திரவ உணவுகளின் மூலம் எடை கூடுமா?

**பழ.முத்துராமலிங்கம்** · 27/09/2015

உடலின் திரவப்பகுதி மட்டும் சுமார் 60 சதவீதம் ஆகும். பழம் மற்றும் காய்களில் 85 சதவீதம் வரை திரவப்பொருட்கள் உள்ளன. அதிக திரவங்களை சாப்பிட்டால் எடை கூடும் என்று தவறான எண்ணம் பலரிடையே உண்டு. எவ்வளவு பானங்களை உட்கொள்கிறோமோ அந்தளவிற்கு நீர் வெளியேறும். இது சதை வளர்ச்சிக்கு துணைபுரியாது. எனவே உடல் போதுமான அளவு சதைப்பிடிப்புடன் விளங்க வேண்டும் என்று நினைப்பவர்கள் திரவப்பொருட்களை விட திடப்பொருட்களையே அதிகளவில் பயன்படுத்த வேண்டும்.

வியர்வை, சிறுநீர் ஆகியவற்றின் மூலம் நம் உடலிலுள்ள நீர்ச்சத்து விரயமாகி கொண்டே போகிறது. சுவாசித்த மூச்சை வெளியே விடும் போது ஓரளவு திரவச்சத்து ஆவியாக வெளியேறும். இப்படி உடலில் இருந்து விரயமாகும் நீருக்கு ஏற்ற அளவே நாம் திரவங்களை சேர்த்து கொண்டால் சதை வளர்ச்சிக்கு வேண்டிய உணவுப்பொருட்களுக்கு பதிலாக இந்தத்திரவம் வயிற்றை ஆக்கிரமித்து கொள்ளும். பிறகு கழிவுஉறுப்புகளின் வழியாக வெளியேறிவிடும். சதை வளர்ச்சி பாதிக்கப்படும். எனவே மெலிவாக இருப்பவர்களின் உடலில் மெட்டோபோலிச நிகழ்ச்சி மிக அதிகளவில் நடைபெறுவதால் தாகம் எடுக்கும் சமயங்களை தவிர மற்ற சமயங்களில் திரவப்பொருட்களை உட்கொள்ள கூடாது.
நன்றி
தினகரன்