தெரிஞ்சதும் தெரியாததும்

**heezulia** · **heezulia** Sat Dec 16, 2017 6:47 pm

First topic message reminder :

16.12.2017

'தெரிஞ்சதும் தெரியாததும்' - ஏன் இந்த தலைப்புன்னு நெனச்சாலும் நெனப்பீங்க. நான் சொல்ற விஷயங்கள் எதுவும் எனக்கு தெரியாதது போல ஒரு சிலருக்கு தெரியாம இருக்கலாம். மத்தவங்களுக்கு தெரிஞ்சிருக்கலாம். அதுதான் 'உங்களுக்கு தெரிந்ததும் எனக்கு தெரியாததும்'.

சந்திரபாபு பாட்டுக்களை நாம் எல்லாரும் கேட்டிருக்கோம்ல ? நல்லாவே பாடியிருப்பார். சரி, ஜேசுதாஸ் எப்படி? அவரும் நல்ல ஒரு பாடகர்தான். ஆனா ............. பறக்கும் பாவை படத்துல சந்திரபாபுக்காக ஜேசுதாஸ் ஒரு பாட்டு பாடியிருக்கார். அது என்ன பாட்டுன்னு சொல்லுங்க பார்ப்போம். சரி................, ஜேசுதாசுக்கு சந்திரபாபு பாடியிருக்காரா?

எம்.ஜி.ஆருக்கு கலங்கரை விளக்கத்தில பஞ்சு அருணாச்சலம் ஒரு பாட்டு எழுதியிருக்காராம். அது என்ன பா.........................ட்டு?

உரிமைக் குரல் [1974] அப்டீன்னு ஒரு படம் இருக்குல்ல. அதுல "விழியே கதை எழுது" ன்னு ஒரு பாட்டு இருக்குல்ல. இந்த பாட்ட எழுதியது யாருன்னு தெரியும்னு நெனக்கிறேன். கண்ணதாசன்தானாங்க. ஆனா, பாட்டு புத்தகத்துல, ஆடியோ கேசட்டுல, அதுமட்டுமில்லீங்க, படத்தோட டைட்டில்ல கூட வாலின்னு போட்டிருந்ததாமே. அந்த சமயத்தில எம்.ஜி.ஆருக்கும், கண்ணதாசனுக்கும் என்னவோ லடாயாம். அதனால ஸ்ரீதர் [உரிமைக்குரல் எம்.ஜி.ஆர வச்சு எடுத்த முதல் படமாம்] எம்.ஜி.ஆருக்கு தெரியாம கண்ணதாசன்கிட்டே பாட்டை எழுதி வாங்கிட்டு, வாலி பேர போட்டுட்டாராம். இந்த சமாச்சாரம் எப்படியோ எம்.ஜி.ஆருக்கு தெரிய வந்துச்சாம். வருத்தப்பட்டாராம் எம்.ஜி.ஆர்.

Baby Heerajan

**heezulia** · **heezulia** Sat Jan 06, 2018 3:38 am

06.01.2018

கல்யாண பரிசு 1959

ஸ்ரீதர் ஒரு நல்.............ல கதைய எழுதினார். அதுவும் காதல் கதை. அந்தக் கதைய அவரே இயக்க போறதா சொன்னார். யார்கிட்டே சொன்னார் ? கிருஷ்ணமூர்த்தி & கோவிந்தராஜன். இவங்க யார் தெரியுமோ ? அவரோட பார்ட்னர்கள். அவங்க ரெண்டு பேரும் பயந்தாங்களாம். எதுக்காம் ? அவரால இப்படிப்பட்ட ஒரு நல்ல கதை பாழாயிறக்கூடாதேன்னு தான். வேறே யார்கிட்டேயாவது குடுக்கலாம்னு சொன்னாங்க.

அப்புறமா அப்டி இப்டீன்னு ஸ்ரீதரே அந்தப் படத்த இயக்க சம்மதிச்சாருங்க. பின்னே என்ன ! அவரோட முதல் படமே தடாலடியா, கன்னா பின்னான்னு ஓடுச்சு. சும்மாவா, தேசிய விருதுல்ல கெடச்சுது. இவ்வளத்துக்கும், ஸ்ரீதர் யார்கிட்டேயும் உதவியராக இருக்கல. எல்லாம் அவர் சினிமா அனுபவம் தான்.

இந்தப் படம் தெலுங்கிலே 'பெல்லி கானுகா' என்கிற பேர்ல ரீமேக் ஆச்சு. இதுல நாகேஸ்வரராவும் சரோஜாதேவியும் நடிச்சாங்க. இந்தியிலே 'நஜ்ரானா' பேர்ல உருவாச்சு. இந்தியில வையந்திமாலாவும் ராஜேந்திரகுமாரும் நடிச்சாங்க.

இந்த இந்திப்படத்த பத்தி ஒண்ணு சொல்லணும். இந்தப் படம் தயாரிக்கும்போதுல்ல, சரோஜாதேவி தான் இந்தியிலும் நடிப்பார்னு சொன்னாங்க. சரோஜாதேவியும் ஆசையா காத்துக்கிட்டு இருந்தார். ஆனா அவர் ஆசை வீணா போச்சு. அவரோட கோபத்த ஏதோ ஒரு பேட்டியில கூட சொல்லியிருந்தாராம்.

அந்த சமயத்தில 'சசுரால்' என்கிற வேற இந்தி படத்துக்கு இயக்குனர் எல்.வி. பிரசாத் சரோஜாதேவிய புக் செஞ்சார். இதுல அவரோடு ராஜேந்திரகுமார் நடிச்சிருந்தார். ஒரே நேரத்துல அந்த நzரானாவும், இந்த சசுராலும் ரிலீஸ் ஆச்சு. அந்த நzரானா படுத்துருச்சு. இந்த சசுரால் சக்க போடு போட்டுச்சு. நம்ம சரோஜாதேவிக்கு சந்தோஷம் தாங்கல. கேக்கவா வேணும்.

தமிழ்ல எத்தனையோ காதல் படங்க வந்திருந்தாலும் இந்த கல்யாண பரிசு படமும் சிறந்த காதல் பட வரிசையில் நிக்குதுல்ல. அதுவும் முக்கோண காதல் கதை.

**heezulia** · **heezulia** Sat Jan 06, 2018 4:02 am

06.01.2018

களத்தூர் கண்ணம்மா 1960

அட்வோகேட் சீனிவாசன். இவர் யார்னு தெரியுமா, நம்ம
கமலோட அப்பாவாம். இவர் பிரபலமானசினிமா
தயாரிப்பாளரின் நண்பராம். அந்த நண்பர்................. அவர்தாங்கமெய்யப்பசெட்டியார். சீனிவாசன் ஒருநாள் கமலை
செட்டியாரோட வீட்டுக்கு கூட்டிக்கிட்டு போய்,

"என் பையன சினிமாவில சேர்க்கலாம்னு நெனச்சிருக்கேன்.
நல்லா துருதுருன்னு இருக்கான். ஏதாவது சான்ஸ் இருந்தா
சொல்லுங்களேன்" னு சொல்லிட்டு வந்திருக்கார்.

செட்டியாரும் "சரி" ன்னு சொன்னதோட சும்மா இருக்கலீங்க. ஜாவர் சீதாராமன கூப்ட்டாராம்.

"ஒரு சின்ன பையன வச்சு ஒரு கத எழுதுங்களேன்" ன்னு
சொன்னாராம்.அந்தக் கதைதான் இந்தப் படமாம். இதிலேதான் கமல்ஹாசன் குழந்தை நட்சத்திரமாக
அறிமுகமானார்.

இதிலே ஒரு விஷயத்த கவனிச்சீங்களா? ஒரு குழந்தைக்காகவே ஒரு கதைய எழுத வச்ச குழந்தை
நட்சத்திரம் இவர் ஒருவராகத்தான் இருக்க முடியும்னு
தெரியுதுல்ல.

தமிழ்ல இந்தப்படம் ஓஹோன்னு ஓடியது போல, தெலுங்கிலே
டப் செஞ்சு அங்கேயும் நல்லா ஓடுச்சாம். அது மட்டும் இல்ல, இதே படம் 'மாவுரி அம்மாயி' என்கிற பேர்ல
தெலுங்கிலே ரீமேக் ஆச்சாம். இந்த ரீமேக் படத்துல கமல்
நடிக்கலியாம்.

