"டிக் டாக்' செயலிக்குத் தடை விதிக்க வேண்டும்

**ayyasamy ram** · **ayyasamy ram** Wed 2 Jan 2019 - 10:37

இளைய தலைமுறையினரைச் சீரழிக்கும் "டிக்டாக்'
செயலியைத் தடை செய்ய வேண்டும் என்று பாமக
நிறுவனர் ராமதாஸ் வலியுறுத்தியுள்ளார்.

இது தொடர்பாக செவ்வாய்க்கிழமை அவர் வெளியிட்ட
அறிக்கை:

முகநூல், கட்செவி அஞ்சல் போன்ற சமூக ஊடகமான
டிக்டாக் என்ற பெயரிலான செல்பேசி செயலி கடந்த
2016-ஆம் ஆண்டு செப்டம்பர் மாதம் அறிமுகம்
செய்யப்பட்டது.

சீனத்தைச் சேர்ந்த பைட்-டான்ஸ் என்ற நிறுவனத்தால்
அறிமுகப்படுத்தப்பட்டுள்ள இந்தச் செயலியில்
15 வினாடிகளுக்கு பயனாளிகள் தங்களின் கருத்தைப் படம்
பிடித்து வெளியிட முடியும்.

ஆனால், டிக்டாக் செயலி இப்போது ஆபாசக் களஞ்சியமாக
மாறிப் போயிருப்பதாக குற்றச்சாட்டுகள் எழுந்துள்ளன.
இந்தச் செயலியில் பயனாளிகள் பதிவு செய்யும்
உள்ளடக்கங்களுக்கு எந்தவிதமான கட்டுப்பாடோ,
தணிக்கையோ இல்லை என்பதால், இளம்பெண்கள் உள்ளிட்ட
பயனாளிகள் பலரும் ஆபாசம் நிறைந்த பாடல்களைப் பாடுவது,

திரைப்படங்களில் வரும் பாடல்களுக்கு ஏற்ற வகையில்
அருவருக்கத்தக்க வகையில் அங்க அசைவுகளைச் செய்வது
போன்ற செயல்கள் அதிகரித்து வருகின்றன.

இதில் இடம்பெறும் பல பதிவுகள் பெண்களை இழிவு
படுத்துகின்றன.

உலகின் பெரும்பாலான நாடுகளில் டிக்டாக் செயலி
மிகவும் மோசமான தாக்கத்தையே ஏற்படுத்தி உள்ளது.
குழந்தைகளுக்கும், பதின்வயதினருக்கு பாதிப்பை
ஏற்படுத்துவதாகக் கூறி, இந்தோனேஷிய அரசு அதை
தடை செய்தது. பின்னர், ஆபாச உள்ளடக்கங்கள் இடம்
பெறாது என பைட்-டான்ஸ் நிறுவனம் உத்தரவாதம்
அளித்ததைத் தொடர்ந்து தான் தடை நீக்கப்பட்டது.

அமெரிக்காவில் 16 வயதுக்குள்பட்டவர்கள் டிக்டாக்
செயலியை பயன்படுத்த அனுமதிக்கக்கூடாது என்று
அங்குள்ள இணைய பயன்பாடு கண்காணிப்பு அமைப்பு
பரிந்துரை செய்திருக்கிறது.

பிரான்ஸ் உள்ளிட்ட பல்வேறு நாடுகளில் டிக்டாக்கின்
உள்ளடக்கங்கள் கடுமையான கண்காணிப்புக்கு
உள்ளாக்கப்படுகின்றன.

எனவே, சமூக சீரழிவுக்கு உள்ளாக்கும் டிக்டாக் செயலிக்கு
மத்திய அரசு தடை விதிக்க வேண்டும் என்று அவர்
கூறியுள்ளார்.
-
------------------------------------------
தினமணி

Guest · Guest Wed 2 Jan 2019 - 16:47

தடை தீர்வாகாது.தொழில்நுட்பத்தை நல்லதுக்கும் கெட்டதற்கும் பாவிக்கலாம். முகநூல் தனது சரிவை சரிசெய்ய டிக் டொக் (Musical.ly) போல் Lasso என்ற ஆப்பை அறிமுகப்படுத்த உள்ளது.தடை செய்வதானால் FB ஐயும் தடை செய்ய வேண்டுமே!

**ஜாஹீதாபானு** · **ஜாஹீதாபானு** Wed 2 Jan 2019 - 17:06

எந்த ஆப்பும் (app) ஆப்பு வைக்காம இருக்க நல்ல முறையில் உபயோகித்தால் போதும்.
எல்லா ஆப்பும் நமக்கு ஆப்பு தான் வைக்குது புன்னகை

**T.N.Balasubramanian** · **T.N.Balasubramanian** Wed 2 Jan 2019 - 17:54

நண்பருடன் இது பற்றி பேசினேன்.
இதை நிச்சயமாக தடை செய்யவேண்டும் என்று கூறிய அவர்
ஆங்கிலத்தில் அதன் ஸ்பெல்லிங் என்ன என்று என்னிடம் கேட்டார்.

ரமணியன்

**ஜாஹீதாபானு** · **ஜாஹீதாபானு** Wed 2 Jan 2019 - 19:41

T.N.Balasubramanian wrote:நண்பருடன் இது பற்றி பேசினேன்.
இதை நிச்சயமாக தடை செய்யவேண்டும் என்று கூறிய அவர்
ஆங்கிலத்தில் அதன் ஸ்பெல்லிங் என்ன என்று என்னிடம் கேட்டார்.

ரமணியன்

மேற்கோள் செய்த பதிவு: 1290482
சொல்லிட்டிங்களா ஐயா ?

**பழ.முத்துராமலிங்கம்** · 27/09/2015

ஜாஹீதாபானு wrote:எந்த ஆப்பும் (app) ஆப்பு வைக்காம இருக்க நல்ல முறையில் உபயோகித்தால் போதும்.
எல்லா ஆப்பும் நமக்கு ஆப்பு தான் வைக்குது

மேற்கோள் செய்த பதிவு: 1290477
சரியாகச் சொன்னீர்கள் சகோதரி.

**T.N.Balasubramanian** · **T.N.Balasubramanian** Wed 2 Jan 2019 - 22:07

ஜாஹீதாபானு wrote:
T.N.Balasubramanian wrote:நண்பருடன் இது பற்றி பேசினேன்.
இதை நிச்சயமாக தடை செய்யவேண்டும் என்று கூறிய அவர்
ஆங்கிலத்தில் அதன் ஸ்பெல்லிங் என்ன என்று என்னிடம் கேட்டார்.

ரமணியன்
மேற்கோள் செய்த பதிவு: 1290482
சொல்லிட்டிங்களா ஐயா ?

மேற்கோள் செய்த பதிவு: 1290484

அது தெரிஞ்சு இருந்தால் நான் ஏன் அந்த பதிவை ஈகரையில் போடவேண்டும். சோகம்

எனக்கு தெரிஞ்சதெல்லாம் TIK 20 ஒன்றுதான். அந்த காலத்தில் மூட்டைப்பூச்சி
தொல்லையில் இருந்து விடுபட கெரசினுடன் இதை கலந்து ஸ்ப்ரே பண்ணுவோம்.
அவன்கிட்ட இதெல்லாம் அவுட் ஆஃப் சிலபஸ் என்று சொல்லிவிட்டேன்.

ரமணியன்

Guest · Guest Thu 3 Jan 2019 - 0:29

சீனாவில் Tik Tok
அமெரிக்காவில் Tik Tok (Musical.ly )
முக நூலில் Lasso
15 sec வீடியோ ஆகக் கூடியது.

**ஜாஹீதாபானு** · **ஜாஹீதாபானு** Thu 3 Jan 2019 - 14:25

T.N.Balasubramanian wrote:
ஜாஹீதாபானு wrote:
T.N.Balasubramanian wrote:நண்பருடன் இது பற்றி பேசினேன்.
இதை நிச்சயமாக தடை செய்யவேண்டும் என்று கூறிய அவர்
ஆங்கிலத்தில் அதன் ஸ்பெல்லிங் என்ன என்று என்னிடம் கேட்டார்.

ரமணியன்
மேற்கோள் செய்த பதிவு: 1290482
சொல்லிட்டிங்களா ஐயா ?
மேற்கோள் செய்த பதிவு: 1290484

அது தெரிஞ்சு இருந்தால் நான் ஏன் அந்த பதிவை ஈகரையில் போடவேண்டும்.
எனக்கு தெரிஞ்சதெல்லாம் TIK 20 ஒன்றுதான். அந்த காலத்தில் மூட்டைப்பூச்சி
தொல்லையில் இருந்து விடுபட கெரசினுடன் இதை கலந்து ஸ்ப்ரே பண்ணுவோம்.
அவன்கிட்ட இதெல்லாம் அவுட் ஆஃப் சிலபஸ் என்று சொல்லிவிட்டேன்.

ரமணியன்

மேற்கோள் செய்த பதிவு: 1290504

என்கிட்டே கேட்டு சொல்லி இருக்கலாமே ஐயா புன்னகை

**ராஜா** · **ராஜா** Thu 3 Jan 2019 - 16:40

சக்தி18 wrote:தடை தீர்வாகாது.தொழில்நுட்பத்தை நல்லதுக்கும் கெட்டதற்கும் பாவிக்கலாம். முகநூல் தனது சரிவை சரிசெய்ய டிக் டொக் (Musical.ly) போல் Lasso என்ற ஆப்பை அறிமுகப்படுத்த உள்ளது.தடை செய்வதானால் FB ஐயும் தடை செய்ய வேண்டுமே!

மருத்துவர் இராமதாசின் அறிக்கையில் கடைசி மூன்று பத்திகளை படிக்கவில்லையா ?! முழுவாதுமாக படித்துவிட்டு உங்களின் கருத்கை பதிவு செய்திருந்தால் நன்றாக இருந்திருக்கும். புன்னகை

இதோ உங்களுக்காக

உலகின் பெரும்பாலான நாடுகளில் டிக்டாக் செயலி
மிகவும் மோசமான தாக்கத்தையே ஏற்படுத்தி உள்ளது.
குழந்தைகளுக்கும், பதின்வயதினருக்கு பாதிப்பை
ஏற்படுத்துவதாகக் கூறி, இந்தோனேஷிய அரசு அதை
தடை செய்தது. பின்னர், ஆபாச உள்ளடக்கங்கள் இடம்
பெறாது என பைட்-டான்ஸ் நிறுவனம் உத்தரவாதம்
அளித்ததைத் தொடர்ந்து தான் தடை நீக்கப்பட்டது.

அமெரிக்காவில் 16 வயதுக்குள்பட்டவர்கள் டிக்டாக்
செயலியை பயன்படுத்த அனுமதிக்கக்கூடாது என்று
அங்குள்ள இணைய பயன்பாடு கண்காணிப்பு அமைப்பு
பரிந்துரை செய்திருக்கிறது.

பிரான்ஸ் உள்ளிட்ட பல்வேறு நாடுகளில் டிக்டாக்கின்
உள்ளடக்கங்கள் கடுமையான கண்காணிப்புக்கு
உள்ளாக்கப்படுகின்றன.

எனவே, சமூக சீரழிவுக்கு உள்ளாக்கும் டிக்டாக் செயலிக்கு
மத்திய அரசு தடை விதிக்க வேண்டும் என்று அவர்
கூறியுள்ளார்.

Sponsored content · Sponsored content

"டிக் டாக்' செயலிக்குத் தடை விதிக்க வேண்டும்

"டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

Re: "டிக் டாக்' செயலிக்குத் தடை விதிக்க வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக