ரசித்த ஹைக்கூ கவிதைகள்

balakarthik · balakarthik Tue Sep 11, 2012 1:34 pm

First topic message reminder :

மழைக்கு ஒதுங்கியதில்லை

எங்கள் பள்ளியில்

கூரை இல்லை

மழையில் நிற்கிறாய்

பொறாமை

மழைத்துளி மேல்

முதலீட்டைத் தின்றால்தான்

விற்பனை தொடரும்

இட்லிக் கடை

மெளசுக்கு மவுசு கணிணியில்

மெளசால் ரவுசு

கழனியில்

மின்னல் கண்டதும் இடிப்பது

வானத்தில் மட்டுமா

பஸ்ஸிலும்தான்

வயிறு காயுது

வேலைக்குப் போகக் காயவில்லை

சேலை

வாள்கொம்புடன் குதிக்கிறாள்

காய் பறிக்க ஆசை

அவளுக்கும்

வாளியைக் காலி செய்ததும்

வானத்துக்குப் போனது

நிலவு

ஆளின்றி ஆடும் ஊஞ்சல்

பூந்தொட்டிக்குப் பின்னால்

பூனை

தலைப்பைக் காணோம்

காற்றின் கவர்ச்சிக் கவிதை

சேலையில்

எல்லாருக்கும் தெரிந்த மொழி
எதுவென்று யாரைக் கேட்டாலும்
மெளனம்.

மெளனமாயிருந்தால் முட்டாளென்று சந்தேகித்தார்கள்
பேச ஆரம்பித்தேன் – இப்போது
யாருக்கும் சந்தேகமில்லை

மெளனமும் ஒரு மொழிதானாமே?
அதிலும் உண்டா
இலக்கணப் பிழைகள்?

வருத்தம் தருவது வார்த்தைகள்தான்
வருத்தமே இதுவரை இல்லை – என்
மெளனங்களால்

பேசக் கிடைத்த வாய்ப்புகளை
விட்டதில் – கிடைத்தவை
மெளனத்தின் வெற்றிகள்

பேசினால் திரித்துக் கூறுவார்கள்
மொழிபெயர்ப்பில் தவறே வராதது
மெளனம்

காதலில் மட்டும் சொற்களை விட
தப்பர்த்தம் அதிகமாக வருவது
மெளனங்களில்தான்

பெண்களுக்கு உங்களைப் பிடிக்கும்
நீங்கள் கவனிப்பதாய்க் காட்டும்
மெளனம்

இதயத் துடிப்பென்ற தாளத்தில்
இனிய சங்கீதம்
மெளனம்

வாதங்களை ஜெயித்து விடுகிறார்கள்
எப்போதுமே எனக்குத்தான் வெற்றி
மெளனத்தில்

கடவுளே, எனக்கு நரகமே கொடு
என்னால் தாங்க முடியாதது
தனிமை

என் பின்னால் வரும் சோம்பேறிகள்
என்னைக் கடந்து விட்டால்
அவசரக்காரர்கள்

ஜிப்பைப் போட மறப்பது
மறதி-திறக்கவே மறப்பது
முதுமை

ஒரே சமயம் ஓராயிரம் கழுத்தை
அறுக்க வல்லது
பேனா

மனதைத்தேற்ற மருத்துவர் சொன்னது
நிச்சயம் பரம்பரை நோயல்ல
மலட்டுத்தன்மை

வெற்றி பெற்ற ஆணுக்குப் பின்
ஒரு பெண் – அவளுக்குப் பின்னால்
மனைவி

உயிர் போனாலும் பிரியேன்
மயிர் கலைகிறது
கையை எடு.

ஆயிரம் கை மறைத்தாலும்
ஆதவன் மறையாது
நகர்ந்து கொள் நயன்தாரா தெரியலை

ஆறிலும் சாவு நூறிலும் சாவு
ஆனது ஆகட்டும் அஞ்சாது போ
அரசாங்க ஆஸ்பத்திரிக்கு

மரணம்தான் நம்மைப் பிரிக்கும்
மனைவி பார்த்து விட்டாள்
மறைந்து கொள்

கற்பின் சிறப்பைக் கூற
காண்டம் காண்டமாக எழுதினீர்கள்
காக்க ஒரு காண்டம் போதும்!

இயற்றியவர் :- ஜவஹர்லால்

**கரூர் கவியன்பன்** · 23/09/2012

முடியல.......

Pakee · Pakee Sun Sep 30, 2012 1:54 am

ஹைக்ஹூ அனைத்தும் அருமை balakarthik

**ayyasamy ram** · **ayyasamy ram** Sat Sep 22, 2018 7:37 pm

ரசித்த ஹைக்கூ கவிதைகள் - Page 2 Dkn_Daily_News_June_2018__7368236780167

-
*மரங்களைச் சற்று
நிர்வாணமாக இருக்க விடுங்கள்
மலர்களே.
–
——————————

–
*இறந்துபோன நதி
நினைவுகளைச் சுமக்கும் கூழாங்கற்கள்
தொட்டியில் நீர் நிறைக்கும் சிறுமி
–
——————————

*யாரோ ஒருவருடைய மரணம்
யாரோ ஒருவருக்கு மிக அருகில்
நிலத்தின் மீதுள்ள சருகு.
–
—————————–

*தண்ணீரும் ஒட்டாத தாமரைமலரில்
ஒட்டிக்கொண்டிருக்கும்
புத்தர்.
–
—————————-ச.மணி
நன்றி- குங்குமம்

**ayyasamy ram** · **ayyasamy ram** Sat Sep 22, 2018 7:38 pm

-
*வீரனின் கரங்களில்
இறந்துபோனது
வாள்.
–
———————–

யானை நுழையும் அளவிற்கு
சிதிலமடைந்த கட்டிடம்
இருந்ததென்னவோ கொசுக்கள்தான்.
–
————————-

*மின்மினியின் பிரகாசத்தில்
காணவில்லை
நட்சத்திரங்கள்.
–
————————–

*பசியின் நறுமணத்துடன்
பறக்கும் வண்ணத்துப்பூச்சிக்கு
என்னைத் தெரியும்.
–
————————–
ச.மணி
நன்றி- குங்குமம்

சிவனாசான் · சிவனாசான் Sat Sep 22, 2018 9:26 pm

இவ்வாறு பதிவு செய்வேண்டி குங்குமம் படிக்கின்றீரோ>>>>

**சிவா** · **சிவா** Sat Sep 22, 2018 10:15 pm

பதிவு ஹைக்கூ கவிதைகளுடன் இணைக்கப்பட்டது!

Sponsored content · Sponsored content

ரசித்த ஹைக்கூ கவிதைகள்

ரசித்த ஹைக்கூ கவிதைகள்

Re: ரசித்த ஹைக்கூ கவிதைகள்

www.karurkaviyanban.blogspot.in

Re: ரசித்த ஹைக்கூ கவிதைகள்

நிர்வாணமாக இருக்க விடுங்கள் மலர்களே…

வீரனின் கரங்களில் வாள்.

Re: ரசித்த ஹைக்கூ கவிதைகள்

Re: ரசித்த ஹைக்கூ கவிதைகள்

Re: ரசித்த ஹைக்கூ கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக