ஒரு பக்கக் கதைகள்

**ayyasamy ram** · **ayyasamy ram** Thu Nov 24, 2016 7:10 am

உதவி - ஒரு பக்க கதை

ஒரு பக்கக் கதைகள் W5W5yJLfS6CtPTpMqpvA+8

-
‘டமால்..!’ என்று சத்தம் கேட்டது.
பஸ் ஸ்டாப்பில் தனியே ஓரமாக நின்று கொண்டிருந்த
திருஞானம் திரும்பிப் பார்த்தான். ஸ்கூட்டியில் வந்த
ஒரு இளம் பெண், மணலில் சறுக்கி கீழே விழுந்து
கிடந்தாள்.

கூடியிருந்த எல்லோரும் வேடிக்கை பார்த்துக் கொண்டிருந்தனர்.
உதவலாமா? வேண்டாமா? என்று இருமனதுடன் தவித்துக்
கொண்டிருந்தான் திருஞானம்.

உதவி எதிர்பார்த்து, கிடைக்காத அவள் தானாகவே எழுந்து
ஸ்கூட்டியை எடுத்தாள். நல்ல சிராய்ப்பு. வண்டியைத் தள்ளிக்
கொண்டு, பஸ் ஸ்டாப்பில் நிற்கும் இவனிடம் நேராக வந்தாள்.

‘‘அதான் விழுந்ததை பார்த்தீங்கல்ல! ஹெல்ப் பண்ணலாம்ல!
அதுக்கு கூடவா மனசில்லாம போயிருச்சு!’’ சற்று கோபத்தோடு
கேட்டாள்.

‘‘ஸாரிங்க! இதே போலத்தான், போன மாசம் ஒரு பொண்ணு
சைக்கிள்ல இருந்து விழுந்தா!

எல்லாரும் சும்மா இருக்க, நான் மட்டும் ஓடிப் போய் தூக்கினேன்!
ஆனா அந்தப் பெண்ணோ, ‘நோ! தேங்க்ஸ்! நானே
பார்த்துக்கிறேன்’னு சொல்லிட்டா! எல்லாரும் சிரிச்சுட்டாங்க!
எனக்கு அசிங்கமா போச்சு! அதுனால யாரும் கேக்காம
ஹெல்ப்புக்கு போறதில்லைன்னு முடிவு பண்ணிட்டேன்!’’
என்றான்.

‘‘ரொம்ப ஸாரி சார்!’’ என்றாள் அந்தப் பெண்.
‘‘நீங்க எதுக்குங்க ஸாரி சொல்றீங்க!’’

‘‘அன்னைக்கு ‘வேண்டாம்’னு சொன்னது, நான்தான்!’’
–
—————————————————

-ரவிக்குமார்
குங்குமம்

**ஜாஹீதாபானு** · **ஜாஹீதாபானு** Thu Nov 24, 2016 3:02 pm

நல்ல கதை

**ayyasamy ram** · **ayyasamy ram** Thu Mar 15, 2018 6:43 pm

தலைவரே... அந்த ஏகாம்பரம் எதிர்கட்சிக்காரன்கிட்ட
பணத்தை வாங்கிட்டு நமக்கு எதிரா உள்குத்து வேலை
பார்த்திட்டிருக்கான் தலைவரே..

அவன கூப்பிட்டு மிரட்டி வச்சாதான் அடங்குவான்.. பக்குவமாய் எ
டுத்துச் சொன்னார் வட்டச் செயலாளர்.

தலைவர் யோசித்தார். “அவன வந்து என்னைய பார்க்கச் சொல்லு’
என்றார்.

ஏகாம்பரம் தலைவர் முன் பவ்யமாக நின்றான்..

“என்னடா.. ஏகாம்பரம் நான் கூப்பிட்டதுக்கே இவ்வளவு லேட்டா
வர்றே.. என்ன விஷயம்..’

“தலைவரே காலங்காத்தால மினி பஸ்ல வர்றதுக்கு கொஞ்சம்
லேட்டாயிடுச்சு..’

“ஏண்டா இத்தனை காலம் எங்கூட இருந்துட்டு.. இன்னும் பஸ்லயா
போற வர்றே... என்ன ஆளுடா நீ... இந்தா.. இந்த வண்டிச் சாவியை
நீயே வச்சுக்கோ.. எலெக்ஷன் வேலையைப் பார்த்ததுக்கு என் பரிசு.’
புது இரு சக்கர வாகனத்தை ஏகாம்பரத்திடம் கொடுத்தனுப்பினார்
தலைவர்...

