கும்பகோணம் டிகிரி காபி!

**krishnaamma** · **krishnaamma** Thu Mar 16, 2017 12:48 pm

First topic message reminder :

கும்பகோணம் டிகிரி காபி! - Page 2 ZYAwchrTVixZx3mQ748z+E_1489133183

கசப்பு சுவை உள்ள காபி, பலருக்கும் பிடித்த பானம்; அதிலும், மண மணக்கும், 'கும்பகோணம் டிகிரி பில்டர் காபி' இன்னும் ஸ்பெஷல்!

சென்னையை தாண்டி, திருச்சி செல்லும் சாலையில், இதற்காக பல கடைகள் இருந்தாலும், தஞ்சாவூர் மற்றும் கும்பகோணம் சென்றால், ஒரிஜினல் சுவை காபியை பருகலாம்.

நயமான, ஒரு கிலோ காபிக் கொட்டைகளை, பதமான சூட்டில் வறுக்கும் போது, 800 கிராம் அளவில் குறையும்; அதை அரைத்தால், மூன்று தரங்களில் பொடி கிடைக்கும். 'பி' எனப்படும் தரம் தான், நம்பர் ஒன். அதிலிருந்து, ஒருமுறை மட்டும் டிகாஷன் எடுத்து, பாலில் கலந்தால், டிகிரி காபி தயார்!

கும்பகோணத்தில், டிகிரி காபி கடை வைத்திருக்கும் சுபாஷ், 'கறந்த, நீர் சேர்க்காத பசும் பால்; ஒருமுறை மட்டுமே டிகாஷன் எடுக்கப்படும் காபி; இவை இரண்டும் தான், சுவைக்கு அடிப்படை. அடர்த்தியான, கறந்த பாலின் தரத்தை, 'டிகிரி' என்பர். அப்பாலில் தயாரிப்பதால், 'கும்பகோணம் டிகிரி பில்டர் காபி' என்ற பெயர் உண்டானது.

'கடந்த, 1960ல் அய்யச்சாமி ஐயர் மற்றும் பஞ்சாமி ஐயர் இருவரும் தங்கள் கடையில், கறந்த பாலில், நீர் சேர்க்காமல், காபி போட்டு கொடுக்க, அதன் சுவையில் மயங்கிய வாடிக்கையாளர் கூட்டம் அதிகரித்தது. கோவில் நகரம் என்பதாலும், இசைக் கலைஞர்கள் கூடும் இடம் என்பதாலும், வெளியூரில் இருந்து வந்தோர், காபியின் சுவையில் இளைப்பாற, அதன் புகழ், உலகம் முழுக்க பரவியது...' என்கிறார்.
அத்துடன், பித்தளை பாத்திரங்களுக்கும், பெயர் பெற்ற ஊர் கும்பகோணம். காபியை அதிலேயே கொடுக்க, இன்று, அதுவும் ஒரு பிராண்ட் ஆகி விட்டது என்கிறார் சுபாஷ்.

**ayyasamy ram** · **ayyasamy ram** Fri Mar 17, 2017 1:29 pm

M.Jagadeesan wrote:இன்னும் சில ஹோட்டல்களில் டம்ளருக்குள் டம்ளர் வைத்துக் காபி கொடுப்பார்கள் . அதை பிரித்து எடுப்பதற்குள் பிராணன் போய்விடும் . நல்லவேளை இப்போது அந்தப் பழக்கம் இல்லை .

மேற்கோள் செய்த பதிவு: 1236210
-
அந்த காலத்தில்
கடலூரில் பீம விலாஸ் என்ற ஹோட்டலில்
இப்படித்தான் காபி கொடுப்பார்கள்...
-
சர்வரிடம் சொல்லி, டம்ளரைப் பிரித்து
வாங்கி விடுவோம்...
-

**T.N.Balasubramanian** · **T.N.Balasubramanian** Fri Mar 17, 2017 6:44 pm

ayyasamy ram wrote:
M.Jagadeesan wrote:இன்னும் சில ஹோட்டல்களில் டம்ளருக்குள் டம்ளர் வைத்துக் காபி கொடுப்பார்கள் . அதை பிரித்து எடுப்பதற்குள் பிராணன் போய்விடும் . நல்லவேளை இப்போது அந்தப் பழக்கம் இல்லை .
மேற்கோள் செய்த பதிவு: 1236210
-
அந்த காலத்தில்
கடலூரில் பீம விலாஸ் என்ற ஹோட்டலில்
இப்படித்தான் காபி கொடுப்பார்கள்...
-
சர்வரிடம் சொல்லி, டம்ளரைப் பிரித்து
வாங்கி விடுவோம்...
-

மேற்கோள் செய்த பதிவு: 1236211

அப்பிடி ஒன்றும் கஷ்டம் இல்லையே.
அப்பிடி செய்யும்போது காப்பி சூடாகவே இருக்கும்.
நாசுக்காக எடுக்கவேண்டும் .
அதைவிட காபியை டம்பளரில் விட்டு அதன் மேல் டபராவை வைத்து,லாவகமாக கீழே சிந்தாமல் அதை திருப்புவதில்தான் திறமை இருக்கிறது.
அய்யா அதில் எக்ஸ்பெர்ட்தான். விரும்பி கற்றுக்கொண்டது. புன்னகை

ரமணியன்

**krishnaamma** · **krishnaamma** Fri Mar 17, 2017 11:23 pm

M.Jagadeesan wrote:இப்போது எந்த ஹோட்டலிலும் பித்தளை டபரா செட்டில் காபி தருவதில்லை . அது அந்தக்காலம் .

சரவணபவன் காபி மிகவும் சுவையாக உள்ளது . நம் வீட்டில் அதுபோல தயாரிக்க முடிவதில்லை . என்ன ரகசியம் என்று தெரியவில்லை .

காப்பி பொடி அரைக்கும்போது, plantation A + Peeberry இரண்டும் 250 கிராம் என்று சம அளவில் கொட்டை வாங்கி அரைத்து, அத்துடன் 25 கிராம் சிக்கிரி சேர்த்து , டிகாஷன் இறக்கி, காப்பி போடுங்கள் ............அமிர்தமாய் இருக்கும் காபி புன்னகை

நிறைய பொடி வாங்கி ஸ்டாக் வைக்கக் கூடாது, வாரா வாரம் அரைத்து வாங்கி வரவேண்டும்........நிறைய வாங்கும் படி ஆனால் , பாதியை எடுத்து தனி கவரில் போட்டு , பிரிட்ஜ் இல் உள்ள பிரீஸரில் இல் வைத்துக் கொள்ளவும். தேவையானபோது எடுத்துக் கொள்ளலாம் புன்னகை

**krishnaamma** · **krishnaamma** Fri Mar 17, 2017 11:25 pm

T.N.Balasubramanian wrote:இப்போதும் கும்பகோணம் ரயில்வே ஸ்டேஷனில் உள்ள காபி ஸ்டாலில்
பித்தளை டபரா டம்பளரில் காபி. அருமையோ அருமை. பொதுவாக ரயில்வே
பிளாட்பாரத்தில் காபியே குடிக்கமாட்டோம்.ஆனால் கும்பகோணம்சென்ற போது
ரெண்டு டம்பளர் வாங்கி குடித்தோம்.

ரமணியன்

.....

**krishnaamma** · **krishnaamma** Fri Mar 17, 2017 11:26 pm

ayyasamy ram wrote:
-

டிகிரி என்பது பாலின் தரத்தைக் குறிக்கும் அளவீடு.
கறந்த சூடு ஆறாத, தண்ணீர் கலக்காத பசும் பால்.

இதை லேக்டோ மீட்டர்போட்டு டிகிரி உறுதிப்படுத்தியே
வாங்குவார்கள். அதில் போட்டால் தான், அது டிகிரி காபி.

கும்பகோணத்துக்கே உரிய பித்தளை காபி பில்டரை நன்கு
சூடேற்றி, அதில் சிக்கரி கலக்காத காபித்தூளையும்
சர்க்கரையையும் போட்டு, கொதிக்கும் வெந்நீரை ஊற்றி
மூடிவிட வேண்டும்.

ஆடை சூழாத பால் பாதி, பில்டரில் ஊறிய காபி டிகாஷன்
பாதி. ஓங்கி ஒரு ஆற்று... பொங்கிய நுரையும், பறக்கும்
ஆவியும் நாவில் படுகிற நொடியில் உடம்பு நரம்புகள்
கிளர்ந்து எழும்.
-
------------------------------------

மிக அருமையாக எழுதி இருக்கிறீர்கள் அண்ணா, ஆனால் டிகாஷன் திக்காக வருவதற்கு கொஞ்சமே கொஞ்சம் சிக்கிரி போடுவோம் புன்னகை

**krishnaamma** · **krishnaamma** Fri Mar 17, 2017 11:27 pm

M.Jagadeesan wrote:எல்லா சூட்சுமமும் காபித்தூளில்தான் இருக்கிறது . காபித்தூள் தரமில்லையென்றால் , நாம் எவ்வளவுதான் பில்டரில் டிகாக்க்ஷன் தயாரித்தாலும் , காபி சுவையாக இருக்காது .

நிஜம் ஐயா , நான் மேலே கூறியபடி தயாரித்துப் பாருங்கள் அருமையாக இருக்கும் புன்னகை

**krishnaamma** · **krishnaamma** Fri Mar 17, 2017 11:30 pm

T.N.Balasubramanian wrote:அந்த காலத்தில் நாங்கள் கூறிய புதுமொழி .

"தமிழ்நாடு தமிழர்க்கே
டபரா டம்பளர் காபிக்கே "

ரமணியன்

அட, இது நல்லா இருக்கிறதே ! புன்னகை

**krishnaamma** · **krishnaamma** Fri Mar 17, 2017 11:31 pm

M.Jagadeesan wrote:இன்னும் சில ஹோட்டல்களில் டம்ளருக்குள் டம்ளர் வைத்துக் காபி கொடுப்பார்கள் . அதை பிரித்து எடுப்பதற்குள் பிராணன் போய்விடும் . நல்லவேளை இப்போது அந்தப் பழக்கம் இல்லை .

ஆமாம் காப்பி வேறு மிகவும் சூடாக இருக்கும் புன்னகை

**krishnaamma** · **krishnaamma** Fri Mar 17, 2017 11:34 pm

T.N.Balasubramanian wrote:
அப்பிடி ஒன்றும் கஷ்டம் இல்லையே.
அப்பிடி செய்யும்போது காப்பி சூடாகவே இருக்கும்.
நாசுக்காக எடுக்கவேண்டும் .
அதைவிட காபியை டம்பளரில் விட்டு அதன் மேல் டபராவை வைத்து,லாவகமாக கீழே சிந்தாமல் அதை திருப்புவதில்தான் திறமை இருக்கிறது.
அய்யா அதில் எக்ஸ்பெர்ட்தான். விரும்பி கற்றுக்கொண்டது.

ரமணியன்

மேற்கோள் செய்த பதிவு: 1236226

ம்ம்.. நானும் அப்படி செய்வதுண்டு ஐயா, லாவகமாக எடுக்கவேண்டும் .....இல்லாவிட்டால் அவ்வளவுதான்.......... ஜாலி

.............ஆனால் ஜெகதீசன் ஐயா டம்ளர் உள் ரம்ளர் போட்டு தருவதை சொல்கிறார் புன்னகை

..அது கொஞ்சம் கஷ்டம்தான் !

**M.Jagadeesan** · **M.Jagadeesan** Sat Mar 18, 2017 6:37 am

டம்ளருக்குள் டம்ளர் வைத்துக் காபி கொடுக்கும்போது , காபி இருக்கும் டம்ளர் உஷ்ணத்தால் சற்று விரிவடையும் ; அப்போது அது வெளிப்புற டம்ளரில் மிகவும் இறுக்கமாக ஒட்டிக்கொள்ளும் . எனவே அதைப் பிரித்து எடுப்பது சிரமமாக இருக்கும் .

Sponsored content · Sponsored content

கும்பகோணம் டிகிரி காபி!

கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

Re: கும்பகோணம் டிகிரி காபி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக