காசியில் (வாரணாசி) எங்கே தங்க?

#1
வாரணாசிக்குச் செல்பவர்களுக்கு முக்கியமான பிரச்சினைகள் இரண்டு.
1) எங்கே தங்குவது? 2) நம் தமிழ்நாட்டு உணவுக்கு என்ன செய்வது?
இதற்கு பதில்:
காசி நகரத்தார் விடுதி!
இனம்,
ஜாதி வேறுபாடின்றி அனைவரும் தங்கலாம்.

சிபாரிசுக் கடிதம்
எல்லாம் ஒன்றும் கிடையாது.
தமிழில் பேசினாலே போதும்.
அனுமதித்து விடுவார்கள். புறப்படும்போது தொலைபேசியில் தகவல் சொல்வது நல்லது.
முகவரி:
Sri Kasi Nattukkottai Nagara Satram
Godowlia,
Varanasi 221001 (U.P)
Phone No:
0542 - 2451804,
Fax: 0542 - 2452404
(ஆட்டோக்காரருக்கு நாட்கோட் சத்திரம், கோடொவ்லியா,
சுசீல் சினிமா தியேட்டருக்குப் பின்புறம் என்று சொல்ல வேண்டும்)

Naat Koat Satram
Location Godowlia, Tanga Stand
Behind Sushil Cinema
Varanasi
கட்டணம்:
தனி நபருக்கு ஒரு நாளுக்கு ரூ. 20/-
அதற்கு மகமை என்று பெயர்.
உள்ளே உள்ள அரங்கங்கள் மற்றும் மண்டபங்களில் தங்கினால், அதற்கு வாடகை கிடையாது.

உங்கள் உடமைகளை வைத்துக்கொள்ள லாக்கர்களைத் தருவார்கள்.
ஒரு லாக்கருக்கு ஒரு நாள் வாடகை ரூ. 10/- குழுவாகச் சென்றால், மண்டபங்கள் அரங்குகள் உள்ளன. அதுதான் வசதி.
20, 30, 50 பேர்கள் என்று அளவிற்கு ஏற்றபடி தங்கும் அரங்குகள், மண்டபங்கள் உள்ளன.
பாய், ஜமுக்காளம், தலையணை எல்லாம் அங்கேயே கிடைக்கும்.
அதற்குச் செலவில்லை.

ப்ரைவசி வேண்டும் என்றால் தனியே
மூன்று விதமான அறைகள் உள்ளன. முன் காலத்தில் கட்டப்பெற்ற அறைகள்,
அடுத்த காலகட்டத்தில் கட்டப்பெற்ற Attached Bath Room and Flush Outஉடன் கூடிய அறைகள் மற்றும் டீலக்ஸ் அறைகள் சுமார் 60 உள்ளன. சுமார் 500 பேர்கள் வரை தங்கும் வசதி உள்ளது.

மகா சிவராத்திரி, தீபாவளி,
தை அமாவாசை,
ஆடி அமாவாசை போன்ற விழாக்காலங்களில் கூட்டம் அதிகமாக இருக்கும்.
மற்ற சமயங்களில் இருக்காது.
தற்போது சராசரியாக நாளொன்றுக்கு 150 பேர் வரை வந்து செல்கிறார்கள். அவர்களில் நகரத்தார்களின் பங்களிப்பு
5 சதவிகிதத்திற்கும் குறைவானதே. விழாக்காலங்களில் நகரத்தார்கள்
200 பேருக்கு மேல் வந்து செல்வார்கள்.

எத்தனை பேர்கள் வந்தாலும் தாங்கும். உள்ளே குளியலறை, மற்றும் கழிப்பறை வசதிகள் தங்கும் அனைவருக்கும் சிறப்பாக உண்டு. அவற்றைச் சுத்தம் செய்வதற்குத் தனியாகப் பணியாளர்கள் உள்ளார்கள். விடுதிக்கு
4 காவற்காரர்கள் உள்ளார்கள்.

இரண்டு படுக்கைகள் கொண்ட அறைக்கு நாளொன்றுக்கு நூறு ரூபாய் கட்டணம். கழிப்பறை குளியலறை இணைப்புடன் கூடிய அறைகளுக்கு (2/3 பேர்கள் தங்கலாம்) நாளொன்றுக்கு இருநூறு ரூபாய் கட்டணம்.
டீலக்ஸ் அறைகளில் 4 பேர்கள் தங்கலாம். அதற்கு நாளொன்றுக்கு முந்நூறு ரூபாய் கட்டணம்.

குளியல் அறைகளில் Water Heater உண்டு.
குடிப்பதற்கு Purified Water உண்டு.
மின் தடை இருக்காது! Full Gen Set வசதி உண்டு!!
உணவு?

விடுதியில் மிகப் பெரிய சமையல் அறையும், பரிமாறும் கூடங்களும் உள்ளன. இரண்டு செட்டி நாட்டு சமையல்காரர்களும், ஆறு பணியாளர்களும் உள்ளனர். சைவ உணவுகள் மட்டுமே. நம்பிச் சாப்பிடலாம். ருசியாக இருக்கும்.

1)காலைச் சிற்றுண்டி: நேரம் 8 மணி முதல் 10 மணி வரை.
இட்லி, பொங்கல் சாம்பார், சட்னி - அளவில்லை. விரும்புகின்ற அளவு சாப்பிடலாம்.
டீ உண்டு்.
கட்டணம் ரூ.35/- மட்டுமே!!

2) மதிய உணவு: நேரம் 12:30 மணி 2:30 மணி வரை.
சாம்பார், ரசம், கூட்டு, பொரியல், தயிர். அளவில்லை. விரும்புகின்ற அளவு சாப்பிடலாம். 90% கட்டணம் இருக்காது. அன்னதானக் கணக்கில் சாப்பாடு இலவசம்.
சில நாட்களில் கட்டளைதாரர்கள் இல்லை என்றால் அப்போது மட்டும் தலைக்கு ரூ.40/- கட்டணம்.
ரூ.4,000/- அன்னதானக் கணக்கில் செலுத்திய கட்டளைதாரர்கள் நிறைய உள்ளார்கள். அவர்கள் விரும்பிய தினத்தில் அவர்கள் பெயரில் அன்னதானம் நடைபெறும்.

3) மாலை 4 மணிக்கு டீ உண்டு.

4) இரவு 7:30 முதல் 9 மணிவரை
இட்லி, தோசை, சப்பாத்தி, உப்புமா, சாம்பார், சட்னி, குருமா என்று உள்ளன. அவற்றில் ஏதாவது இரண்டைச் செய்து பரிமாறுவார்கள்
கட்டணம் ரூ.35/-.

உணவிற்குக் காலை 8 மணிக்கு கூப்பன்களை வாங்கிவிட வேண்டும். அவர்கள் ஆட்களை எண்ணி அதற்குத் தகுந்தாற்போல சமைப்பதற்காக அந்த ஏற்பாடு.
வாரணசியில் மட்டும்தான் இந்த வசதி உள்ளதா?

இல்லை.
அலகாபாத், அயோத்தியா,
கயா,
நாசிக்
ஆகிய 4 ஸ்தலங்களிலும் இந்த வசதி உள்ளது.
-

நன்றி-பெண்மை -வலைதளம்