குறட்பாவில் நாட்டு நடப்பு "

**M.Jagadeesan** · **M.Jagadeesan** Sat Mar 10, 2018 9:51 pm

First topic message reminder :

ரமணியன் ஐயா கேட்டுக்கொண்டதற்கிணங்க , " குறட்பாவில் நாட்டு நடப்பு " என்ற இந்தத் திரியைத் தொடங்குகிறேன் . நாட்டிலே அன்றாடம் நடக்கும் நிகழ்வுகளைக் குறட்பாவில் வடிப்பதே இந்தத் திரியின் நோக்கமாகும் . அதே சமயத்தில் குறட்பாவை எவ்வாறு எழுதுவது என்றும் தெரிந்து கொள்ளலாம் .

குறட்பா , வெண்பாவின் இலக்கணத்தின் அடிப்படையில் அமைந்த ஈரடிச் செய்யுளாகும் . இதைக் கற்றுக்கொண்டால் வெண்பா எழுதுவது மிகவும் எளிது . அனைவரும் இதில் பங்கு கொள்ளவேண்டும் என்பதே என் அவா ! தவறுகள் இருப்பின் திருத்திக் கொள்ளலாம் !

தற்காலத்தில் , கவிதைகள் என்ற பெயரில் ,வருவன எல்லாம் கவிதைகள் அல்ல ! அவையெல்லாம் வார்த்தை ஜாலங்களே தவிர வேறல்ல ! சினிமாக் கவிதைகள் போன்று அவையெல்லாம் , காலப்போக்கில் மறைந்துவிடும் .மரபுக் கவிதைகள் மட்டுமே நிலைத்து நிற்கும் ; நிலையான இன்பத்தைத் தரும் .

சரி , இப்போது ஒரு குறட்பாவைப் பார்ப்போமா !

நாட்டிலுள்ள வெற்றிடத்தை நானே நிரப்பிடவே
ஓட்டளிப்பீர் என்றும் எனக்கு .

**M.Jagadeesan** · **M.Jagadeesan** Tue Mar 13, 2018 8:38 pm

குரங்கணி தீயில் கொழுந்துகள் மாய்ந்தார்
இரக்கம் மறந்தான் இறை .

பொருள் : குரங்கணிக் காட்டுத் தீயில் , வாழவேண்டிய இளம் கொழுந்துகள் , வெந்து மாய்ந்தனர் . உயிர்களிடத்தில் காட்டவேண்டிய இரக்கத்தை இறைவன் மறந்தானோ ?

**M.Jagadeesan** · **M.Jagadeesan** Tue Mar 13, 2018 8:49 pm

காவிரி நீர்நமக்கு கானல்நீ ரானதே
காவியால் வந்த வினை .

பொருள் : காவிரி நீரில் தமிழ்நாட்டுக்கு உரிய பங்கீடு கிடைக்காது என்று நினைக்கத்தக்க வகையில் , அரசியல் நிகழ்வுகள் நடந்து கொண்டிருக்கின்றன . எல்லாவற்றிற்கும் BJP அரசே காரணம் என்று சொன்னால் அது மிகையல்ல !

krishnanramadurai · krishnanramadurai Tue Mar 13, 2018 10:32 pm

M.Jagadeesan wrote:காவிரி நீர்நமக்கு கானல்நீ ரானதே
காவியால் வந்த வினை .

பொருள் : காவிரி நீரில் தமிழ்நாட்டுக்கு உரிய பங்கீடு கிடைக்காது என்று நினைக்கத்தக்க வகையில் , அரசியல் நிகழ்வுகள் நடந்து கொண்டிருக்கின்றன . எல்லாவற்றிற்கும் BJP அரசே காரணம் என்று சொன்னால் அது மிகையல்ல !

மேற்கோள் செய்த பதிவு: 1262225
இந்த பிரச்சனை தொடங்கி குறைய குறைய 40 ஆண்டுகள்.
இந்த 4 ஆண்டுகளே அது கை நழுவ காரணம் என்று நாம் நினைக்கும் போது எனக்கு நினைவுக்கு வரும் பழைய சொல் தொடர்
" தினம் போடாத சீதேவி போடல நல்லது,
தினம் போடற மூதேவி நீ ஏண்டி போடல "
- நமது மனது என்ற பிச்சைகாரி

krishnanramadurai · krishnanramadurai Tue Mar 13, 2018 11:17 pm

M.Jagadeesan wrote:" இட்டார் பெரியோர் : இடாதோர் இழிகுலத்தோர் " என்று சொன்னது ஒளவைப் பாட்டி ; வள்ளுவர் அல்ல !

நான்கு வருணங்களை வள்ளுவர் ஏற்றாரா ? ஆதாரம் காட்டுங்கள் !

மேற்கோள் செய்த பதிவு: 1262197
மன்னிக்கவும், நான் ஒளவையை மறந்த பாவத்திற்கு. (என் பாட்டியும் மன்னிப்பாள் என நம்புகிறேன்.)
குறள் 30 , 543 , 120 , 1033 பரிமேல் அழகர் எனக்கு புரிந்தவரையில்.
இவை கொஞ்சம் சான்றுகள் நான் நம்புவதற்கு. அதில் அவன் அந்தணரை நான்காம் இடத்தில் வைத்தான் என்பதை ஜெயகாந்தன் மூலமாக நானும் நம்புகிறேன்.
இந்த youtube ஒலிப்பேழையை கேட்கவும்.
https://www.youtube.com/watch?v=-RrScrM6coo

**M.Jagadeesan** · **M.Jagadeesan** Wed Mar 14, 2018 11:50 am

அந்தணர் , பார்ப்பான் ஆகிய சொற்கள் வெவ்வேறு பொருளைக் கொண்டவை .

அந்தணன் என்னும் சொல் திருக்குறளில் மூன்று இடங்களில் வருகிறது . எல்லா உயிர்களையும் நேசித்து அறவழி நிற்போர் எல்லாம் அந்தணர்களே !

" அந்தணர் என்போர் அறவோர் "

என்பார் ஐயன் வள்ளுவர். அவர் கூற்றுப்படி புத்தர் , இயேசு , காந்தி , இராமலிங்க அடிகளார் எல்லாம் அந்தணர்களே !

" மறப்பினும் ஓத்துக் கொளலாகும் பார்ப்பான் " என்பார் வள்ளுவர் . அதாவது வேதம் ஓதுபவர்களை பார்ப்பான் என்று அழைத்தனர் .

" தீயினைக் கும்பிடும் பார்ப்பார் " என்பார் பாரதியார் .

" மாமுது பார்ப்பான் மறைவழி காட்டிட " கோவலன் கண்ணகி திருமணம் நடந்ததாக இளங்கோவடிகள் குறிப்பிடுகிறார் .

அந்தணன் = அம் + தண் + அர்

என்று பிரிக்கலாம் . அதாவது தூய , தண்மையான குணம் கொண்டவர் அந்தணர் ஆகும் .

krishnanramadurai · krishnanramadurai Wed Mar 14, 2018 6:06 pm

வர்ணங்கள் தொழில், மன அடிப்படையிலான பிரிவு என்று நான் நம்புவதால் தங்கள் கூற்று எனக்கும் ஏற்புடையதே.
பார்ப்பானும் அந்தணரும் வேறு என்று தாங்கள் பிரித்து காட்டுவதும் எனக்கு ஏற்புடையதே.
அறவழி நிற்போர் எல்லாம் அந்தணர்களே. இதை தாங்கள் கூறும் பொது பார்ப்பானும் அந்தணன் ஆகவேண்டும், சிலராவது இருந்திருப்பார்கள் என்பது என் எண்ணம்.
நான்கு வர்ணத்தை வள்ளுவர் குறிப்பிட்டிருக்கிறார் என்ற என் எண்ணம் இன்னும் மாறவில்லை.

**M.Jagadeesan** · **M.Jagadeesan** Thu Mar 15, 2018 9:44 am

நாட்டு நடப்பு குறட்பா :
*************************************

மோடியலை ஓய்ந்ததடா மூன்றுமே போனதடா
ஆடி அடங்கினார் இன்று .

சமீபத்தில் நடந்த MP இடைத்தேர்தலில் , மூன்றிலும் BJP படுதோல்வி அடைந்தது .

**T.N.Balasubramanian** · **T.N.Balasubramanian** Thu Mar 15, 2018 11:17 am

M.Jagadeesan wrote:நாட்டு நடப்பு குறட்பா :
*************************************

மோடியலை ஓய்ந்ததடா மூன்றுமே போனதடா
ஆடி அடங்கினார் இன்று .

சமீபத்தில் நடந்த MP இடைத்தேர்தலில் , மூன்றிலும் BJP படுதோல்வி அடைந்தது .

மேற்கோள் செய்த பதிவு: 1262368

மோடியலை ஓய்ந்ததடா மூன்றுமே போனதடா
தேடியலை தவறு யாதென்று ?

இப்பிடி இருந்தால் எப்பிடி இருக்கும் அய்யா?

ரமணியன்

**M.Jagadeesan** · **M.Jagadeesan** Thu Mar 15, 2018 11:56 am

மோடியலை ஓய்ந்ததடா மூன்றுமே போனதடா
தேடியலை யார்தவ ரென்று .

என்றிருக்கவேண்டும் ஐயா !

கொஞ்சம் சிரமப்பட்டால் , தாங்களும் குறட்பா எழுதமுடியும் ஐயா ! என்னுடைய " புள்ளி இல்லாத வெண்பா " மற்றும் பழமுரா அவர்களின் " திருக்குறளின் இலக்கணம் அறிவோம் " ஆகிய திரிகளைப் பார்த்தாலே போதும் .

**M.Jagadeesan** · **M.Jagadeesan** Thu Mar 15, 2018 12:02 pm

மாறன் சகோதரர்கள் BSNL முறைகேடு வழக்கிலிருந்து விடுதலை ;
******************************************************************************************************
நாட்டு நடப்பு குறட்பா :
+++++++++++++++++++++++

மாறன் சகோதரர்கள் மாசில்லா தங்கமென
கூறியதே நீதிதரும் மன்று .

Sponsored content · Sponsored content

குறட்பாவில் நாட்டு நடப்பு "

குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

Re: குறட்பாவில் நாட்டு நடப்பு "

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக