கேடு கெட்டவனே !

**M.Jagadeesan** · **M.Jagadeesan** Fri Jan 27, 2017 6:43 pm

சண்டைகள் உச்சகட்டத்தை அடையும்போது

" கேடு கெட்டவனே ! நீ நாசமாகப் போவாய் ; உன் குடும்பம் விளங்காது " என்ற வசவுகளைக் கிராமப்புறங்களில் கேட்கலாம் .

" கேடு கெட்டவனே ! " என்று திட்டுவது சரியா ?

" கேடு " என்ற சொல்லுக்கு அழிவு ,தீமை , துன்பம் என்பது பொருள் .

அறிவுகெட்டவன் என்றால் என்ன ?

அறிவு இல்லாதவன் என்றுதானே பொருள் .

அதுபோல கேடு கெட்டவன் என்றால் தீமை இல்லாதவன் என்றுதானே பொருள் வரவேண்டும் . அதாவது " நல்லவன் " என்றுதானே பொருள் .

கேடு , கெட்ட ஆகிய இரண்டு எதிர்மறை சொற்கள் சேர்ந்து " நல்ல " என்ற ஒரு உடன்பாட்டு சொல்லை உருவாக்குகிறது .

அவன் பொய்யன் இல்லை என்று சொன்னால் , அவன் உண்மை பேசுபவன் என்று பொருள் .

இங்கு " பொய்யன் " , " இல்லை " ஆகிய இரண்டு எதிர்மறை சொற்கள் சேர்ந்து " அவன் உண்மை பேசுபவன் " என்ற பொருளைத் தருகின்றன .

Two negatives form one affirmative என்ற நிலை ஆங்கிலத்திலும் உண்டு .

He will never disobedient என்றால் He is always obedient என்று பொருள்படும் .

Never , Disobedient ஆகிய இரண்டு எதிர்மறைச் சொற்கள் Obedient என்ற உடன்பாட்டுச் சொல்லை உருவாக்கி நின்றன .

இவ்வாறே He is not irresponsible என்றால் He is responsible என்று பொருள்படும் . இதுபோன்ற Double Negative வாக்கியங்கள் ஆங்கில மொழியில் அரிதாகவே பயன்படுத்தப்படுகின்றன .

அல்ஜீப்ரா கணக்கில் ( - ) X ( - ) = + என்ற விதி உண்டு . அது மொழியியலுக்கும் பொருந்தும் .

இனிமேல் ஒருவனைக் " கேடு கெட்டவனே " என்று திட்டினால் அவனை நீங்கள் புகழ்கிறீர்கள் என்பதை நினைவில் கொள்க .