ஆட்டையாம்பட்டியில் கேட்பாரற்று கிடக்கும் 90 ஆண்டுக்கு முந்தைய கல்வெட்டு

**பழ.முத்துராமலிங்கம்** · 27/09/2015

ஆட்டையாம்பட்டி : ஆட்டையாம்பட்டியில் 90 ஆண்டுக்கு முந்தைய கல்வெட்டு சாலையோரத்தில் கேட்பாரற்று கிடக்கிறது. சேலம் மாவட்டம் ஆட்டையாம்பட்டியில் கடந்த சில நாட்களுக்கு முன், ேகாயில் கட்ட பொதுமக்கள் முடிவு செய்தனர். இதற்காக கோயில் கட்ட கடக்கால் எடுத்தனர். அப்போது மண்ணில் கல்வெட்டு புதைந்திருந்தது தெரிய வந்தது. இக்கல்வெட்டு 1925ம் ஆண்டிற்குடையது. அதில் தண்ணீர் பந்தல் அமைக்க வேண்டிய முறைகள், தண்ணீர் கிடைக்கும் இடங்கள் பற்றி குறிப்பு எழுதப்பட்டிருந்தது.
தற்போது இந்த கல்வெட்டு ஆட்டையாம்பட்டி-சேலம் சாலையோரத்தில் கேட்பாரற்று கிடக்கிறது. இதன் முக்கியத்தும் அறியாத நிலையில் சாலையில் கேட்பாரற்று கிடக்கும் இந்த கல்வெட்டை மீட்டு அரசு அருங்காட்சியகத்தில் வைக்க மாவட்ட நிர்வாகம் நடவடிக்கை எடுக்கவேண்டும். அதே போல் வெண்ணந்தூரில் இருந்து மின்னக்கல் வழியாக அக்கரபாளையம் செல்லும் சாலையில், மன்னர்கள் வேட்டைக்கு செல்லும் போது குடில் கட்டி தங்கிய இடங்கள் இன்னும் காணப்படுகிறது.
இதனை பாண்டியன் பாறை என அழைக்கப்படுகிறது. மேலும் பெரிய பாறைகளை கொண்டு அடுப்பு மூட்டுவது போல் குடில் மற்றும் பாறைகளில் மூலிகை ஓவியங்கள் தென்படுகின்றன. இது குறித்து வரலாற்று ஆய்வாளர்கள் கூறுகையில், கற்கால கல்வெட்டு இருப்பதை பொதுமக்கள் கண்டால், அரசு அருங்காட்சியத்திற்கு தகவல் தெரிவிக்க வேண்டும். இதனால் இளைய தலைமுறையினர் அக்கால வாழ்க்கை முறையை அறிந்து கொள்வார்கள். மேலும் கல்வெட்டுகளை நாம் அனைவரும் பாதுக்காக்க முன்வரவேண்டும் என்றார்.
நன்றி
தினகரன்

ஆட்டையாம்பட்டியில் கேட்பாரற்று கிடக்கும் 90 ஆண்டுக்கு முந்தைய கல்வெட்டு

ஆட்டையாம்பட்டியில் கேட்பாரற்று கிடக்கும் 90 ஆண்டுக்கு முந்தைய கல்வெட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக