குளிர்பான நிறுவனங்களுக்கு தண்ணீர் இல்லை! நெல்லை மாவட்ட நிர்வாகம் அதிரடி முடிவு!

**ayyasamy ram** · **ayyasamy ram** Tue Apr 11, 2017 2:19 am

நெல்லை மாவட்டத்தில் நிலவும் கடுமையான வறட்சி
காரணமாகவும் அணைகளின் நீர்மட்டம் கணிசமாக
குறைந்து விட்டதாலும் பன்னாட்டு குளிர்பான
நிறுவனங்களுக்கு ஏப்ரல் 30-ம் தேதி வரை தண்ணீர்
வழங்கப்பட மாட்டாது என மாவட்ட ஆட்சியர் கருணாகரன்
அறிவித்து உள்ளார்.

தமிழகத்தில் ஓடும் ஆறுகளிலேயே அண்டை மாநிலங்களுடன்
நதிநீர் பிரச்னை இல்லாத ஆறு, தாமிரபரணி மட்டுமே. தமிழக
எல்லையிலேயே உற்பத்தியாகி தமிழக எல்லையிலேயே கடலில்
கலப்பது தான் இதற்கு முக்கிய காரணம்.

நெல்லை, தூத்துக்குடி மாவட்டங்களில் சுமார் 125 கி.மீ தூரத்துக்கு
ஓடும் இந்த ஆற்றில் 11 கால்வாய்கள் அமைத்து விவசாயத்துக்கு
பயன்படுத்தப்படுகிறது. இதன் மூலம் 86,000 ஏக்கர் நிலம் பாசன
வசதி பெறுகிறது.
இதன் மூலம், 25 லட்சம் விவசாயிகள் பயனடைகிறார்கள்.

விவசாயத் தேவைக்கு மட்டும் அல்லாமல் நெல்லை, தூத்துக்குடி,
விருதுநகர் மாவட்டங்களின் குடிநீர் ஆதாரமாகவும் தாமிரபரணி
ஆறு உள்ளது. இந்த நிலையில், தூத்துக்குடி மாவட்டத்தில் உள்ள
ஸ்பிக், ஸ்டெரிலைட், தாரங்கதாரா போன்ற நிறுவனங்கள் ஆற்று
நீரை சொற்பத் தொகை கொடுத்து வாங்கி பயன்படுத்தி வரும்
நிலையில், நெல்லை சிப்காட் வளாகத்தில் அமைக்கப்பட்டு
இருக்கும் கோகோ-கோலா, பெப்சி நிறுவனங்களும் தாமிரபரணி
தண்ணீரை பயன்படுத்தி வருவது குறிப்பிடத்தக்கது
----------------------------------
விகடன்

**krishnaamma** · **krishnaamma** Tue Apr 11, 2017 8:47 pm

நல்ல முடிவு ! சூப்பருங்க

குளிர்பான நிறுவனங்களுக்கு தண்ணீர் இல்லை! நெல்லை மாவட்ட நிர்வாகம் அதிரடி முடிவு!

குளிர்பான நிறுவனங்களுக்கு தண்ணீர் இல்லை! நெல்லை மாவட்ட நிர்வாகம் அதிரடி முடிவு!

Re: குளிர்பான நிறுவனங்களுக்கு தண்ணீர் இல்லை! நெல்லை மாவட்ட நிர்வாகம் அதிரடி முடிவு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக