ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட்

**ayyasamy ram** · **ayyasamy ram** Fri Jan 18, 2019 12:24 pm

மெல்போர்ன்:
மூன்றாவது ஒருநாள் போட்டியில் ஆறு விக்கெட் வீழ்த்தி
அசத்தினார் இந்திய சுழல் வீரர் சகால்.
ஆஸ்திரேலிய அணி 230 ரன்னுக்கு ஆல் அவுட்டானது.

ஆஸ்திரேலியா சென்றுள்ள இந்திய அணி மூன்று போட்டிகள்
கொண்ட ஒருநாள் தொடரில் பங்கேற்கிறது. முதல் இரு
போட்டிகளில் இரு அணிகளும் தலா ஒரு வெற்றி பெற தொடர்
1-1 என சமனில் இருந்தது.

மூன்றாவது மற்றும் கடைசி ஒருநாள் போட்டி மெல்போர்னில்
நடக்கிறது.

'டாஸ்' வென்ற இந்திய அணி கேப்டன் கோஹ்லி பவுலிங் தேர்வு
செய்தார். இந்திய அணியில் அம்பதி ராயுடு, குல்தீப் யாதவ்,
கலீல் அகமது நீக்கப்பட்டு கேதர் ஜாதவ், தமிழகத்தின்
விஜய் ஷங்கர், சகால் சேர்க்கப்பட்டனர்.

ஆஸ்திரேலிய அணியில் லியான், பெஹ்ரன்டர்ப்பிற்குப் பதில்
ஆடம் ஜாம்பா, ஸ்டான்லேக் இடம் பெற்றனர். லேசான மழை
காரணமாக போட்டி துவங்க 10 நிமிடம் தாமதம் ஆனது.

2 பந்துகள் வீசப்பட்ட நிலையில் மீண்டும் மழை வர, போட்டி
நிறுத்தப்பட்டது.

20 நிமிடத்துக்கு பின் மீண்டும் போட்டி துவங்கியது.
ஷமி பந்தில் பவுண்டரி அடித்த அலெக்ஸ் கேரி (5), புவனேஷ்வர்
'வேகத்தில்' சிக்கினார். சகால் வீசிய தனது முதல் ஓவரில்
ஷான் மார்ஷ் (39), கவாஜாவை (34) அவுட்டாக்கினார்.

தொடர்ந்து அசத்திய இவர் ஸ்டாய்னிசையும் (10) வெளியேற்றினார்.
முகமது ஷமி வேகத்தில் மேக்ஸ்வெல் (26) சிக்கினார். ரிச்சர்ட்சன் (16),
ஜாம்பா (8) சகாலிடம் சரிந்தனர். ஸ்டான்லேக் (0) போல்டாக,
ஆஸ்திரேலிய அணி 48.4 ஓவரில் 230 ரன்னுக்கு ஆல் அவுட்டானது.

சுழலில் அசத்திய சகால் 6, புவனேஷ்வர், முகமது ஷமி தலா
2 விக்கெட் சாய்த்தனர்.
-
------------------------------
தினமலர்

**ayyasamy ram** · **ayyasamy ram** Fri Jan 18, 2019 5:03 pm

ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட் Ro_16149

பின்னர், 231 ரன்கள் எடுத்தால் வெற்றி என்ற இலக்குடன்
இந்திய அணி களமிறங்கியது. 59 ரன்களுக்கு இந்திய அணி
2 விக்கெட்டை இழந்தது.

ஆடுகளம் பந்துவீச்சுக்கு சாதகமாக இருந்ததால்,
கோலி - தோனி ஜோடி நிதானமாகவே ரன்களைச் சேர்த்தனர்.
கோலி 46 ரன்களில் அவுட்டாகி வெளியேறினார்.

அடுத்து களமிறங்கிய கேதர் ஜாதவ், தோனிக்கு நன்கு
ஒத்துழைப்பு அளித்தார். இவர்கள் இருவரும் பெரும்பாலும்
ஓடியே ரன்களைச் சேர்த்தனர்.
ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட் Jadav_16338

ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட் Jadav_16338

ஜாதவ்
---
நிதானமாக விளையாடிய தோனி, அரை சதம் கடந்தார்.
இந்தத் தொடரில், தோனி அடிக்கும் மூன்றாவது அரை
சதமாகும்.

சிறிது நேரத்தில் ஜாதவ் தனது அரை சதத்தைக் கடந்தார்.
கடைசி வரை களத்தில் இருந்த இந்த ஜோடி, போட்டியை
தித்திப்பாக முடிந்துவைத்தது.
-
ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட் Do_16036

ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட் Do_16036

இந்திய அணி 49.2ஓவர்களில் 234 ரன்கள் எடுத்தது.
இதன்மூலம் 7 விக்கெட்டுகள் வித்தியாசத்தில் இந்தியா
வெற்றிபெற்றது. இதன்மூலம், மூன்று போட்டிகள் கொண்ட
ஒரு நாள் தொடரை 2-1 என்ற கணக்கில் இந்தியா
கைப்பற்றியுள்ளது.

தோனி

இந்திய அணியில் அதிகபட்சமாக தோனி 87, ஜாதவ்
61 ரன்களை குவித்தனர். இந்தப்போட்டியில்
6 விக்கெட்டுகளை கைப்பற்றிய சுழற்பந்துவீச்சாளர்
சாஹல் ஆட்டநாயகனாக தேர்வு செய்யப்பட்டார்.

இந்தத் தொடரில் 3 அரைசதங்களை அடித்து அசத்திய
தோனி தொடர் நாயகனாக தேர்வு செய்யப்பட்டார்.
-
------------------------------
விகடன்

ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட்

ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட்

Re: ஆறு விக்கெட் வீழ்த்தினார் சகால்: 230 ரன்னில் ஆஸி., ஆல் அவுட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக