விளங்காத புதிர்! (ஒருபக்கக் கதை)

**Dr.S.Soundarapandian** · **Dr.S.Soundarapandian** Sat 26 Aug 2017 - 10:39

விளங்காத புதிர்! (ஒருபக்கக் கதை)
அவர் அந்த அலுவலகத்தில் இயக்குநர் அறை முன்பு அமர்ந்திருப்பவர்; வெள்ளை உடுப்பு அவரது; ஆனால் தைத்தபோது வெள்ளையாக
இருந்ததோ என்னவோ அவர் ஒரு நாளும் வெள்ளையாகப் போட்டதே இல்லை! பழுப்புக் கலரில்தான் இருந்தது!

அவர் வருவோர் போவோரிடம் எல்லாம் ஒன்றை மறக்காமல் சொல்லிக்கொண்டிருந்தார்! “ தீபாவளிக்கு ஸ்வீட் பாக்கெட் தர்ரோம்னு
சொன்னாங்க இங்கே; அதை நல்ல கடையில் வாங்கக் கூடாதா? என்ன செஞ்சாங்க தெரியுமா?

இங்க மாரியப்பன்னு ஒருத்தர் இருக்கார்; அவர் தம்பி கடைகடைக்கு இனிப்பு செஞ்சு சப்ளை பண்றார்னு சொல்லி , அவரிடம் 100 பாக்கெட்
ஸ்வீட் செஞ்சு கொண்டாரச் சொல்லீட்டாங்க!சரி! நல்லா இருக்குமாக்குன்னு நெனச்சோம் ! பார்த்தாக்க , மைசூர்பாகு ரெண்டாம் நாளே
கெட்டுப்போச்சு! மேலே பாசி படர ஆரம்பிச்சிருச்சு!பாக்கிங்காவது ஒழுங்கா இருந்துச்சா? இல்லை!ம்ஹூம்! இப்படிப் பண்ணுவாங்களா?...
மாரியப்பன் தம்பின்ன ஒடனே எனக்குச் சந்தேகம்தான்!”- இப்படிச் சொல்லி ஒரு பாட்டம் புலம்புவார்! கேட்டுக்கொண்ருப்பவர்
இரண்டு நாட்கள் கழித்துச் சென்றால் , அப்போதும் இதே வரலாற்றைச் அதே நபரிடம் சொல்ல அவர் மறக்கமாட்டார் !

ஒருவேளை , இயக்குநர் வாசல் முன்பு நாம் இருக்கோம்; நம்மைக் கேட்காமல் செஞ்சுட்டாங்கன்னு வருத்தமா? பலபேர் அந்த அலுவலகத்தில்
இருக்கும்போது, அவர் மட்டும் , தீபாவளி முடிஞ்சு பல மாதங்கள் ஆகியும் அந்த ஸ்வீட் விஷயத்தை வருவோர் போவோரிடம் எல்லாம்
சொல்லிக்கொண்டிருப்பதன் இரகசியம் என்ன? சமுதாயத்தில் சில விஷயங்கள் சிலர் மண்டையைத் தாக்கு தாக்குன்னு தாக்குதே அது ஏன்?
அதுதான் விளங்காத புதிர்!

**ayyasamy ram** · **ayyasamy ram** Sat 26 Aug 2017 - 14:50

விளங்காத புதிர் ....கதை அருமை
ரோட்டில் செல்பவர்களில் சிலர் தனக்குத்தானே
பேசிக்கொண்டு (புலம்பிக்கொண்டே)
செல்வார்கள்...
-
எல்லாம் மன அழுத்தத்தால் வரும் வியாதி...!!

**Dr.S.Soundarapandian** · **Dr.S.Soundarapandian** Sat 26 Aug 2017 - 15:53

விளங்காத புதிர்! (ஒருபக்கக் கதை) 1571444738

**ஜாஹீதாபானு** · **ஜாஹீதாபானு** Sat 26 Aug 2017 - 18:08

நல்லா இருக்கு ....

பதிவை இடைவெளி விட்டு பதிவு செய்யுங்கள் ஐயா ....

**T.N.Balasubramanian** · **T.N.Balasubramanian** Sat 26 Aug 2017 - 19:41

ஜாஹீதாபானு wrote:நல்லா இருக்கு ....

பதிவை இடைவெளி விட்டு பதிவு செய்யுங்கள் ஐயா ....

மேற்கோள் செய்த பதிவு: 1247109

இடைவெளி தகுந்த அளவில் கொடுத்து திருத்தியுள்ளேன்.
படிக்க முடியுமென எண்ணுகிறேன் ,பானு.

ரமணியன்

**T.N.Balasubramanian** · **T.N.Balasubramanian** Sat 26 Aug 2017 - 19:47

விளங்காத புதிர்..........

எந்தன் இன்றைய பதிவில்,
" என்னப் பார்வை --உந்தன் பார்வை --(வந்ததும் --தந்ததும்)" ,
"www.eegarai.net/t138547-topic#1247097"
எண் 5 தான் இதற்கு காரணம் போல்

ரமணியன்

**Dr.S.Soundarapandian** · **Dr.S.Soundarapandian** Sat 26 Aug 2017 - 23:29

நன்றி ரமணியன் அவர்களே ! நன்றி ஜாஹீதாபானு அவர்களே !

**M.Jagadeesan** · **M.Jagadeesan** Sun 27 Aug 2017 - 8:57

கெட்டுப்போன மைசூர் பாகை தன்செல்லக்
...குழந்தைக்குக் கொடுத்து இருப்பார் !
மட்டமான எண்ணெயில் செய்திட்ட அந்த
...மைசூர்பாகு குழந்தையின் வயிற்றில்
பட்டவுடனே தொடங்கிய வயிற்றுப் போக்கு
...பலநூறு ரூபாய்கள் டாக்டருக்கு
கொட்டியழுத பின்புதான் நின்று இருக்கும் !
...புரிந்ததா புலம்பலின் காரணம் ?

**Dr.S.Soundarapandian** · **Dr.S.Soundarapandian** Sun 27 Aug 2017 - 10:16

**ஜாஹீதாபானு** · **ஜாஹீதாபானு** Mon 28 Aug 2017 - 19:02

T.N.Balasubramanian wrote:
ஜாஹீதாபானு wrote:நல்லா இருக்கு ....

பதிவை இடைவெளி விட்டு பதிவு செய்யுங்கள் ஐயா ....
மேற்கோள் செய்த பதிவு: 1247109

இடைவெளி தகுந்த அளவில் கொடுத்து திருத்தியுள்ளேன்.
படிக்க முடியுமென எண்ணுகிறேன் ,பானு.

ரமணியன்

மேற்கோள் செய்த பதிவு: 1247113
நானே திருத்தி விட்டு தான் சொன்னேன் ஐயா... பதிவு திருத்தாமல் அப்படியே தான் இருந்ததா?

Sponsored content · Sponsored content

விளங்காத புதிர்! (ஒருபக்கக் கதை)

விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

Re: விளங்காத புதிர்! (ஒருபக்கக் கதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக