நேரம்

ச. சந்திரசேகரன் · 16/09/2012

நேரம்

இன்று நாளையின் நேற்றாகும்
இதுவே நேரத்தின் கூற்றாகும்
நன்கு அறிந்தால் பயனாகும்
நாளை உந்தன் வசமாகும்

இறந்த நொடிகள் உனதில்லை
திரும்பப் பெறவும் வழியில்லை
இருப்பில் வைக்க வாய்ப்பில்லை
பொறுப்பாய் இருந்தால் தோற்பில்லை

நொடிதான் செல்வம் உணர்ந்துவிடு
நேரம் கிடைத்தால் உழைத்துவிடு
படிகள் கடந்து பாய்ந்துவிடு
பாரம் இறக்கி ஓய்ந்துவிடு

காலத்தோடு நீ வந்தால்
காலம் உந்தன் கைவசமே
காலம் கடந்து வந்தாலோ
காலம் இல்லை உன்வசமே

கவலை தன்னில் இருந்தாலே
காலம் ஆமை வேகத்திலே
கவலை பறந்து சென்றாலோ
காலம் பறக்கும் வேகத்திலே

இளமைக் கால உழைப்பினிலே
இறுதி வரைநீ செழிப்பினிலே
முதுமை வந்தும் உழைத்தாலே
முடிந்து போவாய் முன்னாலே

ச. சந்திரசேகரன்