திருமலை திருப்பதி கருவறைக்குள் தினம்தினம் நடக்கும் ஓர் அதிசயம்!

First topic message reminder :

திருமலை திருப்பதி கருவறைக்குள் தினம்தினம் நடக்கும் ஓர் அதிசயம்!

வருஷத்துக்கு ஒருமுறைதான் திருப்பதிக்கு போகமுடியுது…அதுலயும், அங்க இருக்குற கூட்டத்துல பலமணிநேர காத்திருத்தலுக்கு பின்னாலதான் சாமிய பாக்கவே முடியுது.

அதுக்குள்ள அங்க இருக்கறவங்க நம்மள ஜருகண்டி, ஜருகண்டின்னு புடிச்சு தள்ளிவிட்டுடறாங்க..

கூட்ட நெரிசல்ல கோயில விட்டு வெளிய வந்த பின்னாலதான் “அடடா..இதையெல்லாம் சாமிகிட்ட வேண்டலாம்னு இருந்தோமோ, எல்லாத்தையும் மறந்துட்டோமே..

ஆமா, சாமி என்ன அலங்காரத்துல இருந்தாரு..சே..சரியாவே தரிசனம் செய்ய விடலயே..” இப்படின்னெல்லாம் எல்லாருமே அங்கலாய்ச்சிருப்போம்..,

கூட்ட நெரிசலாலதான் சாமிய சரியா பார்க்க முடியல..சாமிகிட்ட நம்ம பிரார்த்தனைய சொல்லமுடியல..அப்படின்னெல்லாம் நினைச்சிருப்போம்..ஆனா, அதெல்லாம் உண்மையில்லீங்க..

சாமிய நாம தரிசனம் பண்ற இடத்துல இருக்குற ஒரு விசேஷ சக்திதான் இப்படி நம்ம ஞாபக சக்தியோட விளையாடுதுன்னு சொல்றாரு..டாக்டர் ரமண தீட்சிதர்..

இத கேக்கும்போதே எனக்கு ரொம்ப ஆச்சரியமா இருந்தது.

சிலநொடிகள்கூட நம்மள சாமிய பார்க்க விடறதில்ல..
ஆனா, இவங்கெல்லாம்(கோயில் அர்ச்சகர்கள்,தேவஸ்தான அதிகாரிகள்) மட்டும் உள்ளேவே இருந்து மணிக்கணக்குல சாமியோட இருக்காங்களேன்னு பொறாமைப்பட்டேன்..ஆனா, அவங்களுக்கும் இப்படித்தான் நினைவுகள் அழிக்கப்படுவதா ரமண தீட்சிதர் குறிப்பிட்டாரு..

இதுல சாமிய பார்க்க வருகிற சுயநலமில்லாத யோகிகள், வாழும் மகான்களுக்கு மட்டும்தான் இதுல விதிவிலக்காம்..

கருவறைக்குள் நம் வேண்டுதல்கள் மறந்து போவது ஏன்..? ஓர் விசித்திர அனுபவம் பற்றி திருமலை திருப்பதியின் பிரதான அர்ச்சகர் டாக்டர் ரமண தீட்சிதர் சொல்வதை பார்ப்போம்

“சுவாமியை தரிசனம் செய்ய கருவறைக்குள் சென்றதும் நம் வேண்டுதல்கள் மறந்து போய்விடும், அடுத்து, சுவாமியை தரிசனம் செய்துவிட்டு வெளியே வந்ததும், சுவாமியை நாம் தரிசனம் செய்தபோது இருந்து அலங்காரம், சுவாமியின் கோலம் எல்லாம் மறந்துபோகும் இது ஏன்..எல்லோருக்கும் இப்படி ஓர் விசித்திர அனுபவம் ஏற்படுவதுண்டு.

அறிவுக்கு அப்பாற்பட்ட விஷயங்களில் இதுவும் ஒன்று. இதற்கு காரணத்தை இன்று நாம் ஆராய்வோம்.

கருடாழ்வார் சன்னதியில் இருந்து கர்ப்பாலயம் வரையிலும் இருக்கும் ஒரு இடம் மிகவும் சக்தி வாய்ந்த ஒரு எனர்ஜி பீல்ட் என்று சொல்லப்படும் விஷயமாக இருக்கும்.

இந்த எனர்ஜி பீல்டு என்பது ஆகமத்தில் சொல்லியிருக்கும் வகையில், நித்தியமும் சுவாமியை தரிசிக்க கோடானுகோடி தேவர்கள், கிண்ணரா, கிம்புருஷா,கருடா, கந்தர்வா, சித்தா, சாத்யா, யட்சா, ராட்சசா முதலிய இனங்களைச்சேர்ந்த தேவதைகள் எல்லாரும் சுவாமியை தரிசித்துக்கொண்டு இருப்பார்கள் என்றும்,

சுவாமி அஷ்டோத்ரத்தில் வரும் நாமப்படி ஸ்வேத்ததீபம் எனும் ஒரு முக்தி அடைந்த சித்தர்கள் வசிக்கும் இடத்தில் இருந்து சித்தர்கள் நித்தியமும் சுவாமியை தரிசித்துக்கொண்டிருப்பார்கள் என்றும்,

குமாரதாரா என்ற தீர்த்தத்தில் எப்பவும் தவத்தில் இருக்கும் ஸ்கந்தன் எனும் முருகப்பெருமான் தினமும் சுவாமியை தரிசிப்பார் என்றும்,

பல தேவதைகளும் கர்ப்பகிரகத்தில் சுவாமியை வணங்க வருவார்கள் என்றும்,

அப்படி வருகின்ற தேவதைகளுக்கு பௌதீகமான சொரூபம் (கண்ணுக்கு புலனாகும் உருவம் ) இல்லை என்றும்,

அவர்கள் சக்தி சொரூபமாகவே சூட்சும ரூபத்தில் வந்து அங்கு கர்ப்பாலயத்தில் இருப்பார்கள் என்றும்,

அவர்களுடைய வருகையினால், அவர்களுடைய இருக்கையினால்,சக்தி வளையங்கள் தோன்றிக்கொண்டே இருக்கும்.

இப்படிப்பட்ட தேவதைகள் இருக்கும் சக்திவளையங்களுக்குள் மனிதர்கள் செல்லும்போது மனிதர்களின் அறிவு அலைகள் ஆல்பா வேவ்ஸ் இந்த சக்தி வளையத்தின் தாக்குதலால் ஸ்தம்பித்து போய்விடுகிறது.அதாவது, இட்ஸ் கோயிங் பிளாங்..,

அதனால், அவர்கள் சுவாமியிடம் என்ன வேண்டும் என்று கேட்க வந்தார்களோ,அந்த விஷயங்களை மறந்து விடுவார்கள்…எ லாஸ் ஆப் மெமரி ஹேப்பன்ஸ்..,

அதேசமயத்தில் கருவறையில் சாமியை தரிசித்த ஞாபகங்கள் மூளையில் தங்காமல் துடைத்து விடப்படுகிறது…டெலிட்டிங் தி மெமரி…,

இந்த இரண்டு நிகழ்ச்சிகளும் சக்தி வளையத்தின் மிகத்தீவிரமான தாக்குதலால் ஏற்படும் மாற்றங்கள்.

இது திருமலை ஸ்ரீ வேங்கடமுடையான் கோயில் கருவறைக்குள் நடக்கும் அதிசயங்களில் ஒன்று.

ஓம் நமோ வெங்கடேசாய !

" ஜருகண்டி ' என்றால் தெலுங்கு தெரியாதவர்களுக்குப் புரியாது . எனவே எல்லோருக்கும் புரிகின்ற வகையில் " please Move " என்று கருவறை அருகே எழுதிவைப்பது நல்லது .

M.Jagadeesan wrote:" ஜருகண்டி ' என்றால் தெலுங்கு தெரியாதவர்களுக்குப் புரியாது . எனவே எல்லோருக்கும் புரிகின்ற வகையில் " please Move " என்று கருவறை அருகே எழுதிவைப்பது நல்லது .

மேற்கோள் செய்த பதிவு: 1238598

தெலுங்கு தெரியாத ஆங்கிலம் அறியாத மற்ற மொழியினரும் வருவரே.
ஒவ்வொரு மொழியிலும் எழுதுவது சாத்தியமா?
அதனால்தான் ஜருகண்டி என வாயால் கூறி கையால் நம்மை நகர்த்திவிடுகின்றனர்.

நாமும் ஜருகண்டி என்றால் (thanks ) நன்றி கூறுவதாக நினைத்துக்கொண்டு,
ஜருகண்டி என அவர்களுக்கு திரும்ப கூறலாம் வரவேண்டும்.
முதல் முறை போகும்போது நானும் அவர்களுக்கு பதில் ஜருகண்டி சொல்லிவிட்டு வந்தேன்.
(கூட வந்தவர் சொன்ன போதுதான் அர்த்தம் புரிந்தது)

ரமணியன்

T.N.Balasubramanian wrote:

krishnaamma wrote:

T.N.Balasubramanian wrote:இப்போதும் ஜருகண்டி இருக்கிறதா?
நாங்கள் ரெண்டு ஆண்டிற்கு முன் சென்றபோது, முதியோர் வரிசையில் சென்றோம்.
முற்றிலும் இலவசம்தான்
Q வில் சூடாக பாலோ காபியோ தருகிறார்கள்.
ஒரு மணி நேரத்தில் தரிசித்துவிட்டு வந்து விட்டோம். ஜருகண்டி என்று யாரும் கூறவில்லை.
நல்ல தரிசனம்.
எந்த கோயிலுக்கு சென்றாலும் கடவுளிடம் , எல்லோருக்கும் நல்லதே செய்
என்பதைதான் வேண்டிக்கொள்கிறேன்.
எனக்காகவோ மற்ற உறவினருக்காகவோ சிறப்பாக வேண்டிக்கொள்வது இல்லை.
ரமணியன்

எத்தனை முறை போனாலும் எத்தனை முறை சேவித்தாலும் எனக்கு 'திருப்தி' வரவே வராது ஐயா.......
.
.
.
ஜருகண்டி இல்லாத திருப்பதி எது?

மேற்கோள் செய்த பதிவு: 1238557

சென்னையில் இருந்து வாலன்டியர்களை அனுப்புகிறார்கள். ஒரு வாரம் தங்கவேண்டும் இடவசதி உணவு தேவஸ்தானம் கவனித்துக்கொள்ளும் விசேட தரிசனம் செய்ய அனுமதி உண்டு.
உங்கள் பெயரை கொடுத்துவிடலாமா? ஆசை தீர தரிசிக்கலாம்.
ரமணியன்

தாளாளமாக ஆசை தீர சேவிக்கலாம் தான், ஆனால் ஒருவாரம் நின்று வேலை செய்யும் அளவுக்கு என் உடல் நலம் இடம் தராதே ஐயா.......நான் என்ன செய்வது? .............

M.Jagadeesan wrote:" ஜருகண்டி ' என்றால் தெலுங்கு தெரியாதவர்களுக்குப் புரியாது . எனவே எல்லோருக்கும் புரிகின்ற வகையில் " please Move " என்று கருவறை அருகே எழுதிவைப்பது நல்லது .

மேற்கோள் செய்த பதிவு: 1238598

ஹா..ஹா...ஹா... அதெல்லாம் யார் பார்ப்பார்கள் ஐயா? ..பெருமாளை பார்க்கவே நேரம் இல்லாதபோது?