இன்று படேலின் பிரமாண்ட சிலை திறப்பு

First topic message reminder :

ஆமதாபாத் :
குஜராத் மாநிலத்தில் அமைக்கப்பட்டுள்ள
, 'இந்தியாவின் இரும்பு மனிதர்' என அழைக்கப்படும்,
மறைந்த, சர்தார் வல்லபாய் படேலின், 597 அடி உருவ
சிலையை, பிரதமர், நரேந்திர மோடி, இன்று திறந்து
வைக்கிறார்.

உலகின் மிக உயரமான சிலை என்ற பெருமை,
இதற்கு கிடைக்கவுள்ளது.



குஜராத் மாநிலத்தை சேர்ந்த, சர்தார் வல்லபாய் படேல்,
சுதந்திர இந்தியாவின் முதல் துணை பிரதமராகவும்,
உள்துறை அமைச்சராகவும் இருந்தார்.

காங்கிரசின் மூத்த தலைவர்களில் ஒருவராகவும்
விளங்கினார்.பிரிட்டிஷ் ஆதிக்கத்தில் இருந்து, நாடு
சுதந்திரம் பெற்றபின், 500க்கும் மேற்பட்ட
சமஸ்தானங்களை ஒருங்கிணைத்து, இன்றைய
ஒருங்கிணைந்த இந்தியாவை உருவாக்கிய படேல்,
'இந்தியாவின் இரும்பு மனிதர்' என, அழைக்கப்படுகிறார்.

நரேந்திர மோடி குஜராத் முதல்வராக இருந்தபோது,
2013ல், நர்மதை ஆற்றின் நடுவில் உள்ள தீவில்,
சர்தார் சரோவர் அணை அருகில், 597 அடி உயரத்தில்,
சர்தார் வல்லபாய் படேல் சிலை அமைக்க திட்டமிடப்
பட்டது.

சிலை அமைக்கும் பணிகள், 2,300 கோடி ரூபாய் செலவில்
முழுமை பெற்றுள்ளன. இதையடுத்து, வல்லபாய் படேலின்
பிறந்த தினமான இன்று, அவரது சிலையை,
பிரதமர் நரேந்திர மோடி திறந்து வைக்கிறார்;

இது, 'ஒற்றுமை சிலை' என, அழைக்கப்படுகிறது.
சிலை திறப்பு விழாவுக்கான ஏற்பாடுகளை, குஜராத் மாநில
அரசு செய்துள்ளது.

தற்போது, உலகின் மிக உயரமான சிலையாக,
சீனாவில் உள்ள, 420 அடி உயரமுள்ள புத்தர் சிலை உள்ளது.
-
---------------------------------------------
தினமலர்

---------------------------------------------

ராம் அண்ணா  , உங்கள் பதிவில் ஒரு போட்டோவை புகுத்திவிட்டேன்..... இங்கிருந்தால் அது நன்றாக இருக்கும் என்கிற எண்ணத்தில்..... தயை கூர்ந்து கோபிக்கவேண்டாம் .......

Statue of Unity - ஒற்றுமையின் சிலை

சிவா wrote:

Statue of Unity - ஒற்றுமையின் சிலை  

மேற்கோள் செய்த பதிவு: 1283806


வாவ்!... அருமை !

‘ஒற்றுமை சிலை’ என இருக்க வேண்டிய தமிழ் இப்படி கொலை செய்யப்பட்டுள்ளது வன்மையாக கண்டிக்கத்தக்கது.

சிவா wrote:

‘ஒற்றுமை சிலை’  என இருக்க வேண்டிய தமிழ் இப்படி கொலை செய்யப்பட்டுள்ளது வன்மையாக கண்டிக்கத்தக்கது.

மேற்கோள் செய்த பதிவு: 1283809


அடப்பாவிகளா.... அதை சரியாக எழுதித்தர ஒரு தமிழன் கூட இல்லையா அங்கு?????

இந்த மொழிமாற்றக் குளறுபடி குறித்து மத்திய அமைச்சர் நிர்மலா சீத்தாராமனின் கவனத்திற்கு கொண்டு சென்றுள்ளார்களாம் அக்கா, விரைவில் சரியாக திருத்தப்படும்.

சிவா wrote:இந்த மொழிமாற்றக் குளறுபடி குறித்து மத்திய அமைச்சர் நிர்மலா சீத்தாராமனின் கவனத்திற்கு கொண்டு சென்றுள்ளார்களாம் அக்கா, விரைவில் சரியாக திருத்தப்படும்.

மேற்கோள் செய்த பதிவு: 1283818


நல்லது சிவா..... ...என்றாலும் முதலிலேயே சிறிது கவனமாக இருந்திருக்கலாம் அல்லவா.....அல்லது தமிழர்கள் ( சிலை திறப்புவிழாவிற்கு சென்றவர்கள் ) கண்ணில் இது படுகிறதா என்று பாத்தார்களோ.....