என்னை ஏன் பெற்றீர்கள் - நீதிமன்றத்தில் வழக்கு.

Guest · Guest Thu Feb 07, 2019 10:43 pm

உங்கள் குழந்தைகள் உங்களின் குழந்தைகள் அல்ல
அவர்கள் காத்திருக்கும் எதிர்கால வாழ்வின் மகன் மற்றும் மகள்கள்
அவர்கள் உங்கள் வழியாக வருகிறார்கள், ஆனால், அவர்கள் உங்களில் இருந்து வரவில்லை
அவர்களுக்கு நீங்கள் உங்களுடைய அன்பைத்தரலாம்; உங்களின் சிந்தனைகளை அல்ல!

ஏனெனில் அவர்களுக்கென்று அழகான சிந்தனைகள் உண்டு
அவர்களின் உடலுக்கு மட்டுமே நீங்கள் வீடமைக்கலாம்
அவர்களின் ஆன்மாவிற்கு அல்ல

ஏனென்றால் அவர்களின் ஆன்மா வருங்காலத்தின் வீடுகளில் வாழ்கிறது;
அந்த வீட்டை நீங்கள் கனவில் கூடச் சென்றடைய முடியாது
நீங்கள் அவர்களைப் போல ஆவதற்கு உழையுங்கள்;
ஆனால், அவர்களை உங்களைப்போல ஆக்கி விடாதீர்கள்

வாழ்க்கை பின்னோக்கி பயணிப்பதில்லை
கடந்தகாலத்தில் சுணங்கி கிடப்பதுமில்லை
உங்கள் குழந்தைகள் எனும் உயிருள்ள அம்புகளை ஏவும் விற்கள் நீங்கள் என்பதை நினைவில் கொள்ளுங்கள்

வில்லாளி முடிவுகளற்ற பாதையில் குறிவைத்து
முழுவலிமையோடு வில்லான உங்களை வளைக்கிறான்
அவன் அம்புகள் அதிவேகமாய், அளவற்ற தொலைவுகள் பயணிக்கலாம்
விற்பெருவீரனின் கர வளைப்பினில் உங்கள் ஆனந்தம் ஆர்ப்பரிக்கட்டும்
பாய்கிற அம்பை விரும்புகிற அவன்
பதறாத வில்லையும் விரும்புகிறான். – கலீல் ஜிப்ரான்

Guest · Guest Thu Feb 07, 2019 10:46 pm

ஜிப்ரானின் கவிதையில் வரும் வசனத்தை நிரூபிப்பது போல், என்னை ஏன் பெற்றீர்கள் ? நீதிமன்றத்தில் வழக்கு தொடுக்க இளைஞர் முடிவு ?

என்னை ஏன் பெற்றீர்கள் - நீதிமன்றத்தில் வழக்கு. No-baby2-696x392

என்னை ஏன் பெற்றீர்கள் - நீதிமன்றத்தில் வழக்கு. No-baby2-696x392

ரபேல் சாமுவேல் (Raphael Samuel -27) தீவிரமான ‘ஆண்ட்டிநாட்டலிசம்’(antinatalism) என்ற புதியவகை சிந்தனை மீது ஈர்ப்பு உள்ளவர். பெற்றோர்கள் குழந்தை பெற்றுக்கொள்வதற்கு எதிரான சிந்தனை போக்கை கொண்டவர்களை குறிக்கும் சொல்தான் இந்த ‘ஆண்ட்டிநாட்டலிசம்’.
அதாவது இனப்பெருக்கம் என்பதே பூமிக்கு தேவை இல்லாத செயல் என சொல்கிறது இந்தச் சிந்தனை.
என்னை ஏன் பெற்றீர்கள் - நீதிமன்றத்தில் வழக்கு. 052800_Kalyani%20(3)

என்னை ஏன் பெற்றீர்கள் - நீதிமன்றத்தில் வழக்கு. 052800_Kalyani%20(3)

பெற்றோர்கள் தங்களின் தேவைக்காகவும், தங்களின் மகிழ்ச்சிக்காகவும் மட்டுமே குழந்தைகளை பெற்று கொள்ளுகிறார்கள். ஆகவே இது முற்றிலும் தவறான ஒன்று. பெற்றோர்களின் முடிவிற்காகவும் அவர்களின் கட்டாய விருப்பத்திற்காகவும் பிள்ளைகள் பணியாற்ற அவசியமில்லை என கூறுகிறது இந்தச் சிந்தனை.

மேலும், “ஒவ்வொரு குழந்தையும் தங்களின் வாழ்வை அனுபவிக்கவே இந்தப் பூமிக்கு வருகிறார்கள். அவர்களை பெற்றோர்களின் ஆசைகளுக்காக வாழ வலியுறுத்துவது முறையல்ல; அவர்களின் கனவை பிள்ளைகள் கட்டாயம் நிறைவேற்ற வேண்டும் என எதிர்ப்பார்ப்பதும் தவறான ஒன்றுதான். பெற்றோர்கள் குழந்தைகளின் விருப்பம் அறிந்து அவர்களை வாழ அனுமதிக்க வேண்டும் என்றும் இந்தச் சிந்தனை வலியுறுத்துகிறது என்கிறார் சாமுவேல்.

பெற்றோர் மீது அளவில்லாத அன்பு கொண்டிருக்கும் ரபேல் நீதிமன்றம் செல்கிறார். நாங்கள் வழக்கறிஞர்கள்,நீதிமன்றில் பார்த்துக் கொள்கிறோம் என்கிறார்கள் பெற்றோர். டில்லி நீதிமன்றம் விரைவில் ஒரு விசித்திரமான வழக்கை சந்திக்க உள்ளது.(இணையம்- தி பிரிண்ட்)

போனஸ்:
குவைட்டில் மூன்று நிமிடங்களே நீடித்த திருமண வாழ்வு. நடத்தி வைத்தவரே முறிவையும் வாயில் படியில் வைத்து கொடுத்தார். வெளியே வரும்போது கால் தடுக்கிய போது, உதவிக்கு வராது மனைவியை முட்டாள் என சொன்னதால் விவாகரத்தாயிற்று.
இதற்கு முன் 15 நிமிடங்களில் விவாகரத்து இதே குவைட்டில் கொடுக்கப்பட்டது. தருவதாக சொன்ன பணத்தை மணமகன் கொடுக்க தாமதமானதால் (காருக்குள் இருந்த பணத்தை எடுத்துக் கொடுக்க) வெளியே வந்த தந்தை மண வாழ்க்கையை முடித்து வைத்தார். (அரபு செய்திகள்)