தமிழ்,தெலுங்குலே மட்டுமாங்க, இந்தியிலும் ரீமேக் ஆச்சாம்.
இதிலே டெய்சி ராணி என்கிற சிறுமி தான் கமல் ரோல்ல
சிறுவனா நடிச்சிருந்தாராம். சிங்களத்திலேயும் ரீமேக் ஆகி,
ஒரே நாளில் ரிலீஸ் ஆச்சாம். இன்ட்ரஸ்ட்டிங்ல?

"அம்மாவும் நீயே அப்பாவும் நீயே ................." என்னாமாதிரி
பாட்டுல்ல? கொத்தமங்கலம் சுப்பு எழுதியது. கன்னா பின்னான்னு பேசப்பட்ட பாட்டு. படம்? நூறு நாள் ஓடோ ஓடுன்னுஓடுச்சுல்ல.

**heezulia** · **heezulia** Sat Jan 06, 2018 4:57 am

06.01.2018

ராஜ பக்தி 1960

சரித்திர படம். நாடக நடிகர் வி.சி.கோபாலரத்தினம் 'ராஜபக்தி' ன்னு ஒரு நாடகம் எழுதினாராம். இதே பேர்ல படம் உருவாயிருக்கு. இதிலே நடிச்சவங்க எல்லாருமே பெரிய நட்சத்திரங்கள். அதனால எல்லாரையும் ஒரே நேரத்தில நடிக்க வைக்க முடியாம போச்சாம். ஏன்னா ஒரே சமயத்தில எல்லோருக்கும் கால்ஷீட் கிடைக்க கஷ்டமா போச்சாம். அதனால ஒவ்வொருத்தரையும் தனித்தனியே நடிக்க வைக்க வேண்டியிருந்ததாம். அத்தனை பேரும் அப்போ ரொம்ப பிசியாச்சே. அதனாலே படக்கதை ஒரு கோர்வையா வராம இருந்ததாம். பலமான நடிகர்களே படத்துக்கு பலவீனமாயிட்டாங்களாம். படம் புஸ் ...........................

1937 ல இதே பேர்ல ஒரு படம் வந்திருக்கு போலயே. அதிலே ப்பி.எஸ்.ரத்னாபாய் ஹீரோயினாம், ட்டி.என்.பட்டாபிராமன் ஹீரோவாம். இந்த படத்திலே ஒரு அதிசயம் என்ன தெரியுமா? ஒரு பிரபலமான டைரக்டர் நடிச்சிருக்காராம். நம்ம ஜாம்பவான்களுக்கு தெரியும். என்ன மாதிரி கத்துகுட்டீங்களுக்காக சொல்றேன். பி.ஆர்.பந்துலு இல்லே, அவர்தான் இதுலே நடிச்சிருக்காராம்.

ɒilυzɘɘH

**heezulia** · **heezulia** Sat Jan 06, 2018 5:21 am

06.01.2018

ராஜா தேசிங்கு 1960

இந்தப் படம் அந்த காலத்து தெருக்கூத்து நாடகமாம். எம்.ஜி.ஆருக்கு இன்னொரு வெற்றி படம். இந்தப் படம் உருவான சில நாட்களுக்கு பின்னால, அவருக்கும் தயாரிப்பாளருக்கும் கொஞ்சம் லடாயாம். அந்தாங்க மனஸ்தாபம். அப்புறம் என்ன ஷூட்டிங் இஸ்டாப். .......................... அப்புறமா எப்படியோ எல்லாம் சரியாபோச்சுன்னு சொல்லுங்க.

படப்பிடிப்பு மறுபடியும் தொடர்ந்துச்சு. படபிடிப்பு முடியிறதுக்கு முன்னால இதுவர எடுத்த படத்த பார்க்கலாமேன்னாராம், எம்.ஜி.ஆர்.

"பாற்கடல் அலை மீது......." ன்னு ஒரு பாட்டு வருதாமே. தசாவதாரம் பத்திய பாடலாம். இந்த பாட்டு பத்மினி ஆடுற பெரீ....................................ய பாடல் காட்சியாம். இந்த பாடல பத்தி MGR க்கு தெரியாது. அவர் அத பாத்து, லேனா செட்டியார் கிட்ட அந்தப் பாடல் படத்துல வேணான்னுட்டாராம். அந்தப்பாட்ட எடுத்துட்டாங்களாம். சூப்பர் ஸ்டார் சொன்னதாச்சே. மீற முடியுமா?

அப்புறம் என்ன, கட் .......................... . படப்பிடிப்பு முடிஞ்சுது. திடீர்னு லேனாவுக்கு ஒரு ஆச வந்திருச்சாம். எப்படியா.............வது நீக்கப்பட்ட அந்தப்பாடல சேர்க்கணும், என்ன செய்யலா....................ம்னு யோசிச்சார்.............. யோசிச்சார்.

அப்பாட, ஒரு ஐடியா அவருக்கு வந்திருச்சுல்ல. அந்த பாட்டுக்கு 'தசாவதாரம்'னு பேர் வச்சாராம். சென்சார்கிட்டே ஒரு சர்டிபிகேட்டும் வாங்கினாராம். ராஜா தேசிங்கு படத்தோட இடைவேளை முடிஞ்சதும் இந்த தசாவதார பாட்ட ட்ரைலர் மாதிரி போட்டுட்டு, ராஜாதேசிங்கு படத்த போட ஆரம்பிச்சாங்களாம்.

எம்.ஜி.ஆர். விருப்பப்படி அந்தப்பாட்டு படத்துல வரல. லேனா ஆசைப்பட்டபடி படத்துடன் பாட்டு திரையில காட்டினாங்கல்ல. ரெண்டு பேரோட ஆசையும் நிறைவேறிச்சு பாத்தீங்களா? ஒரு கல்லில ரெண்டு மாங்கா ...........................................

1936 ல இதே பேர்ல ஒரு படம் வந்திருக்கு போல. லட்சுமி - ட்டி.கே.சுந்தரப்பா, ஹீரோயின், ஹீரோவாம். ராஜா சந்திரசேகர் தான் இயக்குனராம்.

ɐıןnzǝǝH

**heezulia** · **heezulia** Sat Jan 06, 2018 5:37 am

06.01.2018

ரேவதி 1960

இந்தப் படத்த பத்தி ஒரு முக்கியமான தகவல் இருக்கு தெரியுமோ ............ .

'சந்திப்பு' என்கிற பேர்ல 1958 லேயே ஆரம்பமான இந்தப் படம், சென்சார் போர்டால தணிக்கை செய்யப்பட்டது வேற பேரால. அது வந்து... 'தியாக உள்ளம்' என்கிற பேர்ல. இந்த பேர்ல இந்தப் படம் மலேசியாவுல மட்டும்தான் ரிலீஸ் ஆச்சாம். சென்னையிலே ரிலீஸ் பண்றதுல தயாரிப்பாளருக்கு என்னமோ பிரச்சினையாம்.

ஏன்னா மறுபடியும் இந்தப் படம் தணிக்கையாச்சாம். அப்போ 'தியாக இதயம்' னு பேர மாத்தினாங்களாம். தணிக்கையாளர்களுக்கு இந்தப் படத்து மேலே என்ன வெறுப்போ என்னவோ, மறுபடியும், கடைசியில 'ரேவதி' பேர வச்சு தணிக்கைய ஒரு வழியா முடிச்சாங்களாம்.

சரி நா........லு தடவ பேர மாத்தினாங்கள்ல. படம் ரிலீசாச்சோ. அதுவும் இல்ல. படத்தோட பேர மாத்தி........... மாத்தி வச்சாங்கல்ல, அம்புட்டுதான். எந்த.......... டிஸ்ட்ரிப்யூட்டரும் படத்த வாங்க தயாரா இல்லியாம். சென்.............டிமென்ட். அதனால ................இந்தப் படம் .................................... பொட்டிகுள்ளேயே ........................படுத்துருச்சாம்.

ailuzeeH

SK · SK Sat Jan 06, 2018 10:22 am

களத்தூர் கண்ணம்மா படத்திற்கு சிறந்த குழந்தை நட்சத்திரம் தேசியவிருது வாங்கினார் கமல்ஹாசன்
இந்த படத்திற்கு சம்பளமாக ஒரு காரும் ஒரு அல்ஷெஷன் நாளையும் வாங்கினார்
அது அப்போதைய கதாநாயகனைவிட அதிகம்

**heezulia** · **heezulia** Sat Jan 06, 2018 1:37 pm

06.01.2018

ஆமா, களத்தூர் கண்ணம்மா பட ஷூட்டிங்ல, மெய்யப்ப செட்டியார்
கமல்ட்ட,

"இந்தப் படத்ல நடிக்க உனக்கு என்ன வேணும்" னு கேட்டாராம். கமல் உடனே,

"எனக்கு ஒரு காரும், அல்சேஷன் நாயும் வேணும்"னு கேட்டாராம்.

செட்டியாரும், "நீ பொழச்சுக்குவேடா" ன்னு  சிரிச்சுட்டே சொன்னாராம்.

SK, நீங்க சொன்ன மாதிரி, அப்போ ஜனாதிபதியாக இருந்த டாக்டர் ராதாகிருஷ்ணன் கையால சிறந்த குழந்தை நட்சத்திரம் என்று தேசிய விருது வாங்கினார். நடிச்ச முதல் படத்திலேயே தேசிய விருது.

களத்தூர் கண்ணம்மா படத்தின் நூறாவது நாள் விழாவிலே, கமல் கேட்ட மாதிரியே, மெய்யப்ப செட்டியார் அவருக்கு ஒரு புத்தம்புது ஃபியட் கார் பரிசாக கொடுத்தாராம். இப்படி விலை உயர்ந்................................த பரிசை வாங்கிய முதல்.................... குழந்தை கமல்.

நாய் கொடுக்கல. விழாவிலே கொடுக்காம, அப்புறமா தனியா பார்த்து கொடுத்திருப்பாரோ?.

இந்தப் படத்தின் ஷூட்டிங் இடைவேளையில, சாவித்திரிக்கும், ஜெமினி கணேசனுக்கும் [இந்தப் படத்தின் ஹீரோயின், ஹீரோ], பொழுதுபோக்கு, கமல்தான். கமலின் அப்பா சீனிவாசனும், அண்ணன் சாருஹாஸனும், அந்தப் படத்தில் எப்படி நடிக்கணும்னு சொல்லிக் கொடுத்தாங்களாம். சின்னப்ப பையனா இருந்தாலும், சொல்லிக்கொடுக்கிறதை நல்..............ல grasp பண்ணிக்குவானாம்.

அந்த செட்ல குட்டிகமல் எப்பவுமே துருதுருன்னு ஒரு இடத்தில நிக்கா........................ம, அங்க இங்க சுத்திகிட்டு இருப்பாராம். AVM செட்டியார் ரூம்குள்ள போக , யா ............ ருக்கும் அனுமதி இல்லையாம். ஆனா இந்த குட்டிப் பையனுக்கு exception. அவர் இஷ்டத்துக்கு போவாரு, வருவாரு.

ஒருநாள் திடீர்னு, செட்ல குட்டிப்பையன காணோமாம். ஸ்டூடியோ முழுக்.....................க தேடிட்டாங்க, எங்கயுமே அந்தப் பய இல்ல. அப்புறமா பாத்தாக்கா, செட்டுக்கு மேல லைட்மேன் நிக்கிறதுக்கு பலகை போட்டு கட்டி வச்சிருப்பாங்கல்ல, அங்க ஏறி நின்னுட்டு இருந்தானாம். அவன கீழ கொண்டு வர்றது பெரும்பாடா போச்சாம். சுட்டி பையா.

அப்புறமா, பாதகாணிக்கை, பார்த்தால் பசி தீரும் [ரெட்டை வேஷம்], கண்ணும் கரளும் [மலையாளம்], ஆனந்தஜோதி, வானம்பாடி படங்களில் இவர் குழந்தை நட்சத்திரம்.

Hөөz∩ꞁ!ɐ

SK · SK Sat Jan 06, 2018 2:00 pm

ராஜா தேசிங்கு 1960 சூப்பருங்க

ரேவதி 1960 சோகம்

**heezulia** · **heezulia** Sat Jan 06, 2018 4:34 pm

06.01.2018

ரேவதியை நெனச்சு நீங்க ஏன் அழுறீங்க?

Heezulia

SK · SK Sat Jan 06, 2018 4:55 pm

heezulia wrote:06.01.2018

ரேவதியை நெனச்சு நீங்க ஏன் அழுறீங்க?

Heezulia

மேற்கோள் செய்த பதிவு: 1256000

ரேவதியை எப்போ ரிலீஸ் பண்ணுவாங்கனு நெனச்சேன் இப்போ ரிலீஸ் ஆனா எப்படி இருக்கும்னு நெனச்சேன் அதான் அழுகை வந்திருச்சு

Sponsored content · Sponsored content

தெரிஞ்சதும் தெரியாததும்

தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

Re: தெரிஞ்சதும் தெரியாததும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக