வீணா ராவ்: அமெரிக்காவில் பத்திரிகை நடத்தும் முதல் இந்திய பெண்மணி

**ayyasamy ram** · **ayyasamy ram** Sun Sep 09, 2018 8:09 am

-
டிஜிட்டல் பத்திரிகை யுகத்தில், அமெரிக்காவின் ஜார்ஜியா
மாகாணத்தில் "NRI Pulse" என்ற பத்திரிகையை
நடத்தி வரும் முதல் இந்திய பெண் என்று லிம்கா உலக சாதனை
புத்தகத்தில் இடம் பெற்றிருக்கிறார் வீணா ராவ்.

12 ஆண்டுகளுக்கு முன்னதாக வீணா ராவ், 'என்.ஆர்.ஐ பல்ஸ்'
என்ற மாதாந்திர பத்திரிக்கையை தொடங்கினார்.
வெளிநாட்டில் பத்திரிகை நடத்துவது மற்றும் வீணா ராவின்
ஆர்வங்கள் குறித்து பிபிசி செய்தியாளர் சரத் பெஹாரா
அவருடன் பேசினார்.

என்.ஆர்.ஐ பல்ஸ் என்ற பெயரின் பின்னணி என்ன?

அமெரிக்காவின் ஜார்ஜியா மற்றும் தென்கிழக்கு மாகாணங்களில்
வசிக்கும் ஆசிய-அமெரிக்கர்களுக்கு சேவை செய்யும் நோக்கத்தில்
2006ஆம் ஆண்டு, மாதாந்திர பத்திரிகையாக என்.ஆர்.ஐ பல்ஸ்,
தொடங்கப்பட்டது.

"ஒரு சமூகத்தை ஊக்குவிக்கும் 'உந்துவிசை' (Impulse) பத்திரிகை
என்று ஒரு நண்பருடன் பேசிக் கொண்டிருந்தபோது சொன்னார்.
அது என் மனதிலேயே ஆழமாக பதிந்து போய்விட்டது. பலவிதமாக
யோசித்து, பத்திரிகை ஒன்றை தொடங்கிவிடலாம் என்று முடிவு
செய்துவிட்டேன்".

"ஆனால், அதற்கான திட்டமோ, முதலீடோ என்னிடம் இல்லை,
என்னால் முடியும் என்ற நம்பிக்கை மட்டுமே ஆழமாக இருந்தது.
வசதியாக வீட்டில் உட்கார்ந்துக் கொண்டு இப்படி முடிவு எடுப்பது
என்னவோ மிகவும் சுலபமானதாகவே இருந்தது" என்று அந்த
நாட்களை நினைவுபடுத்திச் சொல்கிறார் வீணா ராவ்.

**ayyasamy ram** · **ayyasamy ram** Sun Sep 09, 2018 8:10 am

வீணா ராவ்: அமெரிக்காவில் பத்திரிகை நடத்தும் முதல் இந்திய பெண்மணி _103309605_1af430fc-6a65-49ec-956e-79057c0ec06f

-

அச்சு ஊடகத்தை மக்கள் பயன்படுத்துவது குறைந்துக்
கொண்டிருந்த அந்த காலகட்டத்தில், மிகப்பெரிய பத்திரிகைகள்
கூட மூடப்பட்டுக் கொண்டிருந்தன.

அந்த சூழலில், புதிய பத்திரிகை தொடங்குவது என்பது
சாதாரணமான விஷயம் அல்ல.

ஒரு செய்தித்தாளை நடத்துவதில் வழக்கமாக ஏற்படும் சிரமங்கள்,
நிதி நெருக்கடிகள் என அனைத்தையும் வீணா ராவ் எதிர்கொண்டார்.
ஆனால் பத்திரிகை நடத்த வேண்டும் என்ற தனது முடிவில்
உறுதியாக இருந்ததை வீணா ராவ் நினைவுகூர்கிறார்.

"பத்திரிகை நடத்துவது என்பது சாதாரணமான காரியம் இல்லை
என்ற மிகப்பெரிய உண்மையை இத்தனை ஆண்டுகளில் நான்
நிதர்சனமாக உணர்ந்துவிட்டேன். ஆனால் பிரச்சனைகளை கண்டு
மனம் தளாராமல் நீடித்து நின்றதுதான் எனது பலம்” என்கிறார்
வீணா.
-
-------------------------
நன்றி- பி பி சி -இணையதளம்

வீணா ராவ்: அமெரிக்காவில் பத்திரிகை நடத்தும் முதல் இந்திய பெண்மணி

வீணா ராவ்: அமெரிக்காவில் பத்திரிகை நடத்தும் முதல் இந்திய பெண்மணி

Re: வீணா ராவ்: அமெரிக்காவில் பத்திரிகை நடத்தும் முதல் இந்திய பெண்மணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக