலம் புது மாதிரியான அரசியல் பிறக்க
வழி கிடைத்துள்ளது. இது புதிய அறிகுறி.

அனைவருக்கும், ஒரு தெளிவான செய்தியை டெல்லி
அனுப்பியுள்ளது. வளர்ச்சிக்காக டெல்லி மக்கள் ஓட்டளித்துள்ளனர்.

இந்த வெற்றி டெல்லி மக்களின் வெற்றி. இது டெல்லியின்
வெற்றி மட்டுமல்ல, இந்தியாவின் வெற்றியும்கூட.
டெல்லி மக்கள் சிறந்த வாய்ப்பை வழங்கி உள்ளனர். மக்களின்
நம்பிக்கையை மீண்டும் பெற்று உள்ளோம்.

கடவுள் அனுமன் நம்மை ஆசிர்வதித்துள்ளார்.
அடுத்த 5 ஆண்டுகள் சிறப்பானதாக அமைய வேண்டும் என
கடவுளை வேண்டிக் கொள்கிறேன் என பெருமிதத்துடன்
குறிப்பிட்டுள்ளார்.

மாலைமலர்
Related Tags :

**ayyasamy ram** · **ayyasamy ram** Tue Feb 11, 2020 9:49 pm

கேஜரிவாலை பயங்கரவாதி என்று அழைத்தாலும் தோற்கடிக்க முடியவில்லை: உத்தவ் தாக்கரே கருத்து
-

அரவிந்த் கேஜரிவாலை பாஜக ஒரு பயங்கரவாதி என்று அழைத்தாலும் அவரை தோற்கடிக்க முடியவில்லை என தில்லி தேர்தல் முடிவு குறித்து உத்தவ் தாக்கரே கருத்து தெரிவித்துள்ளார்.

70 தொகுதிகளைக் கொண்ட தில்லி சட்டப்பேரவைக்கு கடந்த சனிக்கிழமை தேர்தல் நடைபெற்ற நிலையில், வாக்கு எண்ணிக்கை செவ்வாய்கிழமை காலை 8 மணிக்குத் தொடங்கி நடைபெற்று வருகிறது.

தற்போதைய நிலவரப்படி, ஆம் ஆத்மி கட்சி 63 இடங்களிலும், பாஜக 7 இடங்களிலும் முன்னிலை வகித்து வருகிறது. இதனால் தில்லியில் 3வது முறையாக கேஜரிவால் தலைமையிலான ஆம் ஆத்மி ஆட்சி அமைவது உறுதியாகியுள்ளது.

இந்த நிலையில், தில்லி தேர்தல் முடிவுகள் குறித்து மகாராஷ்டிரத்தின்
முதல்வரும், சிவசேனை கட்சியின் தலைவருமான உத்தவ் தாக்கரே
பேசுகையில், 'தில்லி தேர்தலில் ஆம் ஆத்மி கட்சி வெற்றி பெற்றதற்கு
அரவிந்த் கெஜ்ரிவால் மற்றும் தில்லி மக்களை வாழ்த்துகிறேன்.

நாடு 'மன் கி பாத்' அல்லாமல் 'ஜன் கி பாத்' வழியில் நடக்கும்
என மக்கள் தில்லி தேர்தல் மூலமாக காட்டியுள்ளனர்.

கேஜரிவாலை பாஜக ஒரு பயங்கரவாதி என்று அழைத்தாலும்
அவரை தோற்கடிக்க முடியவில்லை' என்று தெரிவித்துள்ளார்.

தினமணி

டெல்லி மக்களுக்கு கிடைத்த வெற்றி - அரவிந்த் கெஜ்ரிவால் பெருமிதம்

டெல்லி மக்களுக்கு கிடைத்த வெற்றி - அரவிந்த் கெஜ்ரிவால் பெருமிதம்

Re: டெல்லி மக்களுக்கு கிடைத்த வெற்றி - அரவிந்த் கெஜ்ரிவால் பெருமிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக