‘நீங்கள் செவ்வாய் கிரகத்தில் சிக்கியிருந்தாலும் இந்திய தூதரகம் உதவிசெய்யும்’ சுஷ்மா பதில் டுவிட்

புதுடெல்லி,

மத்திய வெளியுறவுத்துறை மந்திரியாக இருக்கும்
சுஷ்மா சுவராஜ் வெளிநாடுகளில் உள்ள இந்தியர்களின்
கேள்விகள், சந்தேகங்களுக்கு உடனடியாக டுவிட்டரில்
பதில் உரைத்து வருகிறார்.

மேலும் வெளிநாடுகளில் இந்தியர் ஏதேனும் பிரச்சனையில்
சிக்கியிருப்பதாக தெரியவந்தால் அதற்கான நடவடிக்கையிலும்
உடனடியாக சமூக வலைதளங்களிலே தொடங்குபவர்.

உலகம் முழுவதும் உள்ள இந்தியர்களுக்கு உதவிசெய்வதில்
அவருடைய நடவடிக்கையானது அனைத்து தரப்பிலும் பாராட்டப்பட்டு
வருகிறது.

இது மட்டுமின்றி இந்தியாவிற்கு மருத்துவ உதவி என
சேவையை நாடி வருபவர்களுக்கும் தேவையான உதவிகளை
சுஷ்மா செய்கிறார்.

சமீபத்தில் பாகிஸ்தானை சேர்ந்த இருவயது குழந்தைக்கு
இந்தியாவில் சிகிச்சை அளிக்க அனைத்து உதவிகளும்
செய்யப்படும் என்றார் சுஷ்மா சுவராஜ்.

சிகாவோகில் இருப்பதாக காட்டும் டுவிட்டர்வாசி
கராண் சாய்னி என்பவர் தன்னுடைய டுவிட்டரில்
சுஷ்மா சுவராஜ் மற்றும் இஸ்ரோவை டேக் செய்து.
நான் செவ்வாய் கிரத்தில் மாட்டிக் கொண்டேன்,

எனக்கு மங்கள்யான் வழியாக அனுப்பப்பட்ட உணவு தீர்ந்துவிட
போகிறது. எப்போது மங்கள்யான் 2 அனுப்படும் என கேள்வி
எழுப்பி உள்ளார்.

இந்தியா மங்கள்யான் விண்கலத்தை கடந்த 2013-ம் ஆண்டு
நவம்பர் மாதம் வெற்றிகரமாக அனுப்பியது. இதனையடுத்து
இரண்டாவது விண்கலத்தை அனுப்பும் பணியில் தீவிரமாக
நடைபெற்று வருகிறது.

இதற்கு சாமர்த்தியமாகவும், நகைச்சுவையாகவும் பதிலளித்து
உள்ள மத்திய மந்திரி சுஷ்மா சுவராஜ், “நீங்கள் செவ்வாய்
கிரகத்தில் சிக்கியிருந்தாலும் இந்திய தூதரகம் உதவிசெய்யும்”
என குறிப்பிட்டு உள்ளார்.

சுஷ்மாவின் இந்த பதில் அனைவருக்கும் சிரிப்பை வரச்செய்து
உள்ளது. அவருடைய இந்த டுவிட் இப்போது டுவிட்டரில் வைரலாகி
உள்ளது. அவருடைய நகைச்சுவையான பதிலை இணைத்து
பலரும் பாராட்டை தெரிவித்து வருகிறார்கள்.
-
-----------
தினத்தந்தி