ஐயப்பனின் இரு கால்களில் துண்டு கட்டியிருப்பது போல் காட்சியளிப்பது ஏன்??

**ayyasamy ram** · **ayyasamy ram** Thu 8 Dec 2016 - 14:14

-

ஐயப்பன் அவதார காரணம் பூர்த்தி பெற்றதால் தான்
சபரிமலையில் தவமிருக்கப் போவதாகவும் தன்னை
தரிசிக்க வேண்டுமானால் அங்கு வருமாறும் கூறி
சபரி மலையில் 18 படிகளுக்கு மேல் தவக் கோலத்தில்
அமர்ந்தார் அருள்தரும் ஐயப்பன்.
-
இன்றும் நாம் ஐயப்பனை அங்கு அந்த தவக் கோலத்தில்
காணலாம். ஐயப்பனின் இரு கால்களில் துண்டு
கட்டியிருக்கப்பட்டிருப்பதைக் காணலாம். அதற்கும்
ஒருகாரணம் கூறப்படுகிறது.
-
ஐயப்பனைக் காண பந்தள மகாரஜா ஒரு முறை வந்த போது
ஐயப்பன் தன் தந்தை என்ற காரணத்தால் எழ முயன்ற
போது இறைவன் தனக்கு மரியாதை செய்ய எழுந்திருக்கக்
கூடாது என்பதற்காக தன் தோளில் போட்டிருந்த பட்டு
அங்கவஸ்திரத்தை ஐயப்பனை நோக்கி அவர் தூக்கி போட்ட
போது அந்த அங்கவஸ்திரம் ஐயப்பன் காலைச் சுற்றிக்
கொண்டதாகவும் கூறப்படுகிறது.
-
உற்று நோக்கினால் ஐயப்பன் அமர்ந்த கோலத்திலிருந்து சற்றே
எழுந்திருப்பது போல் தோன்றும் எனக் கூறுகிறார்கள்.
-
மற்ற கோவில்கள் போல் சபரிமலை ஐயப்பன் கோவில் வருடம்
முழுவதும் திறக்கப்படுவதில்லை. ஒவ்வொரு மலையாள
மாதத்தின் கடைசி நாள் மாலை 5 மணிக்கு கோயில் நடை
திறக்கப்பட்டு மலையாள மாதத்தின் 5-வது நாளன்று நடை
சார்த்தப்படும்.
-
ஆண்டு தோறும் நடைபெறும் மண்டல பூஜை, மகர ஜோதி
பூஜைகள் விசேஷமானவை. பொன்ணம்பல மேட்டில் ஜோதி
வடிவில் பக்தர்களுக்கு அருள்பாலிக்கும் ஸ்ரீ ஐயப்பன் அன்று
காந்தமலையில் இருந்து சபரிமலைக்கு வருவதாக ஐதீகம்.
-
------------------------------------------------
தமிழ் வெப்துனியா

ஐயப்பனின் இரு கால்களில் துண்டு கட்டியிருப்பது போல் காட்சியளிப்பது ஏன்??

ஐயப்பனின் இரு கால்களில் துண்டு கட்டியிருப்பது போல் காட்சியளிப்பது ஏன்??

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக