1 கிலோ கோஸ் ரூ.2 : விவசாயிகள் வேதனை

**ayyasamy ram** · **ayyasamy ram** Wed Dec 28, 2016 7:17 am

-
சத்தியமங்கலம்:

பணப் பிரச்னையால், முட்டைக் கோஸ் விலை, கிலோ, 2 ரூபாயாக
வீழ்ச்சி அடைந்துள்ளது. ஈரோடு மாவட்டம், சத்தியமங்கலத்தை
அடுத்த தாளவாடி மலைப்பகுதியில், குளிர்ச்சியான சீதோஷ்ணம்
நிலவுகிறது.

இதனால், தாளவாடியை சுற்றிஉள்ள, 100க்கும் மேற்பட்ட கிராமங்களின்
விவசாயிகள், 10 ஆயிரம் ஏக்கரில் முட்டைக்கோஸ் சாகுபடி செய்தனர்.
ஆனால், பணத் தட்டுப்பாட்டால், விலை கடும் வீழ்ச்சி அடைந்துள்ளது.
ஒரு கிலோவுக்கு, 2 ரூபாய் மட்டுமே கிடைப்பதால், விவசாயிகள் அதிர்ச்சி
அடைந்துள்ளனர்.

விவசாயிகள் கூறியதாவது:

முட்டைக்கோஸ், மூன்று மாத பயிர். ஒரு ஏக்கருக்கு, 25 ஆயிரம் முதல்,
30 ஆயிரம் நாற்றுகள் நடவு செய்யலாம். உழவு, நடவு, களை எடுத்தல்,
பூச்சி மருந்து தெளித்தல், உரமிடுதல் உள்ளிட்ட பணிகளுக்கு,
ஒரு ஏக்கருக்கு, 45 ஆயிரம் ரூபாய் வரை செலவாகிறது.

முட்டைக்கோஸ், கடந்தாண்டு, ஒரு கிலோ, 7 முதல், 12 ரூபாய் வரை விற்றது;
இதேபோல் நடப்பாண்டும் எதிர்பார்த்தோம். ஆனால், பணத் தட்டுப்பாடு
காரணமாக, வியாபாரிகள் வருகை குறைந்து, ஒரு சிலர் மட்டுமே
வருகின்றனர். அவர்களும் கிலோவுக்கு, 2 ரூபாய் மட்டுமே தந்து, வாங்கி
செல்கின்றனர்; இதனால், செலவுத் தொகை கூட கிடைக்காது.

அடுத்தகட்ட சாகுபடிக்கு தேவையான விதை, உரம் கூட வாங்க முடியாத
நிலை ஏற்பட்டுஉள்ளது. இவ்வாறு விவசாயிகள் கூறினர்.
–
——————————————
தினமலர்

Hari Prasath · Hari Prasath Wed Dec 28, 2016 8:04 am

K.Jayakumar · K.Jayakumar Wed Dec 28, 2016 9:51 am

ஒரு சில பயிர்களை போல காய்கறிகளையும் நியாயமான விலையில் அரசாங்கம் கொள்முதல் செய்து விவசாயிகளுக்கு ஏற்படும் நஷ்டத்தை தவிர்க்கலாம் . குறைந்த பட்சம் அருகிலிருக்கும் மாவட்டத்திற்கு இக்காய்கறிகளை குறைந்த விலையில் எடுத்து செல்வதற்கு உதவி .செய்யலாம்.அதே வாகனத்தில் அந்த மாவட்டத்தில் ஏதேனும் அதிகப்படியாக விளைந்திருந்தால் அதை எடுத்து வரலாம்.

**krishnaamma** · **krishnaamma** Wed Dec 28, 2016 10:45 am

ம்ம்...10000 ஏக்கரில் பயிர் செய்துள்ள இவர்கள், கொஞ்சம் முயன்று சுற்று வட்டார பகுதிகளுக்கும் எடுத்து செல்ல வழி செய்து கொள்ளவேண்டும்..நம் அரசாங்கத்தை எதிர்பார்த்தால் ஒன்றும் நடக்காது சோகம்

...பாவம் இவர்கள் சோகம்