மகிழ்ச்சிப் பெருக்கில் கையெடுத்துக் கும்பிட்டான்.. வண்டியை
பார்த்து பதமாக ஓட்டிச் சென்றான்..
வழியில் காவல் துறையினர் சோதனை...
-
ஐயா வீட்டு வண்டியை திருடிட்டுப் போனா சும்மாவா விடுவாங்க...
கொத்தாகப் பிடித்து ஜீப்பில் ஏற்றினர்.
“பின்னிட்டீங்க... தலைவரே..’ சியர்ஸ் சொல்லியபடியே சரக்கை
உள்ளே தள்ளிக் கொண்டிருந்தனர் வட்டமும் தலைவரும்.
-
---------------------------------------

- கே. தியாகராஜன்

நன்றி- குமுதம் 2-5-11

**ayyasamy ram** · **ayyasamy ram** Thu Mar 15, 2018 6:53 pm

ஒரு வாரமாக எதற்கெடுத்தாலும் முரண்டு பிடிக்கிறாள் சுகன்யா.
செல்போனை எடுத்து வைத்துக் கொண்டு டெக்ஸ்டிங் என்று
மணிக்கணக்காக யார் யாருக்கோ மெசேஜ் அனுப்பிக்
கொண்டிருக்கிறாள்.

தன் மனைவிதானா இவள்.சந்தேகமாக இருந்தது ராஜனுக்கு.

கலயாணமாகி வரும்போது எதுவும் தெரியாது அவளுக்கு.
தன் ஆபீஸ் நண்பர்களின் மனைவிகள் போல அவளையும்
மாடர்னாக மாற்றலாம் என்று பியூட்டி பார்லர். ஃபிட்னஸ்
சென்டர் என்று அழைத்துப் போனதெல்லாம் கூட சிக்கல்
தரவில்லை.

செல் வாங்கிக் கொடுத்ததுதான் படுத்துகிறது.
யாருக்கு அனுப்புகிறாள். புரியாமல் செல்லைப் பிடுங்கினான்.
அவள் சொன்னது அதிர்ச்சியாக இருந்தது.

“எனக்கு நானே எஸ்.எம்.எஸ் அனுப்பிக்கறேங்க. அதான்
டூயல்சிம் இருக்கில்ல. எனக்கு நானேதான் அனுப்பறேன்.’
“என்னடி சொல்ற?’
“பின்ன என்னங்க. எப்பவும் நீங்க ஆபீஸ் வேலை அது இதுன்னு
பிஸி. என்னை மார்டனா மாத்தினா போதுமா. கல்யாணமானப்ப
அன்பா, பரிவா பேசின மாதிரி இப்பவும் பேச உங்களுக்கு
நேரமில்லை. நான் யார்கிட்ட போய் பேசுவேன்?’

“ஸாரிடா கன்னுக்குட்டி. நான்தான் மடையன்’ என்று
மனைவியை இறுக்கமாக அணைத்துக் கொண்டான்.
-
-----------------------------------------

சூர்யகுமாரன்
நன்றி- குமுதம் 2-5-11

SK · SK Fri Mar 16, 2018 12:44 pm

நல்ல கதை

SK · SK Fri Mar 16, 2018 12:48 pm

உண்மையான அரசியல்

**krishnaamma** · **krishnaamma** Fri Mar 16, 2018 1:56 pm

இப்படியெல்லாமா செய்வார்கள்???? ஒன்னும் புரியல

**krishnaamma** · **krishnaamma** Fri Mar 16, 2018 2:14 pm

.......சாரி அண்ணா ! புன்னகை

**பழ.முத்துராமலிங்கம்** · 27/09/2015

ayyasamy ram wrote:
“ஸாரிடா கன்னுக்குட்டி. நான்தான் மடையன்’ என்று
மனைவியை இறுக்கமாக அணைத்துக் கொண்டான்.
-
-----------------------------------------

சூர்யகுமாரன்
நன்றி- குமுதம் 2-5-11

மேற்கோள் செய்த பதிவு: 1262446
அருமை அருமை
நல்ல புத்தி புகட்டி விட்டீர்கள்
நன்றி ஐயா

**ஜாஹீதாபானு** · **ஜாஹீதாபானு** Sat Mar 17, 2018 4:09 pm

கதை அருமை

Sponsored content · Sponsored content

ஒரு பக்கக் கதைகள்

ஒரு பக்கக் கதைகள்

Re: ஒரு பக்கக் கதைகள்

ஒரு பக்கக் கதை - தலைவர்

ஒரு பக்கக் கதை - மெசேஜ்

Re: ஒரு பக்கக் கதைகள்

Re: ஒரு பக்கக் கதைகள்

Re: ஒரு பக்கக் கதைகள்

Re: ஒரு பக்கக் கதைகள்

Re: ஒரு பக்கக் கதைகள்

Re: ஒரு பக்கக் கதைகள்

Re: ஒரு பக்கக் கதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக