ரதயாத்திரை இன்று தமிழகம் வருகை:நெல்லையில் 23ம் தேதி வரை 144 தடை

**ayyasamy ram** · **ayyasamy ram** Tue Mar 20, 2018 6:28 am

-
திருநெல்வேலி:
ராம ராஜய் ரதயாத்திரை வருகைக்காக நெல்லை மாவட்டத்தில்
நேற்று(மார்ச் 19) மாலை முதல் வரும் 23ம் தேதி வரை 144 போலீஸ்
தடையுத்தரவு பிறப்பிக்கப்பட்டுள்ளது.

விஸ்வ இந்து பரிஷத் சார்பில் ராம ராஜ்ய ரத யாத்திரை
அயோத்தியில் துவங்கி 5 மாநிலங்களை கடந்து இன்று(மார்ச் 20)
காலை தமிழகம் வருகிறது.

நேற்று இரவு கேரள மாநிலம் புனலுாரில் ரத யாத்திரைக்கு
வரவேற்பளிக்கப்பட்டது. தொடர்ந்து இன்று காலை நெல்லை
மாவட்டத்தின் எல்லையான புளியரையில் வரவேற்பளிக்கப்
படுகிறது.

தொடர்ந்து செங்கோட்டை, தென்காசி, கடையநல்லுார்,
வாசுதேவநல்லுார் வழியாக இன்று மதியம் விருதுநகர் மாவட்டம்
ராஜபாளையம் அடைகிறது. தென்காசியில் காசிவிஸ்வநாதர்
கோயில்முன்பாக வரவேற்பளிக்கப்படுகிறது.

இன்று இரவு மதுரையை அடைகிறது. வரும் 25ம் தேதி
ராமேஸ்வரத்தில் ரத யாத்திரை நிறைவுபெறுகிறது.

ரத யாத்திரைக்கு சில அமைப்புகள் எதிர்ப்பு தெரிவித்துள்ளன.
எனவே எதிர்ப்பு தெரிவிப்போரை கைது செய்யும் வகையில்
இரவு முன்னெச்சரிக்கை நடவடிக்கை மேற்கொள்ளப்பட்டது.

நேற்று(மார்ச் 19) மாலை 6 மணியில் இருந்து வரும் 23ம் தேதி காலை
மணிவரையிலும் நெல்லை மாவட்டத்தில் 144 போலீஸ் தடையுத்தரவு
அமல்படுத்தப்படும் என மாவட்ட எஸ்.பி.,அருண்சக்திகுமார்
தெரிவித்தார்.

ரதயாத்திரைக்கு சில அமைப்புகள் எதிர்ப்பு தெரிவிப்பதால்
யாத்திரை செல்லும் வழியெங்கும் போலீஸ் பாதுகாப்பு போடப்
பட்டுள்ளது.
-
--------------------------------
தினமலர்

SK · SK Tue Mar 20, 2018 5:30 pm

அடிமை அரசு ஆதிக்க அரசுக்கு நன்றாக சாமரம் வீசுகிறது

**ரா.ரமேஷ்குமார்** · 23/01/2011

ரதம் வருவதில் என்ன தவறு என தெரியவில்லை...ராம ரதம் தானே அது பாட்டுக்கு வந்துவிட்டு போகிறது, அவர்களது ஆட்சியா வருகிறது இல்லையே(வந்தாலும் மக்களாகிய நாம் தானே தேர்ந்தெடுத்திருப்போம்) ..விருப்பம் உள்ளவர்கள் வரவேற்று விட்டு போகிறார்கள் அவ்வளவு தான்... மற்றவர்களுக்கு இதில் என்ன அவ்வளவு வருத்தம் ... இல்லை தெரியாமல் தான் கேட்கிறேன்.. இதே வேறு மதத்தில் ஏதாவது நடந்தால் தடுக்கவோ எதிர்க்கவோ இல்லை ஒரு வார்த்தை எதிர்த்தாவது சொல்வார்களா ... வேலை இல்லைனா இப்படி தான் சும்மா எல்லாத்துக்கும் போராடிக்கிட்டு இருப்பார்கள்.. மத மாற்றம் எல்லாம் கண்முன்னே தானே நடக்கிறது அப்போ எல்லாம் எங்கே போனார்கள் போராளிகள்...ஒருவேளை அந்த குரூப் தான் போராடுவதோ ???
நான் எந்த மத்திற்கோ,மொழிக்கோ, இனத்திற்கோ, சாதிக்கோ எதிரானவன் எல்லா ஆனால் என் சார்ந்த இவற்றில் ஏதாவது ஒன்றிக்கு தவறான வகையில் களங்கமோ இல்லை கேவலமாக சித்தரிக்க படும்போதோ ஏற்று கொள்ளபவனும் அல்ல...குறைந்த பட்சம் ஒரு கருத்தாவது சொல்லுவேன் ... சிரி

பொழப்பை பார்க்க வேண்டும் அல்லவா.. ரதயாத்திரை இன்று தமிழகம் வருகை:நெல்லையில் 23ம் தேதி வரை 144 தடை 745155

இவர்களை போல் போராடிக் கொண்டா இருக்க முடியும் தேவையற்றவைகளுக்கு... பாடகன்

இருந்தாலும் ... இவர்கள் போராடவில்லை எனில் இப்படி ஒரு ரதம் வருவதே தெரிந்திருக்காது என்னை போல பல பேர்களுக்கு... ரதயாத்திரையை பிரபலாமாக்கிய அரசியல்வாதிகளுக்கும் துணை போன அனைவருக்கும் நன்றி ... ரிலாக்ஸ்